عباس تابش یہ عجب ساعتِ رخصت ہے کہ ڈر لگتا ہے - عباس تابش

[طالوت]

یہ عجب ساعتِ رخصت ہے کہ ڈر لگتا ہے
شہر کا شہر مجھے رختِ سفر لگتا ہے

ہم کو دل نے نہیں حالات نے نزدیک کیا
دھوپ میں دور سے ہر شخص شجر لگتا ہے

جس پہ چلتے ہوئے سوچا تھا کہ لوٹ آؤنگا
اب وہ رستہ بھی مجھے شہر بدر لگتا ہے

وقت لفظوں سے بنائی ہوئی چادر جیسا
اوڑھ لیتا ہوں تو سب خوابِ ہنر لگتا ہے

ایک مدت سے مری ماں نہیں سوئی تابش
میں نے اک بار کہا تھا مجھے ڈر لگتا ہے

(عباس تابش)
-------------------
وسلام

 

[آصف شفیع]

عباس تابش صاحب کی یہ معروف غزل شیئر کرنے کا شکریہ۔

 

[آصف شفیع]

آخری شعر کا پہلا مصرعہ کچھ یوں ہے

ایک مدت سے مری ماں نہیں سوئی تابش

 

[محمد وارث]

لا جواب غزل ہے!

 

[فرخ منظور]

اچھی غزل ہے - عباس تابش کی ابتدائی دنوں کی غزلوں میں سے ایک - بہت شکریہ طالوت!‌

 

[امیداورمحبت]

جس پہ چلتے ہوئے سوچا تھا کہ لوٹ آؤنگا
اب وہ رستہ بھی مجھے شہر بدر لگتا ہے

بہت خوب ۔ ۔

 

[ظفری]

ایک عرصے بعد دوبارہ یہ غزل پڑھی ۔ بہت اچھا لگا ۔

جس پہ چلتے ہوئے سوچا تھا کہ لوٹ آؤنگا
اب وہ رستہ بھی مجھے شہر بدر لگتا ہے

کیا کہنے !

 

[faheem951]

جناب بہت اعلی
یہ کس کتاب سےلیا گیا ہے کیا کتاب کا نام کوئ بتا سکتا هے

 

[عبد الرحمٰن]

یہ عجب ساعت رخصت ہے کہ ڈر لگتا ہے
شہر کا شہر مجھے رخت سفر لگتا ہے

ہم کو دل نے نہیں حالات نے نزدیک کیا
دھوپ میں دور سے ہر شخص شجر لگتا ہے

جس پہ چلتے ہوئے سوچا تھا کہ لوٹ آؤں گا
اب وہ رستہ بھی مجھے شہر بدر لگتا ہے

مجھ سے تو دل بھی محبت میں نہیں خرچ ہوا
تم تو کہتے تھے کہ اس کام میں گھر لگتا ہے

وقت لفظوں سے بنائی ہوئی چادر جیسا
اوڑھ لیتا ہوں تو سب خواب ہنر لگتا ہے

ایک مدت سے مری ماں نہیں سوئی تابشؔ
میں نے اک بار کہا تھا مجھے ڈر لگتا ہے


عباس تابش

 

[ہادیہ]

بہت ہی اعلی زبردست۔۔

 

[عبد الرحمٰن]

بہت ہی اعلی زبردست۔۔

شکریہ