سعیدالرحمن سعید
معطل
کی ہویا جے تن من میرے عشق دی میلی لوئی اے
میں کِھڑیا تے وانگ گلاباں کھلر گئی خوشبوئی اے
دُھپاں دے وچ اڈ جاندا اے، اپنے رنگ دی مستی کی
بھیڑ پئی تے موراں ورگی چال وی بُھلی ہوئی اے
چن بدلاں وچ لکیا جد توں، بولدا کوئی چکور نئیں
ڈُبیا شہر ہنیریاں اندر ، خلقت ڈر ڈر موئی اے
اک اک کولوں پچھناں ہاں ، او وید سیانے کدھر گئے
ہتھ جنہاں نے دکھ دے دارو، مِٹھی بات نروئی اے
رشنائیاں دے بھرے خزانے ، دل دے کاسے خالی نیں
سورج ویہڑے دے وچ وڑیا ، اکھ نا کُھلی کوئی اے
جگ مگ کر دے ہیرے بن گئے ، پتھراں ورگے لوک سعید
اندر وگدے دل دریا دی لہر جنہاں نے چھوئی اے
سعید الرحمٰن سعید
میں کِھڑیا تے وانگ گلاباں کھلر گئی خوشبوئی اے
دُھپاں دے وچ اڈ جاندا اے، اپنے رنگ دی مستی کی
بھیڑ پئی تے موراں ورگی چال وی بُھلی ہوئی اے
چن بدلاں وچ لکیا جد توں، بولدا کوئی چکور نئیں
ڈُبیا شہر ہنیریاں اندر ، خلقت ڈر ڈر موئی اے
اک اک کولوں پچھناں ہاں ، او وید سیانے کدھر گئے
ہتھ جنہاں نے دکھ دے دارو، مِٹھی بات نروئی اے
رشنائیاں دے بھرے خزانے ، دل دے کاسے خالی نیں
سورج ویہڑے دے وچ وڑیا ، اکھ نا کُھلی کوئی اے
جگ مگ کر دے ہیرے بن گئے ، پتھراں ورگے لوک سعید
اندر وگدے دل دریا دی لہر جنہاں نے چھوئی اے
سعید الرحمٰن سعید
