ہم نے باطل کو حق نما دیکھا ۔۔۔ رائے کشن کمار

[شہزاد احمد]

ہم نے باطل کو حق نما دیکھا
ہر صنم ۔۔۔۔ پرتوِ خدا دیکھا

کیوں جھٹکتے پٹکتے ہو صاحب
کیا مرا دل ۔۔ گرا پڑا دیکھا

اے جفا دوست اے وفا دشمن
تجھ کو سو طرح ۔۔۔آزما دیکھا

جس کو تاکا نگاہ نے، نہ بچا
آپ کا تیر بے خطا دیکھا

خامہء غیر کا ہے نامہء یار
اپنی قسمت کا یہ لکھا دیکھا

بسمل آہنگ پھر قرار ہوا
پھر کوئی شوخ چلبلا دیکھا

فلک پیر بھی ہے طفل مزاج
کام اس کا ۔۔۔ گرا پڑا دیکھا

فیضِ تسلیم سے وقار سدا
کشتِ معنے ہرا برا دیکھا

 

[طارق شاہ]

بہت خُوب شیئرنگ شہزاد صاحب!
تشکّر
بہت شاد رہیں

 

[فرخ منظور]

اے جفا دوست اے وفا دشمن
تجھ کو سو طرح ۔۔۔ آزما دیکھا
واہ! کیا اچھا انتخاب ہے۔ شکریہ شہزاد احمد صاحب!

 

[سیدہ شگفتہ]

واہ، کیا بات