میر گل کو محبوب ہم قیاس کیا

[سید شہزاد ناصر]

‫گل کو محبوب ہم قیاس کیا
فرق نکلا بہت جو باس کیا

دل نے ہم کو مثالِ آئینہ
ایک عالم کا روشناس کیا

کچھ نہیں سوجھتا ہمیں اُس بن
شوق نے ہم کو بے حواس کیا

عشق میں ہم ہوئے نہ دیوانے
قیس کی آبرو کا پاس کیا

دَور سے چرخ کے نکل نہ سکے
ضعف نے ہم کو مور طاس کیا

صبح تک شمع سر کو دھنتی رہی
کیا پتنگے نے التماس کیا

ایسے وحشی کہاں ہیں اے خوباں!
میرؔ کو تم عبث اداس کیا​

 

[مہ جبین]

صبح تک شمع سر کو دھنتی رہی
کیا پتنگے نے التماس کیا
واہ بہت خوب

 

[سید عاطف علی]

واہ ۔1991 میں انٹر کے کورس میں پہلی پڑھی تھی غالبا"۔اور یہ شعرشامل نھیں تھا ۔۔۔بہت خوب صورت۔۔۔
دَور سے چرخ کے نکل نہ سکے
ضعف نے ہم کو مور طاس کیا۔۔۔۔
واہ وا ۔۔۔لطف آگیا ۔

 

[سید زبیر]

لاجواب
‫گل کو محبوب ہم قیاس کیا
فرق نکلا بہت جو باس کیا

 

[عظیم اللہ قریشی]

واہ واہ شاہ جی
دل نے ہم کو مثال آئینہ
اک عالم کا روشناس کیا
ایسے وحشی کہاں ہیں اے خوباں
میر تم کو عبث اداس کیا

 

[ابو المیزاب اویس]

‫​

​

دل نے ہم کو مثالِ آئینہ​

ایک عالم کا روشناس کیا​

​

​

عشق میں ہم ہوئے نہ دیوانے ​

قیس کی آبرو کا پاس کیا​

​

بہت ہی خوب اشعار ،، شکریہ شریکِ محفل کرنے کا

 

[فاتح]

واہ واہ جناب سید شہزاد ناصر صاحب۔ کیا ہی خوب غزل لائے ہیں۔۔۔ لطف آ گیا
مقطع سے قبل یہ دو اشعار بھی شاملِ غزل ہیں:

تجھ سے کیا کیا توقعیں تھیں ہمیں
سو ترے ظلم نے نراس کیا

دیکھا ڈھَیتا ہے جن نے خانہ بنا
زیرِ افلاک ست اساس کیا​

 

[سید شہزاد ناصر]

کب کا شریک محفل کیا ہوا ہے
تعجب ہے ایک بھی اطلاع نامہ نہیں ملا
آپ سب حضرات کا بہت بہت شکریہ

 

[محمد اسامہ سَرسَری]

بہت عمدہ انتخاب۔۔۔ بہت شکریہ جناب
جزاکم اللہ خیرا۔