ہک ہک رات تے شام وے ڈھولا - فرحت عباس شاہ

[رومانہ چوہدری]

ہک ہک رات تے شام وے ڈھولا
تِیں سوہنے دے نام وے ڈھولا

دل ساڈا درباراں ورگا
نہ لاویں الزام وے ڈھولا

تیرے باہجھ اے وسدی نگری
سانوں دسدی لام وے ڈھولا

توں وی تے اس جگ تے ہویا
ساتھُوں وَدھ بدنام وے ڈھولا

صبح سویر دا وعدہ کر کے
کر چھڈیو ای شام وے ڈھولا

سانوں اج وی تیرا کر کے
لوکی کَرَن سلام وے ڈھولا

پیار دی پہل ہمیشہ سوہنی
بَہُوں بھیڑا اَنجام وے ڈھولا

جس جس واڑے وَڑیوں پِیرا
کیتے آن غلام وے ڈھولا

فرحت شاہ ہک عشق نوں منیا
مرشد ، پِیر، امام وے ڈھولا
​

 

[یوسف سلطان]

بہت ودھیا

 

[رومانہ چوہدری]

بہت ودھیا

نوازش

 

[محمد عدنان اکبری نقیبی]

خوبصورت غزل ہے۔