ہم ترے پیار کو دنیا سے چھپائیں کیسے----------برائے اصلاح

[ارشد چوہدری]

الف عین
محمد خلیل الرحمٰن
محمّد احسن سمیع :راحل:
۔۔۔۔۔۔۔۔۔۔۔۔۔۔۔۔۔
فاعِلاتن فَعِلاتن فَعِلاتن فِعْلن
۔۔۔۔۔۔۔۔۔۔۔۔۔۔۔
ہم ترے پیار کو دنیا سے چھپائیں کیسے
حالِ دل تجھ کو سنائیں تو سنائیں کیسے کیسے
-----------
دل میں چبھتے ہیں رقیبوں سے مراسم تیرے
بے وفا تجھ کو بھلائیں تو بھلائیں کیسے
----
بے وفا آج بھی تجھ سے ہے محبّت ہم کو
تیری یادوں کو بھلائیں تو بھلائیں کیسے
---------------
جس کی الفت میں گزارے ہیں زمانے ہم نے
اس کو نظروں سے گرائیں تو گرائیں کیسے
-------------
بے وفائی کو تری بھول ہے جانا بہتر
ہم جو دنیا کو بتائیں تو بتائیں کیسے
------------
تجھ سے وعدہ تھا نبھائیں گے محبّت تجھ سے
عہد اپنا جو بھلائیں تو بھلائیں کیسے
-------------
اب ہیں حالات زمانے کے دگرگوں جتنے
-----یا
اب تو حالات ہی ایسے ہیں کہ جینا مشکل
اپنے وعدوں کو نبھائیں تو نبھائیں کیسے
-----------
ہے عبث بات محبّت میں شکایت کرنا
اس کے دل میں یہ بٹھائیں تو بٹھائیں کیسے
----------
سر جو جھکتا ہے ہمیشہ ہی خدا کے در پر
در پہ غیروں کے جھکائیں تو جھکائیں کیسے
--------
بے وجہ روٹھ کے بیٹھے ہو بھلا کیوں ارشد
اب بتا تجھ کو منائیں تو منائیں کیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔------------

 

[الف عین]

ہم ترے پیار کو دنیا سے چھپائیں کیسے
حالِ دل تجھ کو سنائیں تو سنائیں کیسے کیسے
----------- دو لخت لگتا ہے لیکن شاید مطلع میں چل جائے

دل میں چبھتے ہیں رقیبوں سے مراسم تیرے
بے وفا تجھ کو بھلائیں تو بھلائیں کیسے
---- ٹھیک، اگرچہ دو لختی کی کیفیت اس میں بھی ہے

بے وفا آج بھی تجھ سے ہے محبّت ہم کو
تیری یادوں کو بھلائیں تو بھلائیں کیسے
--------------- درست

جس کی الفت میں گزارے ہیں زمانے ہم نے
اس کو نظروں سے گرائیں تو گرائیں کیسے
------------- درست

بے وفائی کو تری بھول ہے جانا بہتر
ہم جو دنیا کو بتائیں تو بتائیں کیسے
------------ دنیا کو کیا بتانا تھا؟
پہلا مصرعہ بھی روانی چاہتا ہے

تجھ سے وعدہ تھا نبھائیں گے محبّت تجھ سے
عہد اپنا جو بھلائیں تو بھلائیں کیسے
------------- بھلانا ضروری کیوں ہے؟
مزید یہ کہ بھلائیں تو بھلائیں ضرورت سے زیادہ نہیں ہو گیا؟

اب ہیں حالات زمانے کے دگرگوں جتنے
-----یا
اب تو حالات ہی ایسے ہیں کہ جینا مشکل
اپنے وعدوں کو نبھائیں تو نبھائیں کیسے
----------- کون سا وعدہ؟ کچھ اتا ہتا دیا جائے

ہے عبث بات محبّت میں شکایت کرنا
اس کے دل میں یہ بٹھائیں تو بٹھائیں کیسے
---------- پہلے مصرع کی رواں صورت
ہے عبث عشق میں یوں شکوے شکایت کرنا

سر جو جھکتا ہے ہمیشہ ہی خدا کے در پر
در پہ غیروں کے جھکائیں تو جھکائیں کیسے
-------- ٹھیک

بے وجہ روٹھ کے بیٹھے ہو بھلا کیوں ارشد
اب بتا تجھ کو منائیں تو منائیں کیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شتر گربہ
اب کہو تم کو......