ہیں نقش دل پہ مرے حادثاتِ شہرِ وفا

[سعید احمد سجاد]

سر الف عین
یاسر شاہ
محمّد احسن سمیع :راحل:
سید عاطف علی
اور دیگر احباب سے اصلاح کی درخواست ہے

ہیں نقش دل پہ مرے حادثاتِ شہرِ وفا
لہو لہو سی لگے کائناتِ شہرِ وفا

جو لٹ گیا اسے ظالم قرار کس نے دیا
سمجھ میں آ نہ سکی وارداتِ شہرِ وفا

مرے نصیب میں آتی ہیں تلخیاں ہی سدا
سمیٹ لیتا ہے وہ التفاتِ شہرِ وفا

بھلا سکا نہ وہ شاید کسی کی تشنہ لبی
ابھی تلک ہے جو پیاسا فراتِ شہرِ وفا

رواں رہے گا رگوں میں ہمارا خوں جب تک
جلائے رکھیں گے شمعِ حیاتِ شہرِ وفا

وفا کی رہ میں ہوا جسم سر بریدہ مرا
ادا ہوئے نہ مگر واجباتِ شہرِ وفا

ترے وجود کے باعث جو منفرد ٹھہریں
بیان کر نہ سکا میں صفاتِ شہرِ وفا

 

[الف عین]

درست ہے غزل

 

[سعید احمد سجاد]

درست ہے غزل

شکریہ سر

 

[سعید احمد سجاد]

درست ہے غزل

سر دو شعر مزید کہے ہیں


جو میرے صبر کے ہیں معترف سبھی دشمن
کہ جھیل بیٹھا ہوں جو مشکلاتِ شہرِ وفا


مرے یقیں کا تسلسل دکھائے گا سجاد
ہر ایک آنکھ کو اب معجزاتِ شہرِ وفا

 

[الف عین]

درست ہین اشعار

 

[سعید احمد سجاد]

درست ہین اشعار

شکریہ سر اللہ پاک خوش رکھے