لقمان پنجابی
محفلین
امریکی سفیر، رچرڈ اولسن نے حال وچ جامشورو تھرمل پاور سٹیشن دا دورا کیتا، جیدی تجدید دا کم 3۔19 ملین ڈالرامریکی امداد نال مکمل ہویا۔ ہونڑ جامشورو بجلی گھر 270 میگا واٹ ہور بجلی دا وادھا کرے گا جیڑا کے 43 لکھ پاکستانی صارفاں نوں بجلی فراہم کرن لئی کافی ہووے گا- امریکی سفیر رچرڈ اولسن، کراچی وچ امریکی قونصل جنرل مائیکل ڈوڈ مین، امریکی ادارہ برائے بین الاقوامی ترقی (یو ایس ایڈ ) دے مشن ڈائریکٹر گریگوری گوٹلیب تے امریکی حکومت دے دوجے وڈے افسراں دے جامشورو تھرمل بجلی گھر دے دورے توں بجلی دے سرکاری اداریاں دی بہتری دے امریکی عزم دا پتہ لگدا وے- جینکو ہولڈنگ کمپنی لمیٹڈ دے سی ای او سلطان ظفر، جامشورو پاور کمپنی لمیٹڈ دے سی ای او انور بروہی تے حکومت پاکستان دے دوجے کئی نمائندیاں نے امریکی وفد نال جامشورو تھرمل پاور اسٹیشن دا دورہ کیتا-
امریکی سفیر رچرڈ اولسن نے آکھیا کے پاکستان دی توانائی دی ضروریات نوں پورا کرن دا امریکہ دا عزم لما چوڑا تے مثبت نتائج لیا ریہا وے۔ امریکہ تے پاکستان رل کے ملک دی ترقی لئی اگے ودھ رہے نے تےجامشورو ایس دا عملی ثبوت وے- امریکی سفیر رچرڈ اولسن نے آکھیا کے اسی رل کے پاکستان وچ توانائی دے گھاٹے نوں پورا کرن دی جدوجہد کررہے آں تے رل کے ایہو جیا اشتراک قائم کررہے آں جیڑا پاکستانیاں لئی فائدے مند ثابت ہووے۔
امریکہ نے جامشورو تھرمل پاور اسٹیشن دی تجدید لئ امریکی ادارہ برائے بین الاقوامی ترقی (یو ایس ایڈ ) دے ذریعے 19٫3 ملین ڈالر فراہم کیتے نے- 150 میگا واٹس بجلی تیار کرن دی صلاحیت آلا اے پلانٹ جینوں جدید خطوط تے پاونڑ لئی کم جون 2010 وچ چالو ہویا سیا، لمے عرصے تو نا کیتی جاونڑ آلی مرمت تے ویکھ چاکھ تے بالنڑے دے استعمال دے گھاٹے کارن اے اپنڑی کارکردگی دی صلاحیت گنوا بیٹھا سی- مرمت دا کم منصوبے دے اندازے تو ودھ گیا تےنتیجتاً ہونڑ مجموعی طور تے اے 270 میگا واٹس بجلی دا پاکستان دے قومی الیکٹریکل گرڈ وچ وادھا ہوگیا وے-
جامشورو دے علاوہ، امریکی حکومت امریکی ادارہ برائے بین الاقوامی ترقی (یو ایس ایڈ ) دی مدد نال تربیلا ہائیڈرو پلانٹ دے نال نال مظفر گڑھ تے گدو وچ وی تھرمل پلانٹاں دی بحالی لئی تعاون کررہی وے- امریکی ادارہ برائے بین الاقوامی ترقی (یو ایس ایڈ ) نے گومل زام ڈیم تے ست پارہ ڈیم لئی فنڈز فراہم کیتے نے- مشترکہ طور تے اناں منصوبیاں نے پاکستان دے قومی الیکٹریکل گرڈ وچ ایک ہزار میگا واٹس دا وادھا کیتا وے، جیڑا اک کروڑ 16لکھ پاکستانی شہریاں نو بجلی دی ترسیل لئی کافی وے- امریکی حکومت توانائی دے شعبے میں وچ نظم و نسق تے پالیسی اصلاح کاری لئی وی مسلسل تعاون کررہی وے-
