ﻣﯿﺮﮮ ﺷﻮﻕ ﮐﯽ ﯾﮩﯿﮟ ﻻﺝ ﺭﮐﮫ

[عبدالمجید]

السلام علیکم
احباب، کیا آپ میں سے کوئی بتا سکتا ہے کہ یہ مصرعہ کس شعر کا ہے اور شعر کِن کا ہے؟
میرے شوق کی یہیں لاج رکھ
وہ جو طور ہے بہت دور ہے
شکریہ

 

[محمد تابش صدیقی]

ایک تو یہ مصرع نہیں پورا شعر لگ رہا ہے۔
اور دوسرا یہ کہ شعر کا وزن بھی کافی ہلا ہوا ہے۔
کسی غیر شاعر کی تخلیق معلوم ہوتا ہے۔ واللہ اعلم

 

[عبدالمجید]

شکریہ جناب، مجھے شاعری کی زیادہ معلومات نہیں ہے، البتہ آجکل شاعری کا کچھ بخار سا چڑ گیا ہے، یہ شعر نیٹ پر دیکھا تو اسکے مزید مصرعوں کو پڑھنے کی خواہش ہوئی، ہوسکتا ہے وارث بھائی یا محترم الف عین کچھ مدد کرسکیں۔

 

[محمد تابش صدیقی]

شکریہ جناب، مجھے شاعری کی زیادہ معلومات نہیں ہے، البتہ آجکل شاعری کا کچھ بخار سا چڑ گیا ہے، یہ شعر نیٹ پر دیکھا تو اسکے مزید مصرعوں کو پڑھنے کی خواہش ہوئی، ہوسکتا ہے وارث بھائی یا محترم الف عین کچھ مدد کرسکیں۔

پھر کوشش کریں کہ اردو محفل کے ہی شاعری کے گوشوں سے مستفید ہوں۔ ورنہ انٹرنیٹ پر تو شاعری کا جنازہ بھی خوب نکلا ہوا ہے۔ میری اپنے تجربے کی بنیاد پر یہ رائے ہے کہ یہ شعر کسی نامور یا غیر نامور شاعر کا نہیں ہے اور جس نے بھی کہا ہے، محض یہی شعر کہا ہے۔ اور اشعار نہیں ملیں گے۔

رائے غلط بھی ہو سکتی ہے۔

 

[عبدالمجید]

جناب ابتدا تو علامہ محمد اقبال رحمہ اللہ کی شاعری سے کی ہے، ساتھ میں مرزا اسد اللہ خان غالب کو بھی تھوڑا بہت پڑھ رہا ہوں۔
میرے پاس ٹیگ کا آپشن نہیں ہے، اگرممکن ہو تو آپ اس پوسٹ میں وارث بھائی اور مکرمی الف عین کو ٹیگ کردیں۔
شکریہ

 

[حمیرا عدنان]

جناب ابتدا تو علامہ محمد اقبال رحمہ اللہ کی شاعری سے کی ہے، ساتھ میں مرزا اسد اللہ خان غالب کو بھی تھوڑا بہت پڑھ رہا ہوں۔
میرے پاس ٹیگ کا آپشن نہیں ہے، اگرممکن ہو تو آپ اس پوسٹ میں وارث بھائی اور مکرمی الف عین کو ٹیگ کردیں۔
شکریہ

تابش بھائی نے آپ کو ساری تفصیل تو بتا دی ہے اگر آپ پھر بھی اصرار کرتے ہیں تو میں ٹیگ کئیے دیتی ہوں
محمد وارث
الف عین
ویسے آپ خود بھی ٹیگ کر سکتے ہیں
@ لکھ کر ساتھ میں جس کو ٹیگ کرنا ہے اس کا نام لکھ دیں

 

[محمد وارث]

جی میرے علم میں نہیں ہے۔