مغزل
محفلین
متلاشی بھائی اچھا سلسلہ شروع کیا ہے سلامت رہیں ۔
باقی نوجوان دوستوں کو بھی منسلک کرتا ہوں محمد اظہر نذیر ، ایم اے راجا ، خرم شہزاد خرم ،
باقی نوجوان دوستوں کو بھی منسلک کرتا ہوں محمد اظہر نذیر ، ایم اے راجا ، خرم شہزاد خرم ،
اصولِ شاعری کے حوالے سے چند سوال۔۔۔؟
- صاحب لڑی متلاشی
- تاریخ ابتداء
متلاشی
محفلین
برادرم مغل صاحب پذیرائی کے لئے بہت بہت شکریہ۔۔۔۔!
محمد وارث
لائبریرین
ہر بحر کے ہر رکن کو تبدیل نہیں کیا جا سکتا، کہیں اجازت ہے اور کہیں نہیں ہے، مثلاً بحر ہزج مثمن سالم مفاعیلن چار بار، اس کے نہ پہلے رکن میں تبدیلی ہو سکتی ہے نہ دوسرے نہ تیسرے، صرف چوتھے میں مفاعیلن کی جگہ مفاعیلان آ سکتا ہے۔
اسی طرح بحر رمل مثمن محذوف فاعلاتن فاعلاتن فاعلاتن فاعلن، اس کے بھی کسی رکن میں کوئی تبدیلی نہیں ہو سکتی سوائے فاعلن کے مسبغ ہو کر فاعلان ہو جاتا ہے۔
لیکن اسی بحر رمل کی ایک مزاحف شکل، بحر رمل مثمن محذوف مقطوع فاعلاتن فعلاتن فعلاتن فعلن، اس بحر میں فاعلاتن کی جگہ فعلاتن اور فعلن کی جگہ فَعِلن، فعلان اور فَعِلان آ سکتے ہیں اور یوں آٹھ وزن بن جاتے ہیں۔
اسی طرح بحر خفیف جس کا کچھ ذکر اوپر ہوا ہے، میں بھی آٹھ وزن بن جاتے ہیں۔
کہنے کا مطلب یہ کہ ہر بحر کا اپنا مخصوص نظام ہے اور کسی بھی بحر میں ایک رکن کی جگہ دوسرا رکن لانے کیلیے بحور پر عبور ضروری ہے وگرنہ بہتر یہی ہے کہ کسی بحر کے جو نارمل ارکان مستعمل ہوتے ہیں انہی کو استعمال کیا جائے۔
فعلن، زیادہ تر کسی بھی بحر کے آخر میں آتا ہے، مثلاً
رمل مثمن کی مزاحف شکل میں فاعلاتن فعلاتن فعلاتن فعلن
رمل مسدس کی مزاحف شکل میں فاعلاتن فعلاتن فعلن
مجتث مثمن کی مزاحف شکل میں مفاعلن فعلاتن مفاعلن فعلن
خفیف مسدس کی مزاحف شکل میں فاعلاتن مفاعلن فعلن
ان سب میں فعلن 22 کو نہ صرف فَعِلن 11 2سے بدلا جا سکتا ہے بلکہ فعلان 2 2 1 اور فَعِلان 1 1 2 1 کی شکل میں بھی لایا جا سکتا ہے۔
ایم اے راجا
محفلین
بہت خوب سلسلہ شروع کیا ہے متلاشی صاحب
ایم اے راجا
محفلین
وارث صاحب چند سوالات۔
کیا بحر متقارب فعولن فعولن فعولن فعولن کہ پہلے فعولن کو فاعولن کیا جا سکتا ہے، اگر کیا جاسکتا ہے تو کیا یہ صرف پہلے رکن میں ہی جائز ہے اور کیا یہ پوری غزل میں کہیں ایک بار ہی لایا جاسکتا ہے یا پھر ایک بار لانے سے ہر مصرعہ میں لانا ضروری ہے۔
بحر خفیف میں اگر کوئی غزل ان افاعیل سے شروع کی جائے، فَعِلاتن مفاعلن فَعِلان ، تو کیا دوسرے مصرعہ میں اصل افاعیل فاعلاتن مفاعلن فعلن لایا جا سکتا ہے یا پھر پورے ایک شعر میں یا پھر پوری غزل میں ایک ہی افاعیل لانے ضروری ہیں۔
کیونکہ آپ کی درج بالا مثالوں سے مینے یہی سمجھا ہیکہ ان بحور میں کسی ایک شعر یا کسی ایک مصرعہ میں افاعیل ضرورت کے مطابق تبدیل کیئے جاسکت ہیں۔
اگر پوری غزل تبدیل افاعیل ( زحاف ) میں کہی گئی ہو تو کیا بحر کا نام تبدیل ہو جائے گا یا بحر کا نام اصل ہی رہے گا، مثلا متقارب مثمن سالم، کا نام کچھ اور ہو جائے گا۔
محمد وارث
لائبریرین
جی نہیں اس بحر کے پہلے تینوں رکنوں میں کوئی تبدیلی نہیں ہو سکتی، فقط آخری فعولن میں رکن مسبغ ہو کر فعولان آ سکتا ہے۔، اور عملِ تسبیغ کی تقریباً ہر بحر کے آخری رکن میں اجازت ہے۔
خفیف میں جو آٹھ اوزان ہیں، ان میں سے کوئی بھی وزن کسی بھی مصرعے میں آ سکتا ہے اور دوسرے مصرعے میں کوئی دوسرا وزن، اور ساری غزل ان آٹھ اوزان میں سے کسی بھی غزل میں کہی جا سکتی ہے یا ان آٹھ اوزان کو مختلف مصرعوں میں استمعال کیا جا سکتا ہے کوئی قدغن نہیں ہے، بحر خفیف کے آٹھ اوزان یہ ہیں۔
1- فاعلاتن مفاعلن فعلن
2- فاعلاتن مفاعلن فَعِلن
3- فاعلاتن مفاعلن فعلان
4- فاعلاتن مفاعلن فَعِلان
5- فعلاتن مفاعلن فعلن
6- فعلاتن مفاعلن فَعِلن
7- فعلاتن مفاعلن فعلان
8- فعلاتن مفاعلن فَعِلان
اگر آپ میرا بحر خفیف والا مضمون دیکھیں تو اس میں ایک ہی غزل میں یا ایک ہی شعر میں مختلف اوزان باندھنے کی کئی ایک مثالیں اساتذہ کے کلام سے موجود ہیں۔
جب بھی کسی بحر میں کوئی رکن بدلتا ہے تو کلاسیکی عروض میں اسکا نام بھی بدل جاتا ہے مثلاً اوپر خفیف کے آٹھ اوزان میں نے لکھے، ان سب بحروں کا علیحدہ علیحدہ نام ہے لیکن عملی طور پر شاعری کیلیے بحروں کے نام یاد رکھنے کی ضرورت نہیں ہے ہاں اگر آپ ماہرِ علم عروض بننا چاہتے ہیں تو پھر ضروری ہے۔ شاعری کیلیے فقط اتنا علم کافی ہے کہ کس بحر میں کون کون سے وزن اکھٹے استعمال ہو سکتے ہیں۔
متقارب سالم فعولن فعولن فعولن فعولن کا ایک اور مزاحف وزن ہے فعولن فعولن فعولن فَعِل، یہ نہ صرف ایک علیحدہ بحر ہے بلکہ اسکا نام بھی علیحدہ ہے اور ان دونوں اوزان کو ایک ہی شعر یا ایک ہی غزل میں جمع کرنے کی اجازت نہیں ہے۔
ایم اے راجا
محفلین
بہت شکریہ وارث صاحب
مرکب بحور سے کیا مراد ہے ؟
مرکب بحور سے کیا مراد ہے ؟
محمد وارث
لائبریرین
مفرد بحر وہ ہوتی ہے جس میں ایک ہی رکن کی تکرار ہو، مثلاً ہزج مثمن سالم مفاعیلن مفاعیلن مفاعیلن مفاعیلن یا متقارب مثمن سالم فعولن فعولن فعولن فعولن۔
مرکب بحر وہ بحر ہوتی ہے جس میں مختلف ارکان ہوں، جیسے مجتث کی مزاحف شکل مفاعلن فعلاتن مفاعلن فعلن یا خفیف فاعلاتن مفاعلن فعلن وغیرہ۔
سالم بحر وہ ہوتی ہے جس کے اصلی رکن میں کوئی تبدیلی نہ ہوئی ہو جیسے ہزج مثمن سالم مفاعیلن مفاعیلن مفاعیلن مفاعیلن یا کامل متفاعلن متفاعلن متفاعلن متفاعلن وغیرہ۔
مزاحف بحر وہ ہوتی جسے میں اصلی رکن کسی زخاف کی وجہ سے بدل گیا ہو، جیسے ہزج سالم مفاعیلن چار بار سے ہزج مقبوض مفاعلن چار بار یا ہزج اشتر مفعول مفاعیلن مفعول مفاعیلن یا ہزج مسدس سالم مفاعیلن مفاعیلن مفاعیلن ﴿جو کہ اردو میں استعمال نہیں ہوتی﴾ سے ہزج مسدس محذوف مفاعیلن مفاعیلن فعولن، وغیرہ وغیرہ۔
ایم اے راجا
محفلین
آپ نے فرمایا ہزج مسدس سالم اردو میں استعمال نہیں ہوتی، کیا اس میں شعر کہنا ٹھیک نہیں؟
میں نے اس میں ایک غزل کہی تھی۔ محبت سے کنارہ کر لیا جائے۔
مستفعِلن فعلن، کیا یہ بحر ٹھیک ہے اور اس کا نام کیا ہے؟
میں نے اس میں ایک غزل کہی تھی۔ محبت سے کنارہ کر لیا جائے۔
مستفعِلن فعلن، کیا یہ بحر ٹھیک ہے اور اس کا نام کیا ہے؟
محمد وارث
لائبریرین
ہزج مسدس سالم بحر تو موجود ہے، اردو میں، جیسا لکھا کہ استعمال نہیں ہوتی، ہاں اگر کوئی استعمال کر بھی لے تو کیا کہا جا سکتا ہے
لیکن کوشش یہی ہونی چاہیے کہ مستعمل بحور ہی میں کہا جائے۔مستفعلن فعلن میری نظروں سے تو نہیں گزری، شاید موجود بھی ہو، بحر الفصاحت دیکھنی پڑے گی۔
ایم اے راجا
محفلین
ایک شاعر دوست نے مجھے اپنی کتاب بھیجی تھی اس میں یہ بحر تھی، میں نے پوچھا تو اس نے یہ بحر بتائی لیکن نام سے وہ بھی واقف نہیں۔
ایم اے راجا
محفلین
وارث صاحب مجھےآپکے جواب کا انتظار ہے، شکریہ
ایم اے راجا
محفلین
میں شکر گذار ہوں، آپ نے تکلیف فرمائی، شاید یہ بحر اس دوست کی اپنی ہی ترتیب دی ہوئی ہے
ایم اے راجا
محفلین
نیا سوال یہ ہیکہ سب سے چھوٹی (مختصر ) بحر کون سی ہے اور اسکے افاعیل کیا ہیں ؟
محمد وارث
لائبریرین
راجا صاحب، کسی ایک بحر کے متعلق کہنا تو شاید مشکل ہو لیکن ظاہر ہے کہ جس بحر میں کم ارکان ہونگے وہ چھوٹی ہوگی اس لحاظ سے تمام مسدس بحریں (ایک مصرعے میں تین ارکان والی) چھوٹی ہوتی ہیں۔
انکے علاوہ مربع بحریں بھی ہوتی ہیں اور وہ ان مسدس بحروں سے بھی چھوٹی ہوتی ہیں، ان مربع بحروں کے ایک مصرعے میں صرف دو رکن ہوتے ہیں مثلاً ہزج مربع سالم مفاعیلن مفاعیلن وغیرہ لیکن مربع بحریں اردو میں بہت کم استعمال ہوتی ہیں۔
زلفی شاہ
لائبریرین
ایم اے راجا
محفلین
شکریہ وارث صاحب