ہتھیار، خنجر، پستول، بندوق،جنگ

[جاسمن]

بیٹھتے جب ہیں کھلونے وہ بنانے کے لیے
ان سے بن جاتے ہیں ہتھیار یہ قصہ کیا ہے
ہستی مل ہستی

 

[عباس رضا]

تجھ سے سرکش ہُوا کوئی تو بگڑ جاتے تھے
تیغ کیا چیز ہے، ہم توپ سے لڑ جاتے تھے
نقش توحید کا ہر دل پہ بٹھایا ہم نے
زیرِ خنجر بھی یہ پیغام سُنایا ہم نے
(اقبال)

 

[عباس رضا]

سرگوشی: :)

میری غلط فہمی نہ دور ہوگئی ہوتی تو اقبال کا یہ شعر بھی یہیں پوسٹ کردیتا:
عشق سے پیدا نوائے زندگی میں زیر وبم
عشق سے مٹی کی تصویروں میں سوز دمبدم

 

[زیرک]

کچی عمر کے پیار بھی
ہیں تیر بھی تلوار بھی
تازہ ہیں دل پہ وار بھی
اور خوب یادگار بھی​

 

[زیرک]

طوفان سے جب ٹکرا گئے پھر آر کیا اور پار کیا
جب چل پڑے تو چل پڑے، تیر کیا تلوار کیا

 

[زیرک]

کام نظروں سے لیا ابروئے خم دار کے بعد
تیر مارے مجھے اس شوخ نے تلوار کے بعد​

 

[زیرک]

قاتل کی یہ بات بھی مصنف نے مان لی
مقتول خود گرا تھا خنجر کی نوک پر​

 

[زیرک]

ایک خنجر ہزار بار لگے
پھر کہیں جا کے یار یار لگے​

 

[زیرک]

خنجر چلے کسی پہ تڑپتے ہیں ہم امیر
سارے جہاں کا درد ہمارے جگر میں ہے
امیر مینائی​

 

[زیرک]

کئی زخم ہیں ظاہر سے کئی زخم ہیں پوشیدہ
تہمتوں کے کئی خنجر جگر میں اترے ہیں​

 

[زیرک]

ڈر ڈر کے شیخ پڑھتے ہیں لاحول آج کل
شیطاں کے پاس رہتا ہے پستول آج کل​

 

[سردار محمد نعیم]

یہ خنجر آزمائی اور تم توبہ ارے توبہ
چلو ، چھوڑو ، ہٹو ، یہ کام تو جلاد کرتے ہیں
نصیر الدین نصیر

 

[یاسر شاہ]

بندوق کا بنانا تو بھیجے کا کام ہے
بندوق کا چلانا کلیجے کا کام ہے

یاسر شاہ

 

[جاسمن]

بیٹھتے جب ہیں کھلونے وہ بنانے کے لیے
ان سے بن جاتے ہیں ہتھیار یہ قصہ کیا ہے
ہستی مل ہستی

 

[جاسمن]

بستی یونہی بیچ میں آئی، اصل میں جنگ تو مجھ سے تھی
جب تک میرے باغ نہ ڈوبے زور نہ ٹوٹا طوفاں کا
رئیس فروغ

 

[جاسمن]

زباں سے تو سمجھتا ہی نہیں ہے
تجھے ہاتھوں سے سمجھانا پڑے گا
ندیم شاد

 

[جاسمن]

اٹا ہے شہر بارودی دھوئیں سے
سڑک پر چند بچے رو رہے ہیں
راسخ عرفانی

 

[سیما علی]

اٹا ہے شہر بارودی دھوئیں سے
سڑک پر چند بچے رو رہے ہیں
راسخ عرفانی

بہت اُداس کرنے والا
کڑوا سچ

 

[سیما علی]

عدل کا فقدان
قاتل و مقتول برابر
ظالم و مظلوم برابر
قلم بھی بندوق برابر
معتوب و محبوب برابر
زہرا علوی

 

[سیما علی]

نفرت کی دیوار گرے
رستے سے بندوق ہٹے

کینہ رنجش بیر مٹے
دہشت کا ہر شور تھمے
غضنفر