ہجراں میں دربدر ہوئے ہم قربتوں کے بعد

[ظہیراحمدظہیر]

احبابِ محفل ! اب مرے توشۂ سخن میں چند آخری غزلیں ہی رہ گئی ہیں ۔ انہیں بھی جلد ی سے آپ کی بصارتوں کی نذر کرکے اس کام سے فارغ ہوا چاہتا ہوں جو تقریباً دو سال قبل شروع کیا تھا ۔ ایک بہت ہی پرانی غزل پیشِ خدمت ہے ۔

ہجراں میں دربدر ہوئے ہم قربتوں کے بعد
دیدی گئی زمین ہمیں جنّتوں کے بعد

چھینے گا اور مجھ سے غمِ روزگار کیا !
دامن میں کیا بچا ہے بھلا حسرتوں کے بعد

ہو آئے اُس گلی میں تماشہ بنے ہوئے
فرصت ملی تھی آج بڑی مدتوں کے بعد

معمارِ ارضِ نو بھی وہی لوگ تھے جنہیں
اک مشتِ خاک بھی نہ ملی ہجرتوں کے بعد

تعمیرِ نو میں شہر کی اتنا رہے خیال
ٹوٹی فصیل بھی ہے شکستہ چھتوں کے بعد

سفّاک دن ہیں گھات میں بیٹھے ہوئےظہیرؔ
اک حملۂ غنیم ہے اِن جگ رتوں کے بعد


ظہیر احمد ۔۔۔۔۔ ۱۹۹۹

​

 

[محمد خلیل الرحمٰن]

وہی جدت طرازیاں، وہی نت نئی ردیفیں، اللہ سلامت رکھے آپ کو اور آپ کے ذہنِ رسا کو کہ ہم نے شمع آپ کے سامنے سے ہٹنے نہیں دینی!

فوراُ سے یشتر نئی غزلیں، دو غزلہ اور سہہ غزلہ کہہ کر تیار رکھیے کہ وہ نوبت ہی نہ آنے پائے اور پرانا اسٹاک ختم ہونے سے پیشتر نئی غزلوں کا مجموعہ تیار ہو۔

 

[محمد خلیل الرحمٰن]

ہمارے لیے تو حاصل ِ صبح یہ شعر ہے

معمارِ ارضِ نو بھی وہی لوگ تھے جنہیں
اک مشتِ خاک بھی نہ ملی ہجرتوں کے بعد
​

 

[محمد تابش صدیقی]

ہجراں میں دربدر ہوئے ہم قربتوں کے بعد
دیدی گئی زمین ہمیں جنّتوں کے بعد

چھینے گا اور مجھ سے غمِ روزگار کیا !
دامن میں کیا بچا ہے بھلا حسرتوں کے بعد

ہو آئے اُس گلی میں تماشہ بنے ہوئے
فرصت ملی تھی آج بڑی مدتوں کے بعد

معمارِ ارضِ نو بھی وہی لوگ تھے جنہیں
اک مشتِ خاک بھی نہ ملی ہجرتوں کے بعد

تعمیرِ نو میں شہر کی اتنا رہے خیال
ٹوٹی فصیل بھی ہے شکستہ چھتوں کے بعد

سفّاک دن ہیں گھات میں بیٹھے ہوئےظہیرؔ
اک حملۂ غنیم ہے اِن جگ رتوں کے بعد

لاجواب غزل
ایک ایک شعر نگینہ

 

[عبید انصاری]

بہت خوب!
ظہیر بھائی ناراض نہ ہوں، یہ سب غزلیں"پرانی" ہی ہیں نا؟ ہمارے پاس تو ایک آدھ غزل بھی اس طرح کی ہو تو اسے"پرانی" نہ کرسکیں۔ (فوراً سے پیشتر محفل میں لا ڈالیں)

 

[اے خان]

واہ ظہیر بھائی
بہت ہی خوبصورت غزل

 

[محمد وارث]

کیا کہنے ظہیر صاحب قبلہ، لاجواب!

 

[لئیق احمد]

لاجواب

 

[سین خے]

ہجراں میں دربدر ہوئے ہم قربتوں کے بعد
دیدی گئی زمین ہمیں جنّتوں کے بعد

چھینے گا اور مجھ سے غمِ روزگار کیا !
دامن میں کیا بچا ہے بھلا حسرتوں کے بعد

ہو آئے اُس گلی میں تماشہ بنے ہوئے
فرصت ملی تھی آج بڑی مدتوں کے بعد

تعمیرِ نو میں شہر کی اتنا رہے خیال
ٹوٹی فصیل بھی ہے شکستہ چھتوں کے بعد

سفّاک دن ہیں گھات میں بیٹھے ہوئےظہیرؔ
اک حملۂ غنیم ہے اِن جگ رتوں کے بعد

​

لا جواب بہت ہی عمدہ!

 

[فہد اشرف]

بہت خوب غزل ہے۔ لاجواب
جگ راتا کا استعمال بھی اردو میں پہلی بار دیکھنے کو ملا۔

 

[احمد وصال]

وااااااہ بہت عمدہ

 

[ظہیراحمدظہیر]

وہی جدت طرازیاں، وہی نت نئی ردیفیں، اللہ سلامت رکھے آپ کو اور آپ کے ذہنِ رسا کو کہ ہم نے شمع آپ کے سامنے سے ہٹنے نہیں دینی!

فوراُ سے یشتر نئی غزلیں، دو غزلہ اور سہہ غزلہ کہہ کر تیار رکھیے کہ وہ نوبت ہی نہ آنے پائے اور پرانا اسٹاک ختم ہونے سے پیشتر نئی غزلوں کا مجموعہ تیار ہو۔

خلیل بھائی ، یہ تو سراسر محبت ہے آپ کی ! اللہ آپ کی محبت اور عنایات جاری و ساری رکھے!
تازہ کلام تو پچھلے دو تین سالوں میں کم ہی لکھا گیا ہے ۔ اور جو لکھا وہ پیشِ خدمت رکھ بھی چکا ۔ دو تین غزلیں نئی ہیں لیکن ابھی تک مکمل نہیں ہوسکیں ۔ جب کبھی مکمل ہوجائیں گی تو اس محفل کے علاوہ اور کہاں جانا ہے ۔ آپ احباب سلامت رہیں !

 

[ظہیراحمدظہیر]

لاجواب غزل
ایک ایک شعر نگینہ

بہت خوب!
ظہیر بھائی ناراض نہ ہوں، یہ سب غزلیں"پرانی" ہی ہیں نا؟ ہمارے پاس تو ایک آدھ غزل بھی اس طرح کی ہو تو اسے"پرانی" نہ کرسکیں۔ (فوراً سے پیشتر محفل میں لا ڈالیں)

واہ ظہیر بھائی
بہت ہی خوبصورت غزل

کیا کہنے ظہیر صاحب قبلہ، لاجواب!

لاجواب

لا جواب بہت ہی عمدہ!

بہت خوب غزل ہے۔ لاجواب
جگ راتا کا استعمال بھی اردو میں پہلی بار دیکھنے کو ملا۔

وااااااہ بہت عمدہ

آپ تمام محبتی لوگوں کا بہت بہت شکریہ ! اللہ کریم آپ کو سلامت رکھے ! آپ کی توجہ اور تحسین کے لئے بہت ممنون ہوں!