بہت عنایت شاہ صاحب۔
نظرِ ثانی کریں گے۔
گیلانی صاحب !
تشکّر جواب کے لئے، آپ کی غزل اتنی بری بھی نہیں ۔۔
سینکڑوں مثالیں مشہور شعرا کے کلام سے دے سکتا ہوں
جاوید اختر کی تحریر کردہ غزل جو یہاں پیش ہو چکی ہے ، دیکھیں
تعقید لفظی ، "میں نے خود کو پلٹ کے دیکھا " کیا پرکھنا ہے خود کو ، بغور پڑھیں
۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔
نگل گئے سب کی سب سمندر زمیں بچی اب کہیں نہیں ہے
بچاتے ہم اپنی جان جس میں وہ کشتی بھی اب کہیں نہیں ہے
ٹھیک
۔۔۔۔۔۔۔۔۔۔۔
بہت دنوں بعد پائی فرصت تو میں نے خود کو پلٹ کے دیکھا
مگر میں پہچانتا تھا جس کو وہ آدمی اب کہیں نہیں ہے
ذرا سی فرصت ملی تو خود کو ہر اک طرح سے ٹٹول دیکھا
ہماری جس سے تھی آشنائی وہ آدمی اب کہیں نہیں ہے
۔۔۔۔۔۔۔۔۔۔۔۔۔۔۔
گزر گیا وقت دل پہ لکھ کر نجانے کیسی عجیب باتیں
ورق پلٹتا ہوں میں جو دل کے تو سادگی اب کہیں نہیں ہے
گزر گیا وقت دل پہ لکھ کر ہمارے ڈھیروں ثقیل باتیں
ورق ورق ہم پلٹ کے ڈھونڈیں وہ سادگی اب کہیں نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم اپنے قصبوں میں جاکے دیکھو وہاں بھی اب شہر ہی بسے ہیں
کہ ڈھونڈتے ہو جو زندگی تم وہ زندگی اب کہیں نہیں ہے
تم اپنے قصبوں میں جاکے دیکھو وہاں بھی شہروں سی بے کلی ہے
سکون و راحت لئے ہو خود میں ، وہ زندگی اب کہیں نہیں ہے
۔۔۔۔۔۔۔۔۔۔۔
اگر کہیں گے تو کئی اور مشہور صاحبان کی تخلیقات پیش کردوں گا
مقصد آپ اس میدان میں بہت برے نہیں ذرا توجہ کریں گے تو کیا ہی خوب لکھیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امجد اسلام صاحب کی یہ غزل دیکھیں :
مطلع دو لخت ہے ، رتیں گئیں تو کیا بچا ؟ دلوں کی اجتماعی ذکر ہے
ہوا کہاں گئیں ، ہوا جہاں بھی گئیں اپنی امناتیں بھی لے گئیں ؟؟؟
باقی کے اشعار بھی اسی تناظر میں دیکھیں :
۔۔۔۔۔۔۔۔۔۔۔۔۔۔۔۔۔۔۔۔
رُتوں کے ساتھ دلوں کی وہ حالتیں بھی گئیں
ہوا کے ساتھ ہوا کی امانتیں بھی گئیں
گلوں کی رُت جو گئی دل کی حالتیں بھی گئیں
مہک کے ساتھ ہواؤں سے راحتیں بھی گئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرے کہے ہوئے لفظوں کی راکھ کیا چھیڑیں
ہمارے اپنے قلم کی صداقتیں بھی گئیں
ہوا چلی وہ وطن میں کسی کو کیا کہیئے
قلم سے اہل سُخن کی صداقتیں بھی گئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو آئے جی میں پکارو مجھے مگر یوں ہے
کہ اُس کے ساتھ اُس کی محبتیں بھی گئیں
جو آئے جی میں پُکارو ہمیں، مگر سچ ہے
بشر کے دل سے بشر کی محبتیں بھی گئیں
۔۔۔۔۔۔۔۔۔۔۔۔۔۔۔۔۔۔۔۔۔۔
عجیب موڑ پہ ٹھہرا ہے قافلہ دل کا
سکون ڈھونڈنے نکلے تھے وحشتیں بھی گئیں
سکوت موت سا طاری ہے اب تو شہروں پر
فقط ہنسی ہی نہیں، ساری وحشتیں بھی گئیں
یہ کیسی نیند میں ڈوبے ہیں آدمی امجد
کہ ہار تھک کےگھروں سے قیامتیں بھی گئیں
یہ کیسی نیند میں ڈوبے ہیں آدمی امجد
جگا نہ پانے پہ تھک کر قیامتیں بھی گئیں
امجد اسلام امجد
