شرف ملا ہے کہاں تیری ہمرہی کا مجھے ۔۔۔۔۔ تو شہسوار ہے اور میں تیرے غبار میں ہوں (اطہر نفیس)
-
کیا دل ہے کہ اک سانس بھی آرام نہ لے ہے ۔۔۔۔ محفل سے جو نکلے ہے تو خلوت میں جلے ہے (ڈاکٹر کلیم عاجز)
تا با غم عشق تو مرا کار افتاد ۔۔۔۔۔ بیچاره دلم در غم بسیار افتاد (مولانا روم)
مجھے تو کوئی ملا نہ ایسا جو مرنے والوں کو زندہ کر دے ۔۔۔۔۔۔میں آج بھی بزمِ زاہداں میں حدیثِ اعجاز سن رہا ہوں (شکیل بدایونی)
ساقی نظر سے پنہاں ، شیشے تہی تہی سے ۔۔۔۔۔ باز آئے ہم تو ایسی بے کیف زندگی سے (شکیل بدایونی)
سمندر سے اٹھے پانی اور آ برسے ہے صحرا میں ۔۔۔۔۔۔ فدا میں ایسی ہجرت پہ، میں صدقے وصل پر ایسے (نیرنگِ خیال)
دن بھی اُداس اور مری رات بھی اداس ۔۔۔۔ ایسا تو وقت اے غمِ دوراں نہ تھا کبھی (ناصر کاظمی)
تو رئیس شہر ستم گراں میں گدائے کوچۂ عاشقاں ۔۔۔۔۔ تو امیر ہے تو بتا مجھے میں غریب ہوں تو برا ہے کیا (کلیم عاجز)
وہ ہم سے روٹھ کر بھی دور کب ہیں ۔۔۔۔ دلوں کا رابطہ ٹھہرا ہوا ہے (عبدالصمد تپش)
شاید ترے لبوں کی چٹک سے ہو جی بحال ۔۔۔۔۔ اے دوست مسکرا کہ طبیعت اداس ہے
فتنہ رہے فساد رہے گفتگُو رہے ۔۔۔۔ منظور سب مجھے، جو مِرے گھر میں تُو رہے (اکبر الہ آبادی)
اسی کی شکل مجھے چاند میں نظر آئے ۔۔۔ وہ ماہ رخ جو لبِ بام بھی نہیں آتا (غلام محمد قاصر)
جو اپنی ذات سے اک انجمن کہا جائے ۔۔۔۔۔ وہ شخص تک مجھے تنہا دکھائی پڑتا ہے (جاں نثار اختر)
یہ میں جو ہاتھ ہلاتا تھا راہ چلتے ہوئے ۔۔۔۔۔ میں شہرِ خواب کے نقشے بنایا کرتا تھا (ڈاکٹر کبیر اطہر)
یہ مرے پودے، یہ مرے پنچھی، یہ مرے پیارے پیارے لوگ ۔۔۔۔۔ میرے نام جو بادل آئے، بستی میں برسا دینا (رئیس فروغ)
بہت سے لفظ پڑے حاشیوں میں سوچتے ہیں ۔۔۔۔۔ کسی طرح سے عبارت میں وہ در بنایا جائے (طارق نعیم)
میں اپنی ٹوٹتی آواز گانٹھنے کے لئے ۔۔۔۔ کہیں سے لفظ کا پیوند لایا کرتا تھا (عباس تابش)
یُوں گزرتی ہے رگ و پے سے تری یاد کی لہر ۔۔۔۔۔ جیسے زنجیر چھنک اُٹھتی ہے زندانی کی (شبنم رومانی)
بڑے ہشیار ہیں وہ جن کو سب غافل سمجھتے ہیں ۔۔۔ نظر پہچانتے ہیں وہ مزاج دل سمجھتے ہیں (مجذوبؔ)
گورو ملا نا سکھ ملا لالن کھیلا داؤں ۔۔۔۔ دوؤ بوڑے دھار میں چڑھ پاتھر کی ناؤں ۔۔۔ (بھگت کبیر)
-
لوڈ ہو رہا ہے…
-
لوڈ ہو رہا ہے…