KarachiOS

[ساجداقبال]

لینکس پاکستان والوں نے کراچی او ایس کے نام سے لینکس کا ایک ڈیبین بیسڈ ورژن تیار کیا ہے۔ اس ڈسٹرو کی آفیشل ویب سائٹ یہاں اور اسکے بارے میں مباحثہ یہاں ملاحظہ کیا جا سکتا ہے۔ بنانے والوں نے خصوصیات کا ذکر فورم پر کچھ یوں کیا ہے:

Based on Debian sources, current release KarachiOS 1.0rc1 contains the following features:

* Linux Kernel 2.6.21
* X.org 7.2
* KDE 3.5.7
* KOffice
* Adept Package Management tool
* GnuPG 2.0 5
* Support for printers, scanners, digicams and webcams
* Wink
* VLC Media Player with native support for WMV files
* Amarok audio media player
* Support for legacy Windows Application via Wine
* LAMP Stack
* Apache 2
* MySQL 5.0.44
* PHP5
* WebERP for accounting
* Pre-release version of Badar Sami's Urdu keyboard for touch typists
* Fonts for Arabic/Farsi/Urdu
* Adobe FlashPlayer 9
* Experimental support for wireless modems
* KPDF and KCHMViewer for viewing documents
* digiKam for digital camera and photo gallery management
* KOpete for Instant messaging with Yahoo and MSN Webcam support
* Skype 1.4beta
* Secure Remote Desktop access support using NX technology
* Viki (Onscreen Accessibility Keyboard)
* kbfx (Next generation KDE Lauch Menu)
* K3B for CD/DVD burning
* Builtin StartCom certificates​

 

[الف عین]

اردو کا کچھ ذکر نہیں؟
محض یہ ایسا ہی ڈسٹرو لگتا ہے جیسے ہزاروں ہیں۔

 

[ساجداقبال]

اردو کے لگتا ہے کہ محض فونٹس ہی شامل کیے ہیں۔

 

[ابوشامل]

لینکس پاکستان والے میرے خیال میں اردو پر اتنا دھیان نہیں دیں گے، ان کے فورم پر اردو کا ایک لفظ بھی درج نہیں تو وہ اردو کو بھلا خاطر میں کیوں لائیں؟ ان کے فورم کے ارکان کو بھی شاید اردو سے لگاؤ نہیں اس لیے شاید بات فونٹ اور کلیدی تختے سے آگے نہ بڑھ سکے۔ بہرحال یہی بہت ہے کہ پاکستان میں لینکس پر کام ہو رہا ہے، اور ہر کوئی اپنی کوشش کے مطابق اسے پھیلانے میں لگا ہوا ہے۔
میری طرف سے انہیں مبارکباد، اور اس خبر سے آگاہ کرنے پر ساجد بھائی کا شکریہ

 

[ظہور احمد سولنگی]

جو کام بھی اچھا ہو اسکی حوصلہ افزائی کی جائے خوامخوہ کسی کی حوصلہ شکنی نہ کی جائے، جہاں تک اردو کی بات ہے یقینا وہ لوگ اس کو بھی خاطر میں لائیں گے۔

 

[دوست]

چلو جی بسم اللہ تو ہوئی۔

 

[خواجہ طلحہ]

پر کیا کسی نے ٹرای کیا ہے۔؟
میرے خیال میں مکی بھیا کو تجربہ کی سولی پر لٹکانا چاہیے۔

 

[مکی]

بسم اللہ الرحمن الرحیم

میں نے ان کی ویب سائٹ اور فورم دیکھا ہے، یہ ڈاونلوڈ کے لیے دستیاب نہیں ہے البتہ پتہ چلا ہے کہ رینبو سینٹر میں یہ کسی دکان پر دستیاب ہے.. چنانچہ کوئی چارہ نہیں کہ رینبو سینٹر کا چکر لگایا جائے.. اگر مل گئی تو ضرور تبصرہ کروں گا اس پر..

واللہ الموفق

 

[خواجہ طلحہ]

اللہ کرے کے آپ کو مل جاءے مکی بھیا!

 

[ساجداقبال]

سلیسکس کی بنیاد پر بنایا گیا پاکستانیوں کا ایک اور لینکس ڈسٹرو:
Black Route

 

[دوست]

واہ۔ لیکن یہ کس نے بنایا ہے کوئی اتا پتا۔

 

[ساجداقبال]

شاکر بھائی، About میں نام درج ہیں باقی کوئی تفصیل میری نظر سے نہیں گزری۔

 

[ابوشامل]

میں نے تو رینبو سینٹر، کراچی بھی چھان مارا، کہیں نہیں ملی! لگتا ہے لینکس پاکستان کا چکر ہی لگانا پڑے گا

 

[مکی]

بسم اللہ الرحمن الرحیم

جی ہاں شامل صاحب.. رینبو سینٹر میں بھی دستیاب نہیں ہے.. میں بھی وہاں سے خوار ہوکے آیا ہوں.. جس سے پوچھو ایسے گھور کے دیکھتا ہے جیسے دال مسور مانگ لی ہو..

واللہ الموفق

 

[دوست]

چلو جی موج ہے پھر۔

 

[ساجداقبال]

آپ ان کے فورم پر یا ای میل کے زریعے استفسار کیوں نہیں کر لیتے۔ خوامخواہ رینبو سینٹر میں خوار ہوتے رہے۔ ویسے کیا پتہ لوگوں نے لینکس کو کھانے کی چیز سمجھ کر ایمپریس مارکیٹ میں بیچنا شروع کر دیا ہو۔

 

[مکی]

بسم اللہ الرحمن الرحیم

ان کے فورم سے ہی یہ خبر ملی تھی کہ رینبو سینٹر میں دستیاب ہے.. خیر کچھ کرتے ہیں..

واللہ الموفق

 

[ابوشامل]

جی مکی بھائی ! رینبو سینٹر کے دکاندار تو ریڈ ہیٹ اور فیڈورا کے سوا کسی لینکس کا نام ہی نہیں جانتے، مجھے یاد ہے کہ جب میں نے Ubuntu مانگی تھی تو پہلے تو چھ مرتبہ مجھے اسے نام بتانا پڑا جس کے بعد بھی اسے سمجھ نہ آیا جس پر میں نے اسے لکھ کر دیا تو اس نے چند دن بعد آنے کا کہا۔ اور حیرتناک بات یہی تھی کہ اس نے وعدے کے مطابق مجھے Ubuntu لا کر دی تھی۔ خیر کراچی او ایس کا کچھ معلوم نہیں اور نہ ہی دکاندار نے کوئی اس طرح کا وعدہ کیا ہے۔ دیکھتے ہیں آپ کو کب ملتی ہے؟ آپ کے پاس آ گئی تو سمجھیں اپنے پاس بھی آ ہی گئی۔

 

[عارف انجم]

اس ربط پر بیک کور کا جو عکس دیا گیا ہے اس پر درج ہے۔

کاروباری اور تجارتی معاملات کے لیے کراچی کمپیوٹرز ایف 126 ریبنو سینٹر صدر کراچی فون نمبر 2787190 سے رابطہ کریں۔

لگتا ہے یہ لنکس کی دوسری ڈسٹروز کی طرح مفت یا صرف سی ڈی کی قیمت پر دستیاب نہیں‌ ہوگا۔ ویسے ریبنو سینٹر کو بم سے اڑانے کی دھمکی بھی آ چکی ہے، ذرا دھیان رہے۔

 

[sahil786n]

thanks

اردو کے لگتا ہے کہ محض فونٹس ہی شامل کیے ہیں۔