substr کے مسائل

[زیک]

آپ کو فورم کی فہرست وغیرہ میں کئی جگہ سوالیہ نشان نظر آ رہے ہوں گے۔ یہ مجھے بہت برے لگتے ہیں کیونکہ یہ پروگرامر کی یونیکوڈ سے نابلدی کو ظاہر کرتے ہیں۔ اصل میں ہو یہ رہا ہے کہ پی‌ایچ‌پی میں substr فنکشن صرف ASCII پر صحیح کام کرتا ہے کیونکہ وہ بائٹس کا حساب رکھتا ہے نہ کہ حروف کا۔ یونیکوڈ کے حروف کئی بائٹس پر مشتمل ہو سکتے ہیں۔ اس لئے جب substr پہلے دس (یا پندرہ یا کوئی اور تعداد) حروف output کرنے کی بجائے پہلے دس بائٹ output کرتا ہے اردو کی تباہی مارتے ہوئے۔

اس کا حل یہ ہے کہ ایسی جگہوں پر substr کی بجائے mb_substr استعمال کیا جائے۔ پی‌ایچ‌پی‌بی‌بی کے لکھنے والوں کو کوستے ہوئے میں مناسب ردوبدل اگلے کچھ دنوں میں کر دوں گا جیسا کہ میں پہلے اسم رکن کے سلسلے میں کر چکا ہوں۔

 

[نبیل]

زکریا، آپ کا بہت شکریہ کہ آپ نے یہ کام کرنے پر آمادگی کا اظہار کیا ہے۔ کچھ دنوں پہلے میں نے اپنے طور پر پی ایچ پی بی بی کے سورس کوڈ میں substr فنکش ڈھونڈھ کر اسے mb_substr سے تبدیل کرنے کی کوشش کی تھی لیکن بظاہر میری لائی ہوئی تبدیلیوں سے کوئی فائدہ نہیں ہوا۔ اب دعا کرتا ہوں کہ آپ اس صورتحال میں بہتری لاسکیں۔

 

[زیک]

ہر substr کو mb_substr سے بدلنے سے بہتر حل مین نے ڈھونڈا ہے۔ مگر یہ زیادہ لمبا اور مشکل بھی ہے۔

 

[نبیل]

ہمم۔۔اس وقت تو اتنا لمبا آرٹیکل پڑھنے کی ہمت نہیں ہے۔ بعد میں پڑھوں گا۔ اگر یہ حل بہتر ہے تو اس کے لمبا یا مشکل ہونے کی پرواہ نہیں کرنی چاہیے۔

 

[زیک]

ہمارے ہوتے ہوئے آپ کو پڑھنے کی کیا ضرورت ہے؟

میں یہی بہتر حل استعمال کروں گا۔ مگر اس کے لئے کچھ ڈاون ٹائم بھی ہو گا کیونکہ مجھے ڈیٹابیس کو بھی یونیکوڈ کرنا پڑے گا۔

 

[نبیل]

ہمارے ہوتے ہوئے آپ کو پڑھنے کی کیا ضرورت ہے؟

میں یہی بہتر حل استعمال کروں گا۔ مگر اس کے لئے کچھ ڈاون ٹائم بھی ہو گا کیونکہ مجھے ڈیٹابیس کو بھی یونیکوڈ کرنا پڑے گا۔

خیر ہو آپ کی زکریا، کہنا تو میں بھی یہی چاہتا تھا۔ ڈاؤن ٹائم بھی کوئی مسئلہ نہیں اگر یہ ان ٹوٹے ہوئے الفاظ کا کوئی حل ہے تو۔

 

[زیک]

نامکمل حل

کچھ مسئلہ تو حل ہو گیا ہے۔ عنوان وغیرہ اب صحیح آ رہے ہیں۔ اب دیکھتے ہیں کہ میں نے مزید مسائل تو پیدا نہیں کر دیئے؟

البتہ راجہ محمد نعیم اختر کا نام ابھی بھی ٹھیک نہیں آ رہا۔ حیرت کی بات یہ ہے کہ یہ صرف ہوم پیج پر ہو رہا ہے۔

 

[زیک]

گڑبڑ

جیسا کہ میرا خیال تھا اردو بلاگ اور اردو وکی اب کام نہیں کر رہے۔ محفل میں تو مجھے ابھی کوئی مسئلہ نظر نہیں آیا۔ چلیں بلاگ اور وکی کو اب ٹھیک کرتا ہوں۔

 

[زیک]

اردو بلاگ اور وکی اب ٹھیک ہو گئے ہیں مگر راجہ محمد نعیم اختر ابھی بھی رہتے ہیں۔

 

[نبیل]

زبردست زکریا، تاریخی کام کیا ہے آپ نے۔ مجھے اس کی مزید تفصیلات کی ضرورت ہوگی آپ سے۔ یہ معلومات ان کے لیے بھی فائدہ مند ہوں گی جو مسقبل میں اپنی اردو فورم سیٹ اپ کریں گے۔

یہ صفحہ اول پر راجہ نعیم اختر کے نام کا معاملہ تو واقعی ایک پہیلی ہے۔ چلیں جس طرح باقی مسائل حل ہوئے ہیں، انشاءاللہ یہ بھی حل ہو جائے گا۔

 

[زیک]

اس وقت تو بہت دیر ہو گئی ہے اور علی الصبح بیٹی کو ڈاکٹر کے پاس لے جانا ہے۔ کل کوشش کروں گا کہ اس کی تفصیلات لکھوں۔

 

[زیک]

راجہ نعیم اختر کے نام کا مسئلہ بھی لگتا ہے حل ہو ہی گیا آج کی جادوگری سے۔

 

[نبیل]

بہت خوب زکریا، کمال کے جادوگر ہیں آپ۔ میں امید کرتا ہوں کہ یہ جنتر منتر اکٹھے کرکے آپ جلد ہی کتابی شکل میں شائع کروائیں گے۔