فیض یہ کس دیارِ عدم میں ۔ ۔ ۔ فیض احمد فیض

[فرخ منظور]

یہ کس دیارِ عدم میں ۔ ۔ ۔​

​

نہیں ہے یوں تو نہیں ہے کہ اب نہیں پیدا​

کسی کے حسن میں شمشیرِ آفتاب کا حسن​

نگاہ جس سے ملاؤ تو آنکھ دکھنے لگے​

کسی ادا میں ادائے خرامِ بادِ صبا​

جسے خیال میں لاؤ تو دل سلگنے لگے​

نہیں ہے یوں تو نہیں ہے کہ اب نہیں باقی​

جہاں میں بزمِ گہِ حسن و عشق کا میلا​

بنائے لطف و محبت، رواجِ مہر و وفا​

یہ کس دیارِ عدم میں مقیم ہیں ہم تم​

جہاں پہ مژدۂ دیدارِ حسنِ یار تو کیا​

نویدِ آمدِ روزِ جزا نہیں آتی​

یہ کس خمار کدے میں ندیم ہیں ہم تم​

جہاں پہ شورشِ رندانِ میگسار تو کیا​

شکستِ شیشۂ دل کی صدا نہیں آتی​

(ناتمام)​

 

[ماروا ضیا]

جسے خیال میں لاؤ تو دل سلگنے لگے​

نہیں ہے یوں تو نہیں ہے کہ اب نہیں باقی

عمدہ انتخاب​

 

[سید زبیر]

بہت خوب
یہ کس خمار کدے میں ندیم ہیں ہم تم
جہاں پہ شورشِ رندانِ میگسار تو کیا
شکستِ شیشۂ دل کی صدا نہیں آتی

 

[فرخ منظور]

جسے خیال میں لاؤ تو دل سلگنے لگے​

نہیں ہے یوں تو نہیں ہے کہ اب نہیں باقی​

​

عمدہ انتخاب​

بہت شکریہ!

 

[فرخ منظور]

بہت خوب
یہ کس خمار کدے میں ندیم ہیں ہم تم
جہاں پہ شورشِ رندانِ میگسار تو کیا
شکستِ شیشۂ دل کی صدا نہیں آتی

انتخاب پسند فرمانے کے لئے بہت شکریہ سید زبیر صاحب!