ظہیراحمدظہیر
لائبریرین
یہ مرا غم کسی صورت نہیں گھٹنے والا
ناخدا تھا مری کشتی کو اُلٹنے والا
لذتِ درد کا موسم بھی کبھی بدلا ہے؟
ابرِ غم سر سے یہ برسوں نہیں چھَٹنے والا
چھوڑ کر دیکھ تو احساس کا دامن اے دل
غم رہے گا نہ کوئی جاں سے لپٹنے والا
راہِ تسکین پہ لے آئی تمنا مجھ کو
زندگی بھر بھی سفر اب نہیں کٹنے والا
مانتا ہوں کہ نظرمجھ کو ملی ہے لیکن
کوئی منظر بھی تو ہو دل میں سمٹنے والا
حرمت ِ حرفِ یقیں دل پر اُتاری جائے
میں کوئی نام زبانی نہیں رَٹنے والا
ملک الموت اٹھائے تو اٹھائے آکر
میں ترے در سے ہٹائے نہیں ہٹنے والا
ظہیر احمد ۔۔۔۔۔۔۔ ۲۰۱۲
ناخدا تھا مری کشتی کو اُلٹنے والا
لذتِ درد کا موسم بھی کبھی بدلا ہے؟
ابرِ غم سر سے یہ برسوں نہیں چھَٹنے والا
چھوڑ کر دیکھ تو احساس کا دامن اے دل
غم رہے گا نہ کوئی جاں سے لپٹنے والا
راہِ تسکین پہ لے آئی تمنا مجھ کو
زندگی بھر بھی سفر اب نہیں کٹنے والا
مانتا ہوں کہ نظرمجھ کو ملی ہے لیکن
کوئی منظر بھی تو ہو دل میں سمٹنے والا
حرمت ِ حرفِ یقیں دل پر اُتاری جائے
میں کوئی نام زبانی نہیں رَٹنے والا
ملک الموت اٹھائے تو اٹھائے آکر
میں ترے در سے ہٹائے نہیں ہٹنے والا
ظہیر احمد ۔۔۔۔۔۔۔ ۲۰۱۲
