ہچکیوں کا شمار ہے یعنی - خلیل میاں برکاتی

[ابو المیزاب اویس]

​

ہچکیوں کا شمار ہے یعنی​

آپ کا انتظار ہے یعنی​

​

فتنہ برپا ہے آج عالَم میں​

دل بہت بے قرار ہے یعنی​

​

آنکھ اُٹھتی نہیں ہے محشر میں​

فتنہ گر شرمسار ہے یعنی​

​

کس قدر سوگوار ہے دنیا​

زیست بھی ایک بار ہے یعنی​

​

مستیٔ چشمِ یار ارے توبہ​

شام ہی سے خمار ہے یعنی​

​

وہ بُلانے بھی نہیں آتے​

حُسن با اختیار ہے یعنی​

​

دل دھڑکتا ہے بَلّیوں میرا​

ان کے دل کی پکار ہے یعنی​

​

سارے جلوے ہیں حسنِ کامل کے​

عشق بے اختیار ہے یعنی​

​

کس نے دل کا قرار لوٹ لیا​

کیوں سکوں ناگوار ہے یعنی​

​

پوچھنا کیا خلیؔلِ مُضطر کا​

ایک تازہ شکار ہے یعنی​

​

از خلیل میاں برکاتی قادری​

​

 

[بھلکڑ]

کس نے دل کا قرار لوٹ لیا​

کیوں سکوں ناگوار ہے یعنی​

بہت خوبصورت شئیرنگ جناب ​

 

[ابو المیزاب اویس]

کس نے دل کا قرار لوٹ لیا​

کیوں سکوں ناگوار ہے یعنی​

بہت خوبصورت شئیرنگ جناب ​

پسندیدگی کا بہت بہت شکریہ

 

[نایاب]

اک اچھا انتخاب

 

[مدیحہ گیلانی]

واہ کیسی عمدہ و لاجواب غزل ہے ۔
کس قدر سوگوار ہے دُنیا
زیست بھی ایک بار ہے یعنی ۔

 

[ابو المیزاب اویس]

اک اچھا انتخاب

پسندیدگی کا بہت بہت شکریہ

 

[ابو المیزاب اویس]

واہ کیسی عمدہ و لاجواب غزل ہے ۔
کس قدر سوگوار ہے دُنیا
زیست بھی ایک بار ہے یعنی ۔

پسندیدگی اور تبصرہ کا بہت بہت شکریہ

 

[محمد وارث]

واہ واہ واہ، کیا ہی اچھی غزل ہے۔

شکریہ جناب ارسال فرمانے کیلیے

 

[سید شہزاد ناصر]

مختصر بحر میں لکھنا ہمیشہ مشکل رہا ہے
غزل کے وسعت مضمون کو مختصر بحر میں سمونا جوئے شیر لانے سے کم نہیں
بہت اچھی غزل شریک محفل کی آپ نے
شاد و آباد رہیں