اقبال یا رب! دل مسلم کو وہ زندہ تمنا دے

[سیما علی]

آج 21 اپریل 2022ء یوم وفات اقبال ہے!!!!

دعا

یا رب! دل مسلم کو وہ زندہ تمنا دے
جو قلب کو گرما دے ، جو روح کو تڑپا دے

پھر وادی فاراں کے ہر ذرے کو چمکا دے
پھر شوق تماشا دے، پھر ذوق تقاضا دے

محروم تماشا کو پھر دیدۂ بینا دے
دیکھا ہے جو کچھ میں نے اوروں کو بھی دکھلا دے

بھٹکے ہوئے آہو کو پھر سوئے حرم لے چل
اس شہر کے خوگر کو پھر وسعت صحرا دے

پیدا دل ویراں میں پھر شورش محشر کر
اس محمل خالی کو پھر شاہد لیلا دے

اس دور کی ظلمت میں ہر قلب پریشاں کو
وہ داغ محبت دے جو چاند کو شرما دے

رفعت میں مقاصد کو ہمدوش ثریا کر
خودداری ساحل دے، آزادی دریا دے

بے لوث محبت ہو ، بے باک صداقت ہو
سینوں میں اجالا کر، دل صورت مینا دے

احساس عنایت کر آثار مصیبت کا
امروز کی شورش میں اندیشہء فردا دے

میں بلبل نالاں ہوں اک اجڑے گلستاں کا
تاثیر کا سائل ہوں ، محتاج کو ، داتا دے!

 

[یاسر شاہ]

بے لوث محبت ہو ، بے باک صداقت ہو
سینوں میں اجالا کر، دل صورت مینا دے

بہت خوب -نہایت عمدہ

 

[علی وقار]

پی ٹی وی پر جو زبردست کلام پیش ہوئے، یہ اُن میں سے ایک ہے۔ عمدہ شراکت۔

​

 

[جاسمن]

خوبصورت شراکت!

 

[جاسمن]

پی ٹی وی پر جو زبردست کلام پیش ہوئے، یہ اُن میں سے ایک ہے۔ عمدہ شراکت۔

​

بہت خوب!
لیکن یہ کلام جب سے ریکارڈ ہوا ہے، اس میں کچھ مسئلہ ہوا اور وہ ہنوز برقرار ہے۔

 

[علی وقار]

بہت خوب!
لیکن یہ کلام جب سے ریکارڈ ہوا ہے، اس میں کچھ مسئلہ ہوا اور وہ ہنوز برقرار ہے۔

تفصیل درکار ہے!

 

[گُلِ یاسمیں]

بہت خوبصورت شراکت آپا۔

 

[سیما علی]

بہت خوبصورت شراکت آپا۔

🥰🥰🥰🥰🥰بہت سارا پیار ❤️