13 نکات پر مشتمل چارٹر آف ڈیمانڈ

[الف نظامی]

تحریک انصاف نے 11 مئی کے جلسے کے لئے 13 نکات پر مشتمل چارٹر آف ڈیمانڈ تیار کرلیا ہے۔
تحریک انصاف کے 11 مئی کو اسلام آباد کے ڈی چوک میں ہونے والے جلسے کے حوالے سے تیار کئے گئے چارٹر آف ڈیمانڈ میں

• آئندہ انتخابات بائیومیٹرک سسٹم کے تحت کرانے
• 4 حلقوں میں ووٹوں کی فوری تصدیق کرانے
• بلدیاتی انتخابات جوڈیشنل افسران کی زیر نگرانی کرائے جانے

اور

• نادرا اور چیف الیکشن کمیشن کے سربراہوں کی تعیناتی اپوزیشن کی مشاورت سے کرنے کے مطالبات شامل کئے گئے ہیں۔

اس کے علاوہ چارٹر آف ڈیمانڈ میں

• پارلیمنٹ کو اعتماد میں لے کر شفاف انتخابات کے لئے اصلاحات کرنے اور
• دھاندلی میں ملوث عناصر کی نشاندہی اور انہیں سزا دینے کے مطالبات بھی شامل ہیں۔

چارٹر آف ڈیمانڈ میں مزید کہا گیا ہے کہ انتخابی دھاندلیوں کے خلاف احتجاج 11 مئی کے بعد بھی جاری رہے گا اور الیکشن کمیشن کے ڈویژنل ہیڈ کوارٹرز کے سامنے مظاہرے ہوں گے۔

متعلقہ:-
انتخابی اصلاحات

 

[الف نظامی]

عوامی تحریک کے قائد ڈاکٹر طاہرالقادری نے کہاہے کہ 11 مئی کو جماعت انقلاب کی اقامت کہی جائے گی اورصفوں کی درستی کے بعد اسکی امامت کے کیلیے وطن آجاؤں گا،11مئی کو انسانی سروں کا سیلاب آئے گا۔
نظام کو مسمار کرنے کیلیے فائنل کال جلددوں گا، 40سال قبل جس جدوجہدکاآغاز کیا تھا اب اس کا آخری مرحلہ آن پہنچا ہے، میری زندگی وقف انقلاب ہے، اس بار حکمرانوں سے مذاکرات نہیں ہوں گے۔ عوامی تحریک راولپنڈی، اسلام آباد کے عہدیداران کے اجلاس سے ٹیلی فونک خطاب کرتے ہوئے ۔

 

[الف نظامی]

مسلم لیگ (ق) کے صدرسینیٹرچوہدری شجاعت حسین نے کہاہے کہ عمران خان اور ڈاکٹر طاہر القادری کے احتجاج کی حمایت کرتے ہیں،صاف شفاف انتخابات کیلیے انتخابی نظام میں مکمل اصلاح کاان کامطالبہ درست ہے۔
ایک بیان میں انھوں نے کہاکہ مسلم لیگ(ق)11 مئی کے انتخابات کے بعدپہلے دن سے کہہ رہی ہے کہ ان انتخابات میں دھاندلی کے تمام سابق ریکارڈٹوٹ گئے،ن لیگ نے ریٹرننگ افسروں کے ساتھ مل کرجو کھیل کھیلااب اس سے پردہ اٹھ رہاہے اور تمام چہرے بے نقاب ہورہے ہیں،ان حالات میں ڈاکٹر طاہر القادری اور عمران خان سمیت ہم سب کا حق بنتاہے کہ انتخابی نظام میں مکمل اصلاح کی بات کریں۔

 

[الف نظامی]

قومی اسمبلی کے اجلاس میں وفاقی وزیر داخلہ چوہدری نثار نے کہا کہ حکومت انتخابی اصلاحات لانے کے لیے حزب اختلاف کے ساتھ مل کر بیٹھنے کے لیے تیار ہے۔

 

[الف نظامی]

الیکشن کمیشن کے وفاقی سیکرٹری اور چیئرمین انتخابی اصلاحات نے 11 مارچ 2009ء کو انتخابی تجاویز کی الیکشن کمیشن سے منظوری لے کر اس وقت کے وزیر اعظم سید یوسف رضا گیلانی کو پیش کر دی تھیں، لیکن حکومت نے انہیں سرد خانے میں رکھ چھوڑا۔
الیکشن کمشن نے اپنے اختیارات کو جزوی طور پر بروئے کار لاتے ہوئے 11 مئی 2013ء کے انتخابات کے لیے بیلٹ پیپرز پر None of Above کے کالم کا اضافہ کر دیا اور چیف الیکشن کمشنر نے اس کی منظوری کا عندیہ بھی دے دیا تھا لیکن 18 اپریل 2013ء کو جب بیلٹ پیپرز کی چھپائی شروع ہونے لگی تو پُراسرار طریقے سے یہ کالم نکال دیا گیا۔

اس کے علاوہ الیکشن کمشن نے بیلٹ پیپرز کے لیے کاغذ جرمنی سے درآمد کرنے کا اعلان کیا لیکن اندرونی حقیقت یہ ہے کہ آخری لمحے پر حکومت کے پرنٹنگ پریس نے اس تجویز کو فنی بنیادوں پر نامنظور کر دیا اور عذر یہ پیش کیا کہ ان کی مشینری جرمنی سے درآمد کردہ کاغذ پر پرنٹنگ نہیں کر سکتی۔

جس ادارے نے تکنیکی اور سائنسی بنیادوں پر انمٹ سیاہی تیار کی، اس کی کوششوں پر بھی پانی پھیر دیا گیا اور ریٹرننگ افسران کی ملی بھگت سے پولنگ تھیلوں میں جعلی سیاہی کے پیکٹ رکھوا دیے گئے جس کی وجہ سے نادرا جعلی انگوٹھوں کی تصدیق کرنے میں ناکام رہی۔
پولنگ کا عملہ، پولیس اور بیوروکریسی ان معاملات میں ملوث رہی۔
قوم کو ایسے انتخابی نتائج دیے گئے جن پر تمام سیاسی جماعتوں کو تحفظات رہے۔

 

[خالد محمود چوہدری]

عوامی تحریک کے قائد ڈاکٹر طاہرالقادری نے کہاہے کہ 11 مئی کو جماعت انقلاب کی اقامت کہی جائے گی اورصفوں کی درستی کے بعد اسکی امامت کے کیلیے وطن آجاؤں گا،11مئی کو انسانی سروں کا سیلاب آئے گا۔
نظام کو مسمار کرنے کیلیے فائنل کال جلددوں گا، 40سال قبل جس جدوجہدکاآغاز کیا تھا اب اس کا آخری مرحلہ آن پہنچا ہے، میری زندگی وقف انقلاب ہے، اس بار حکمرانوں سے مذاکرات نہیں ہوں گے۔ عوامی تحریک راولپنڈی، اسلام آباد کے عہدیداران کے اجلاس سے ٹیلی فونک خطاب کرتے ہوئے ۔

سروں کا سیلاب؟ ہلاکو خان؟

 

[الف نظامی]

حکمرانوں نے 11 ماہ کے اندر 80 حکم ناموں کے ذریعے ٹیکس میں چھوٹ دے کر چار سو 78 ارب روپے کا قومی خزانہ کونقصان پہنچایا ہے۔
اس کے علاوہ شوگر انڈسٹری کو فائدہ پہنچانے کیلئے فیڈرل ایکسائز ڈیوٹی آٹھ فی صد سے کم کر کے 0.50 کر دی اور سیلز ٹیکس میں معافی دے کر شوگر انڈسٹری کو 112 ارب روپے کا فائدہ پہنچایا ہے۔
ڈاکٹر طاہرالقادری نے کہا کہ ایک معاہدہ میں کسٹم ڈیوٹی معاف کر کے قومی خزانہ کو ساڑے تین سو ارب روپے کے خسارے سے دوچار کیا۔
انہوں نے کہا کہ ظالم حکمرانوں نے عالمی مالیاتی اداروں سے قرضے لینے کا 28 سالہ ریکارڈ بھی توڑ دیا ہے۔
گذشتہ 28 سالوں میں مختلف حکومتوں نے 59 ارب ڈالر ز کا قرض لیا جبکہ موجودہ حکمرانوں نے اپنے پہلے سال میں اپنی پانچ سالہ حکومت کیلئے 24 ارب ڈالرکے قرضے منظور کرالیے۔

 

[محمود احمد غزنوی]

سروں کا سیلاب؟ ہلاکو خان؟

سروں کا مینار۔۔۔۔ہلاکو خان
سروں کی فصل۔۔۔حجاج بن یوسف
سروں کا سیلاب۔۔۔۔پی اے ٹی
سروں کا تیل۔۔۔۔شریف برادران

 

[الف نظامی]

تحریک انصاف کے سربراہ عمران خان نے کہا ہے کہ تحریک انصاف خطرات سے نہیں ڈرتی، سسٹم ٹھیک ہونے تک تحریک نہیں رکے گی، میاں صاحب، وقت آ گیا ہے کہ غیر جانبدار ایمپائر کے ساتھ کھیلیں۔ پریس کانفرنس سے خطاب کرتے ہوئے عمران خان نے کہا کہ ہمیں قانونی طریقے سے انصاف نہیں ملا، انتخابات میں ریکارڈ دھاندلی کے خلاف احتجاج کر رہے ہیں، ہم نے مڈٹرم انتخابات کا مطالبہ نہیں کیا، وزیراعظم تحریک انصاف کا راستہ نہ روکیں، کارکنوں کو راستہ نہ دیا گیا تو جمہوریت ڈی ریل ہو گی، رکاوٹوں کی وجہ سے انتشار پھیلا تو ذمہ دار حکومت ہو گی، تمام پاکستانی کل نیا پاکستان بنانے ڈی چوک پہنچیں گے

 

[arifkarim]

اب وقت آگیا ہے کہ پچھلا الیکشن جیتنے والی سیاسی جماعت نورا کشتی بھی دیگر سیاسی جماعتوں کیساتھ ملکر اس تاریخی دھاندلی کیخلاف احتجاج کرے۔
انہوں نے بھی بلوچستان، سندھ، خیبرپختواہ میں زیادہ سیٹیں نہیں جیتی۔