ہم کسی چشمِ فسوں ساز میں رکھے ہوئے ہیں۔۔۔ ثمینہ راجہ

[آصف شفیع]

ثمینہ راجہ کی ایک غزل:​

ہم کسی چشمِ فسوں ساز میں رکھے ہوئے ہیں
خواب ہیں، خواب کے انداز میں رکھے ہوئے ہیں

تاب انجامِ محبت کی بھلا کیا لاتے
ناتواں دل وہیں آغاز میں رکھے ہوئے ہیں

جلتے جائیں گے ابھی اور چراغوں سے چراغ
جب تری انجمنِ ناز میں رکھے ہوئے ہیں

اے ہوا! اور خزاوں کے علاوہ کیا ہے
وسوسے کیوں تری آواز میں رکھے ہوئے ہیں

اک ستارے کو تو میں صبح تلک لے آئی
بیشتر رات کے آغاز میں رکھے ہوئے ہیں

ہم تو ہیں آبِ زرِ عشق سے لکھے ہوئے حرف
بیش قیمت ہیں، بہت راز میں رکھے ہوئے ہیں

 

[ایم اے راجا]

بہت خوب، ثمینہ راجا کی خوبصورت غزل شیئر کرنے کےلیئے شکریہ، آصف صاحب۔

 

[محمد وارث]

شکریہ آصف صاحب خوبصورت غزل شیئر کرنے کیلیئے!

 

[محمداحمد]

انتخاب سے انتخاب ممکن نہیں ہے تمام اشعار ہی بہت خوب ہیں۔

بہت شکریہ آصف صاحب!

 

[جیا راؤ]

ہم تو ہیں آبِ زرِ عشق سے لکھے ہوئے حرف
بیش قیمت ہیں، بہت راز میں رکھے ہوئے ہیں


واہ۔۔۔۔۔ بہت خوبصورت !

 

[طارق شاہ]

غزل
ثمینہ راجہ ​

ہم کسی چشم فسُوں ساز میں رکھے ہوئے ہیں
خواب ہیں،خواب کے انداز میں رکھے ہوئے ہیں

تاب، انجامِ محبت کی بھلا کیا لاتے!
ناتواں دل، وہیں آغاز میں رکھے ہوئے ہیں

جلتے جائیں گے ابھی اور چراغوں سے چراغ
جب تری انجمنِ ناز میں رکھے ہوئے ہیں

اے ہوا! اور خزاؤں کے علاوہ کیا ہے؟
وسوسے کیوں تری آواز میں رکھے ہوئے ہیں

اک ستارے کو تو میں صبْح تلک لے آئی
بیشتر، رات کے آغاز میں رکھے ہوئے ہیں

کٹ کے وہ پر تو ہواؤں میں کہیں اڑ بھی گئے
دل، یہیں حسرت پرواز میں رکھے ہوئے ہیں

زندگی آج طلب گار ہے کچھ لمحوں کی
جو کسی چشمِ پُراعجاز میں رکھے ہوئے ہیں

ہم تو ہیں آبِ زرِعشق سے لکھے ہوئے حرف
بیش قیمت ہیں،بہت راز میں رکھے ہوئے ہیں​

ثمینہ راجہ​

 

[سید زبیر]

طارق شاہ صاحب بہت خوب
زندگی آج طلب گار ہے کچھ لمحوں کی
جو کسی چشمِ پُراعجاز میں رکھے ہوئے ہیں

 

[طارق شاہ]

طارق شاہ صاحب بہت خوب
زندگی آج طلب گار ہے کچھ لمحوں کی
جو کسی چشمِ پُراعجاز میں رکھے ہوئے ہیں

تشکّر اظہار خیال اور پذیرائی انتخاب کے لئے
بہت خوش رہیں

 

[قرۃالعین اعوان]

اعلی!