ولی دکنی ہر رات اپنے لطف و کرم سے ملا کرو - ولی دکنی

[کاشفی]

غزل
(ولی دکنی)

ہر رات اپنے لطف و کرم سے ملا کرو
ہر دن کو عید جان گلے سے لگا کرو

حق اُس کو ہمکلام رکھے مجھ سے رات دن
اس بات سے مدام رقیبو جلا کرو

وعدہ کیا تھا رات کو آؤنگا صبح میں
اے مہربان وعدہ کو اپنے وفا کرو

کب تک رکھو گے طرز تغافل کو دل میں تم
ٹک کان دھر کے حال کسی کا سنا کرو

آیا ہوں احتیاج سے تم پاس اے صنم
اپنے لبوں کے خضر کو حاجت روا کرو

اک بات ہے ولی کی سنو کان رکھ صنم
میرے رواق چشم میں دائم رہا کرو ​

 

[فرخ منظور]

واہ! بہت عمدہ! شکریہ کاشفی صاحب!

 

[محمد وارث]

شکریہ کاشفی صاحب خوبصورت غزل شیئر کرنے کیلیے۔

تیسرے شعر میں مہربان ہے (نون معلنہ کے ساتھ)، مہرباں (نون غنہ کے ساتھ) غلط ہے۔

کب تک رکھو گے طرز تغافل کو دل میں
ٹک کان دھر کے حال کسی کا سنا کرو

اس شعر کا پہلا مصرع مکمل نہیں ہے، "دل میں" کے بعد کوئی لفظ ہونا چاہیے تم وغیرہ کہ وزن پورا نہیں ہورہا۔

 

[کاشفی]

شکریہ سخنور صاحب اور محمد وارث صاحب۔۔۔

 

[مزمل شیخ بسمل]

ہر رات اپنے لطف و کرم سوں ملا کرو​

ہر دن کو عید بوجھ گلے سے لگا کرو​

​

وعدہ کیے تھے رات کہ آؤنگا صبح میں​

اے مہربان وعدے کو اپنے وفا کرو​

​

حق تجھ سوں ہمکلام رکھے مجھ کو رات دن​

اس بات سے مُدام رقیباں جلا کرو​

​

کب تک رکھو گے طرزِ تغافل کو دل منے​

ٹُک کان دھر کے حال کسی کا سنا کرو​

​

جب تک ہے آسمان و زمیں جگ میں برقرار​

جیوں پھول اس جہاں کے چمن میں ہنسا کرو​

​

آیا ہوں اِحتیاج لے تم پاس اے صنم​

اپنے لبوں کے خضر سوں حاجت روا کرو​

​

یک بات ہے ولیؔ کی سنو کان رکھ سجن​

میری انکھاں کے باغ میں دائم رہا کرو​

 

[زبیر مرزا]

واہ جناب بہت خُوب

 

[مدیحہ گیلانی]

کب تک رکھو گے طرزِ تغافل کو دل منے​

ٹُک کان دھر کے حال کسی کا سنا کرو۔
واہ کیا عمدہ غزل ہے ۔لاجواب​

 

[مزمل شیخ بسمل]

واہ جناب بہت خُوب

بہت شکریہ زبیر بھائی آپکو پسند آئی غزل۔

 

[مزمل شیخ بسمل]

کب تک رکھو گے طرزِ تغافل کو دل منے​

ٹُک کان دھر کے حال کسی کا سنا کرو۔​

واہ کیا عمدہ غزل ہے ۔لاجواب​

شکریہ۔ جی یقیناً ایک خوبصورت غزل ہے۔