نوشی گیلانی ہوا کو لکھنا جو آگیا ہے ۔۔۔

[عمر سیف]

ہوا کو لکھنا جو آ گیا ہے
اب اس کی مرضی
کہ وہ خزاں کو بہار لکھ دے
بہار کو انتظار لکھ دے
سفر کی خواہش کو واہموں کے عذاب سے ہمکنار لکھ دے
وفا کے رستوں پہ چلنے والوں
کی قسمتوں میں غبار لکھ دے
ہوا کو لکھنا جو آ گیا ہے
ہوا کی مرضی کہ وصل موسم میں
ہجر کو حصہ دار لکھ دے
محبتوں میں گزرنے والی رُتوں کو ناپائیدار لکھ دے
شجر کو کم سایہ دار لکھ دے
ہوا کو لکھنا سکھانے والوں
ہوا کو لکھنا جو آگیا ہے ۔۔۔!!!

 

[عمر سیف]

نوٹ :
کسی ممبر کو اگر شاعر کا نام معلوم ہو تو ضرور شئیر کرے۔ شکریہ

 

[فاتح]

ضبط! سب سے پہلے تو شکریہ یہ خوبصورت نظم شیئر کرنے پر۔

اس خوبصورت نظم کی خالق نوشی گیلانی ہے۔

اور دو مصرعوں میں ٹائپنگ کی غلطی ہو گئی آپ سے وہ بھی تبدیل کر لیجیے:

سفر کی خواہش کو واہموں کے عذاب سے ہمکنار لکھ دے
وفا کے رستوں پہ چلنے والوں
کی قسمتوں میں غبار لکھ دے

 

[عمر سیف]

شکریہ فاتح۔ جلدی میں ٹائپ کریں تو ایسا ہی ہوتا ہے۔ خیر تصحیح کروانے کا شکریہ ۔۔۔

 

[فرخ منظور]

نوشی گیلانی کی یہ نظم میری بھی بہت پسندیدہ ہے - بہت شکریہ ضبط!

 

[امیداورمحبت]

بہت خوب ۔ پہلا پہلا کلام جس نے نوشی گیلانی سے روشناس کرایا تھا وہ یہی نظم تھی ۔ ۔ ۔ ۔

 

[عمر سیف]

شکریہ سخنور اور امید ۔۔۔۔

 

[جاسمن]

نوشی گیلانی کی یہ نظم میری بھی بہت پسندیدہ ہے - بہت شکریہ ضبط!

مجھے بھی بہت پسند ہے اور میری بیاض میں بھی یہ نظم تحریر ہے۔

 

[محمد منظور فرید]

بہت ہی زبردست نظم ہے ،،، بہترین شراکت پر مشکور ہیں

 

[عبد الرحمٰن]

لاجواب عمدہ انتخاب نظم

 

[یاقوت]

ایک بہت ہی باکمال نظم۔۔۔۔

 

[یاقوت]

ایک عرصہ پہلے نوشی گیلانی صاحبہ کی ایک اور نظم بھی پڑھی تھی ""ہوا"" کے عنوان سے حافظہ ساتھ نہیں دے رہا اگر کسی کو معلوم ہو تو شریک محفل کر دیں بہت خوبصورت نظم تھی وہ بھی۔

 

[حسرت جاوید]

سفر کی خواہش کو واہموں کے عذاب سے ہمکنار لکھ دے
وفا کے رستوں پہ چلنے والوں
کی قسمتوں میں غبار لکھ دے
ہوا کو لکھنا جو آ گیا ہے
ہوا کی مرضی کہ وصل موسم میں
ہجر کو حصہ دار لکھ دے
محبتوں میں گزرنے والی رُتوں کو ناپائیدار لکھ دے

واہ۔