فراز یوں تو کہنے کو بہت لوگ شناسا میرے

[خرم شہزاد خرم]

یوں تو کہنے کو بہت لوگ شناسا میرے
کہاں لے جاؤں تجھے اے دلِ تنہا میرے

وہی محدود سا حلقہ ہے شناسائی کا
یہی احباب مرے ہیں، یہی اعدا میرے

میں تہہِ کاسہ و لب تشنہ رہوں گا کب تک
تیرے ہوتے ہوئے، اے صاحبِ دریا میرے

مجھ کو اس ابرِ بہاری سے ہے کب کی نسبت
پر مقدر میں وہی پیاس کے صحرا میرے

دیدہ و دل تو ترے ساتھ ہیں اے جانِ فراز
اپنے ہمراہ مگر خواب نہ لے جا میرے

 

[فاتح]

دیدہ و دل تو ترے ساتھ ہیں اے جانِ فراز
اپنے ہمراہ مگر خواب نہ لے جا میرے

بہت خوب جناب۔ خوبصورت انتخاب پیش کرنے پر شکریہ!

 

[عمر سیف]

بہت عمدہ ۔۔

 

[محمد وارث]

لا جواب غزل ہے، شکریہ خرم صاحب پوسٹ کیلیے۔

 

[خرم شہزاد خرم]

بہت شکریہ جناب

 

[الف عین]

فراز بھی بہت جمع ہوتے جا رہے ہیں یہاں۔ ماشاء اللہ۔ اب ان کا ایک مجموعہ کلام یہاں آیا ہی سمجھو۔ ایک ای بک کمپائل کرنی ہے۔ خرم، کیا یہ کام کر سکتے ہیں؟

 

[خرم شہزاد خرم]

فراز بھی بہت جمع ہوتے جا رہے ہیں یہاں۔ ماشاء اللہ۔ اب ان کا ایک مجموعہ کلام یہاں آیا ہی سمجھو۔ ایک ای بک کمپائل کرنی ہے۔ خرم، کیا یہ کام کر سکتے ہیں؟

کیا آپ مجھے اس قابل سمجھتے ہو

 

[جان]

بہت خواب۔