یہ غزل کس بحر میں ہے؟

[مقبول]

محترمین
الف عین صاحب ،
ظہیراحمدظہیر صاحب ،
محمّد احسن سمیع :راحل: صاحب ،
سید عاطف علی صاحب ،
محمد خلیل الرحمٰن صاحب ،
یاسر شاہ صاحب
اور دیگر اساتذہ کرام

مشہور کالم نگار اور شاعر خالد مسعود صاحب کے آج کے کالم میں کنور اعجاز راجا صاحب کی درج ذیل غزل شامل کی گئی ہے جو کہ ریختہ کی ویب سائٹ پر بھی موجود ہے۔ میں جاننا چاہتا ہوں کہ یہ غزل کس بحر میں ہے اور کتنی رواں ہے۔
رہنمائی فرمایئے۔ شُکریہ

اپنی خواہش میں جو بس گئے ہیں وہ دیوار و در چھوڑ دیں
دھوپ آنکھوں میں چبھنے لگی ہے تو کیا ہم سفر چھوڑ دیں

دست بردار ہو جائیں فریاد سے اور بغاوت کریں
کیا سوالی ترے قصر انصاف! زنجیر در چھوڑ دیں

جب لعاب دہن اپنا تریاق ہے دست و بازو بھی ہیں
سانپ گلیوں میں لہرا رہے ہیں تو کیا ہم نگر چھوڑ دیں

شہریاروں سے ڈر جائیں ہم حق پرستی سے توبہ کریں
اپنے اندر بھی اک آدمی ہے اسے ہم کدھر چھوڑ دیں

ہم نے دیکھا ہے دریاؤں کا رخ کنورؔ شہر کی سمت ہے
شہر والے اگر بے خبر ہیں تو کیا بے خبر چھوڑ دیں

 

[محمد خلیل الرحمٰن]

محترمین
الف عین صاحب ،
ظہیراحمدظہیر صاحب ،
محمّد احسن سمیع :راحل: صاحب ،
سید عاطف علی صاحب ،
محمد خلیل الرحمٰن صاحب ،
یاسر شاہ صاحب
اور دیگر اساتذہ کرام

مشہور کالم نگار اور شاعر خالد مسعود صاحب کے آج کے کالم میں کنور اعجاز راجا صاحب کی درج ذیل غزل شامل کی گئی ہے جو کہ ریختہ کی ویب سائٹ پر بھی موجود ہے۔ میں جاننا چاہتا ہوں کہ یہ غزل کس بحر میں ہے اور کتنی رواں ہے۔
رہنمائی فرمایئے۔ شُکریہ

اپنی خواہش میں جو بس گئے ہیں وہ دیوار و در چھوڑ دیں
دھوپ آنکھوں میں چبھنے لگی ہے تو کیا ہم سفر چھوڑ دیں

دست بردار ہو جائیں فریاد سے اور بغاوت کریں
کیا سوالی ترے قصر انصاف! زنجیر در چھوڑ دیں

جب لعاب دہن اپنا تریاق ہے دست و بازو بھی ہیں
سانپ گلیوں میں لہرا رہے ہیں تو کیا ہم نگر چھوڑ دیں

شہریاروں سے ڈر جائیں ہم حق پرستی سے توبہ کریں
اپنے اندر بھی اک آدمی ہے اسے ہم کدھر چھوڑ دیں

ہم نے دیکھا ہے دریاؤں کا رخ کنورؔ شہر کی سمت ہے
شہر والے اگر بے خبر ہیں تو کیا بے خبر چھوڑ دیں

اس بحر کا نام تو اساتذہ ہی جانیں۔ شاید متدارک ہی کی کوئی قسم ہے۔ ہمارے خیال میں یہ بحر "فاعلن فاعلن، فاعلن فاعلن، فاعلن فاعلن" (ایک مصرع میں چھ مرتبہ) ہے۔ اس بحر میں تقطیع کرکے دیکھیے، خاصی رواں غزل ہے۔

اپنی خواہش میں جو : فاعلن فاعلن
بس گئے ہیں وہ دی : فاعلن فاعلن
وار و در چھوڑ دیں : فاعلن فاعلن

دھوپ آنکھوں میں چبھ : فاعلن فاعلن
نے لگی ہے تو کیا : فاعلن فاعلن
ہم سفر چھوڑ دیں : فاعلن فاعلن

 

[محمد خلیل الرحمٰن]

محمد وارث صاحب! آپ کی مدد درکار ہے!

 

[محمد وارث]

محمد وارث صاحب! آپ کی مدد درکار ہے!

یاد آوری کے لیے شکریہ خلیل صاحب۔ آپ نے درست لکھا ہے کہ یہ متدارک ہی کی کوئی قسم ہے، فاعلن چھ بار میں تقطیع ہوتی ہے، اس کا مکمل نام تو مجھے معلوم نہیں ہے، فاعلن چار بار والی کو متدارک مثمن سالم کہتے ہیں اور فاعلن آٹھ بار والی کو متدارک مثمن مضاعف سالم۔ اس کو اللہ ہی جانے کیا کہیں گے۔

 

[محمد احسن سمیع راحلؔ]

جدید شعرا کے یہاں یہ ہیئت کافی مقبول ہے، جن سے متاثر ہو کر، اس بے نام بحر میں ایک بار ہم نے بھی طبع آزمائی کی تھی

 

[محمد خلیل الرحمٰن]

یاد آوری کے لیے شکریہ خلیل صاحب۔ آپ نے درست لکھا ہے کہ یہ متدارک ہی کی کوئی قسم ہے، فاعلن چھ بار میں تقطیع ہوتی ہے، اس کا مکمل نام تو مجھے معلوم نہیں ہے، فاعلن چار بار والی کو متدارک مثمن سالم کہتے ہیں اور فاعلن آٹھ بار والی کو متدارک مثمن مضاعف سالم۔ اس کو اللہ ہی جانے کیا کہیں گے۔

جزاک اللہ محمد وارث صاحب!

 

[محمد خلیل الرحمٰن]

جدید شعرا کے یہاں یہ ہیئت کافی مقبول ہے، جن سے متاثر ہو کر، اس بے نام بحر میں ایک بار ہم نے بھی طبع آزمائی کی تھی

تو اسے اردو محفل پر بھی پیش فرمائیے۔ ہم ہمہ تن گوش نہیں بلکہ "پڑھنے والی آنکھ" ہیں۔

 

[محمد خلیل الرحمٰن]

تو اسے اردو محفل پر بھی پیش فرمائیے۔ ہم ہمہ تن گوش نہیں بلکہ "پڑھنے والی آنکھ" ہیں۔

دیدۂ منتظر

 

[محمد احسن سمیع راحلؔ]

تو اسے اردو محفل پر بھی پیش فرمائیے۔ ہم ہمہ تن گوش نہیں بلکہ "پڑھنے والی آنکھ" ہیں۔

جی ضرور، کیوں نہیں ۔۔۔ اگرچہ بہت پرانی کاروائی ہے، عین ممکن ہے کہ احباب کے ذوق کی تسکین نہ کر پائے

 

[مقبول]

آپ سب کا بہت شُکریہ

 

[سید عاطف علی]

کوئی نام نہ ملے تو متدارک مسدس ہی رکھ لیں ۔

 

[عرفان سعید]

فاعلن چار بار والی کو متدارک مثمن سالم کہتے ہیں اور فاعلن آٹھ بار والی کو متدارک مثمن مضاعف سالم۔ اس کو اللہ ہی جانے کیا کہیں گے۔

متدارک ہیکسا ( Hexa) سالم ٹھیک رہے گا!

 

[سید عاطف علی]

متدارک ہیکسا ( Hexa) سالم ٹھیک رہے گا!

کیونکہ متدارک اوکٹا (Octa) یعنی مثمّن تو پہلے سے ریزرو ہے ۔

 

[محمد وارث]

کوئی نام نہ ملے تو متدارک مسدس ہی رکھ لیں ۔

متدارک مسدس کے ایک مصرعے میں صرف تین فاعلن ہونگے جیسے مثمن کے ایک مصرعے میں چار فاعلن ہیں سو اس چھ فاعلن والی بحر کو متدارک مسدس مضاعف سالم کہہ سکتے ہیں۔

 

[مقبول]

متدارک مسدس کے ایک مصرعے میں صرف تین فاعلن ہونگے جیسے مثمن کے ایک مصرعے میں چار فاعلن ہیں سو اس چھ فاعلن والی بحر کو متدارک مسدس مضاعف سالم کہہ سکتے ہیں۔

سر، پھر اس بحر کو مستعمل بحور کی فہرست میں شمار کیا جائے گا یا نہیں؟

 

[محمد وارث]

سر، پھر اس بحر کو مستعمل بحور کی فہرست میں شمار کیا جائے گا یا نہیں؟

کر لیں، جب کافی غزلیں آپ کو اس بحر میں مل رہی ہیں تو پھر اسے مستعمل ہی سمجھیں۔

 

[الف عین]

اسی طرح رکن فعلن بھی تین سے لے کر دس رکنی تک میں دیکھ چکا ہوں، اور نصف کی تبدیلی کے ساتھ( یعنی آخر میں فع)۔ والد مرحوم سے میں نے اپنے اس شعر کی بحر پوچھی
اپنا چہرہ دیکھو، سارا روشن ہے
تو کہنے لگے کہ ساڑھے پانچ رکنی فعلن ہے۔ وہ اس طرح کی اصطلاحات استعمال کرتے تھے!
اس اصطلاحی نظام کے مطابق چھ رکنی فاعلاتن کی بحر ہے، ہیکسا آکٹا اور ڈیکا متدارک کہنے کی کیا ضرورت؟

 

[مقبول]

کر لیں، جب کافی غزلیں آپ کو اس بحر میں مل رہی ہیں تو پھر اسے مستعمل ہی سمجھیں۔

شُکریہ، سر

 

[مقبول]

اسی طرح رکن فعلن بھی تین سے لے کر دس رکنی تک میں دیکھ چکا ہوں، اور نصف کی تبدیلی کے ساتھ( یعنی آخر میں فع)۔ والد مرحوم سے میں نے اپنے اس شعر کی بحر پوچھی
اپنا چہرہ دیکھو، سارا روشن ہے
تو کہنے لگے کہ ساڑھے پانچ رکنی فعلن ہے۔ وہ اس طرح کی اصطلاحات استعمال کرتے تھے!
اس اصطلاحی نظام کے مطابق چھ رکنی فاعلاتن کی بحر ہے، ہیکسا آکٹا اور ڈیکا متدارک کہنے کی کیا ضرورت؟

شُکریہ، سر