گل کا کیا جو چاک گریباں بہار نے۔بیدم وارثی

[محمد عدنان اکبری نقیبی]

گل کا کیا جو چاک گریباں بہار نے
دست جنوں لگے مرے کپڑے اتارنے

چھوڑا کہیں نہ مجھ کو نسیم بہار نے
کنج قفس میں بھی مجھے آئی ابھارنے

اب دل کی لاج مشق تصور کے ہاتھ ہے
شیشہ میں اس پری کو چلا ہے اتارنے

ساقی تو ساقی بادہ پرستوں کے پاؤں پر
سجدے کرائے لغزش مستانہ وار نے

اب تو نظر میں دولت کونین ہیچ ہے
جب تجھ کو پا لیا دل امیدوار نے

چشم ادا شناس کو حیران کر دیا
حسن اپنا ذرے ذرے میں دکھلا کے یار نے

بیدمؔ تمہاری آنکھیں ہیں کیا عرش کا چراغ
روشن کیا ہے نقش کف پائے یار نے ​

 

[فرحان محمد خان]

بہت خوووب انتخاب
دستِ جنوں لگے مرے کپڑے اتارنے

چھوڑا کہیں نہ مجھ کو نسیمِ بہار نے

کنجِ قفس میں بھی مجھے آئی ابھارنے

سجدے کرائے لغزشِ مستانہ وار نے

اب تو نظر میں دولتِ کونین ہیچ ہے
جب تجھ کو پا لیا دلِ امیدوار نے

چشمِ ادا شناس کو حیران کر دیا

روشن کیا ہے نقشِ کفِ پائے یار نے