ہم کہاں آئنہ لے کر آئے (باقیؔ صدیقی)

[نیرنگ خیال]

ہم کہاں آئنہ لے کر آئے
لوگ اٹھائے ہوئے پتھر آئے

دل کے ملبے میں دبا جاتا ہوں
زلزلے کیا مرے اندر آئے

جلوہ جلوے کے مقابل ہی رہا
تم نہ آئینے سے باہر آئے

دل سلاسل کی طرح بجنے لگا
جب ترے گھر کے برابر آئے

جن کے سائے میں صبا چلتی تھی
پھر نہ وہ لوگ پلٹ کر آئے

شعر کا روپ بدل کر باقیؔ
دل کے کچھ زخم زباں پر آئے​

 

[سید فصیح احمد]

حالیہ طبیعت کے عین مطابق نگینہ اُٹھا کر کینوس پر جڑ دیا، صد کمال ہے !! جزاک اللہ ذولقرنین بھائی !! ۔۔۔

 

[شمشاد]

بہت خوب انتخاب ہے۔

 

[کاشفی]

ہم کہاں آئنہ لے کر آئے
لوگ اٹھائے ہوئے پتھر آئے
واہ بہت عمدہ جناب ۔ بہت ہی خوب!

 

[زبیر مرزا]

بہت خُوب میاں

 

[نیرنگ خیال]

بہت خوب انتخاب ہے۔

شکریہ شمشاد بھائی

ہم کہاں آئنہ لے کر آئے
لوگ اٹھائے ہوئے پتھر آئے
واہ بہت عمدہ جناب ۔ بہت ہی خوب!

شکریہ کاشفی بھائی۔۔۔ محبت ہے آپ کی

بہت خُوب میاں

شکریہ زبیر بھائی۔۔۔ آپ کو یہاں دیکھ کر دونی خوشی ہو رہی ہے۔