طارق شاہ
محفلین
غزل
گُھپ اندھیرے میں چُھپے سُوئے بنوں کے اور سے
گیت برکھا کے سُنو ، رنگوں میں ڈُوبے مور سے
شام ہوتے ہی دِلوں کی بے کلی بڑھنے لگی
ڈررہی ہیں گوریاں چلتی ہَوا کے زور سے
رات کے سُنسان گُنبد میں رچی ہے راس سی
پہرے داروں کی صداؤں کے طلِسمی شور سے
لاکھ پلکوں کو جُھکاؤ ، لاکھ گھونگھٹ میں چُھپو
سامنا ہوکر رہے گا دِل کے موہن چور سے
بھاگ کر جائیں کہاں اِس دیس سے اب، اے مُنؔیر
دِل بندھا ہے، پریم کی سُندر سجیلی ڈور سے
مُنؔیر نیازی
