ابن انشا :::: ہم ہیں آوارہ سُو بسُو لوگو

[طارق شاہ]

غزلِ
ابن انشا

ہم ہیں آوارہ سُو بسُو لوگو
جیسے جنگل میں رنگ و بُو لوگو

ساعتِ چند کے مُسافر سے
کوئی دم اور گفتگو لوگو

تھے تمہاری طرح کبھی ہم لوگ
گھر ہمارے بھی تھے کبھو لوگو

ایک منزل سے ہو کے آئے ہیں
ایک منزل ہے رُوبُرو لوگو

وقت ہوتا تو آرزو کرتے
جانے کِس شے کی آرزو لوگو

تاب ہوتی تو جتسجُو کرتے
اب تو مایوس جستجُو لوگو

ابنِ انشا​

 

[نایاب]

ہم کہ ٹھہرے چاند کے تمنائی ۔
کیا خوب لفظوں کا فسوں بکھرتا ہے انشاء جی کے قلم سے ۔
اک اچھا انتخاب

 

[طارق شاہ]

ہم کہ ٹھہرے چاند کے تمنائی ۔
کیا خوب لفظوں کا فسوں بکھرتا ہے انشاء جی کے قلم سے ۔
اک اچھا انتخاب

تشکّر نایاب بھائی اظہار خیال پر

 

[محمداحمد]

ساعتِ چند کے مُسافر سے
کوئی دم اور گفتگو لوگو

وقت ہوتا تو آرزو کرتے
جانے کِس شے کی آرزو لوگو

خوب ہے۔۔۔۔!

 

[محمداحمد]

ابھی چیک کیا تو پتہ چلا کہ یہ کلام پہلے سے یہاں موجود ہے۔ کوئی بھی کلام ارسال کرنے سے پہلے یہ اطمینان ضرور کر لیا کریں کہ کہیں یہ کلام پہلے سے تو موجود نہیں ہے۔

 

[محمد اسامہ سَرسَری]

بہت خوب۔۔۔

 

[احمد نواز محمد]

وقت ہوتا تو ارزو کرتے ۔۔۔۔۔۔
بہت خوب ۔۔۔۔ دل کو لگی یہ بات