قتیل شفائی یہ معجزہ بھی محبت کبھی دکھائے مجھے

[فاروقی]

[font="alvi Nastaleeq V1.0.0"] یہ معجزہ بھی محبت کبھی دکھائے مجھے
کہ سنگ تجھ پہ گرے اور زخم آئے مجھے

میں اپنے پاؤں تلے روندتا ہوں سائے کو
بدن مرا سہی، دوپہر نہ بھائے مجھے

میں گھر سے تیری تمنا پہن کے جب نکلوں
برہنہ شہر میں ‌کوئی نظر نہ آئے مجھے

وہی تو سب سے زیادہ ہے نکتہ چیں میرا
جو مسکرا کے ہمیشہ گلے لگائے مجھے

وہ میرا دوست ہے سارے جہاں‌کو ہے معلوم
دغا کرے وہ کسی سے تو شرم آئے مجھے

میں اپنی ذات میں نیلام ہورہا ہوں قتیل
غمِ حیات سے کہہ دو خرید لائے مجھے

(قتیل شفائی) [/font]​

 

[محمد نعمان]

لگے رہو فاروقی بھائی۔۔۔۔۔۔۔۔۔۔۔۔۔۔

 

[زینب]

بہت خوبصورت۔۔۔۔۔۔۔۔۔۔شکریہ

 

[فاروقی]

لگے رہو فاروقی بھائی۔۔۔۔۔۔۔۔۔۔۔۔۔۔

جو حکم سر ۔۔۔۔۔۔۔۔۔۔۔۔۔سر تسلیم خم ہے جو مزاج یار میں آئے۔۔۔۔۔۔