بابا بلھے شاہ کیہہ بے درداں دے سنگ یاری ۔ بلھے شاہ

[فرخ منظور]

کافی بلھے شاہ

کیہہ بے درداں دے سنگ یاری
روون اکّھیاں زار و زاری

سانوں گئے بے دردی چھڈ کے
سینے سانگ ہجر دی گڈ کے
جسموں جند لوں لے گئے کڈھ کے
ایہہ گل کر گئے ہینسیاری

کیہہ بے درداں دے سنگ یاری
روون اکّھیاں زار و زاری

بے درداں دا کیہہ بھرواسا
خوف نہیں دل اندر ماسا
چڑیاں موت، گواراں ہاسا
مگروں ہس ہس تاڑی ماری

کیہہ بے درداں دے سنگ یاری
روون اکّھیاں زار و زاری

آون کہہ گئے پھیر نہ آئے
آون دے سبھ قول بھلائے
میں بھلّی، بھُل نین لگائے
کیہے ملے سانوں ٹھگ بپاری

کیہہ بے درداں دے سنگ یاری
روون اکّھیاں زار و زاری

بلھے شاہ اِک سودا کیتا
کیتا زہر پیالہ پیتا
نہ کجھ نفع نہ ٹوٹا لیتا
درد دکھاں دی گٹھڑی بھاری

کیہہ بے درداں دے سنگ یاری
روون اکّھیاں زار و زاری

(بلھے شاہ)

 

[محمد وارث]

بہت شکریہ جناب بابے ہوراں دا سوہنا کلام پوسٹ کرن لئی۔

 

[خرم]

کیہے ملے سانوں ٹھگ بپاری
سبحان اللہ۔ پوری قوم تے گل پوری آوندی ایہہ۔

 

[Saraah]

بہت سوہنا انتخاب
شکریہ

 

[فرخ منظور]

پسند کرن لئی بہت شکریہ وارث صاحب، خرم صاحب، نایاب صاحب تے پون صاحبہ! بابا تے میرے گوڈے گٹیاں وچ بیہ گیا اے۔

 

[فرخ منظور]

کیہہ بے درداں دے سنگ یاری
روون اکّھیاں زار و زاری

سانوں گئے بے دردی چھڈ کے
سینے سانگ ہجر دی گڈ کے
جسموں جند نوں لے گئے کڈھ کے
ایہہ گل کر گئے ہینسیاری​

کیہہ بے درداں دے سنگ یاری
روون اکّھیاں زار و زاری​

بے درداں دا کیہہ بھرواسا
خوف نہیں دل اندر ماسا
چڑیاں موت، گواراں ہاسا
مگروں ہس ہس تاڑی ماری​

کیہہ بے درداں دے سنگ یاری
روون اکّھیاں زار و زاری​

آون کہہ گئے پھیر نہ آئے
آون دے سبھ قول بھلائے
میں بھلّی، بھُلی نین لگائے
کیہے ملے سانوں ٹھگ بُپاری​

کیہہ بے درداں دے سنگ یاری
روون اکّھیاں زار و زاری​

بلھے شاہ اِک سودا کیتا
کیتا زہر پیالہ پیتا
نہ کجھ نفع نہ ٹوٹا لیتا
درد دکھاں دی گٹھڑی بھاری​

کیہہ بے درداں دے سنگ یاری
روون اکّھیاں زار و زاری​

(بلھے شاہ)​