اللہ کے محبوبِ طرحدار کا چہرہ

[الف نظامی]

اللہ کے محبوبِ طرحدار کا چہرہ
خلاق کا شہ کار ہے سرکار کا چہرہ

یادِ رخِ جاناں ہی سے فرصت نہیں ملتی
ہم نے کبھی دیکھا نہیں اغیار کا چہرہ

سائل کو ضرورت نہیں اُس در پہ صدا کی
پڑھ لیتے ہیں سرکار طلب گار کا چہرہ

واللیل کا مفہوم ہے زلفِ شہ خوباں
والشمس ہے اللہ کے دلدار کا چہرہ

خالی رہا دامانِ طلب عمر بھر اُن کا
تکتے رہے نادان جو اغیار کا چہرہ

کیا خوب گھڑی ہوگی ، پسِ مرگ جب عاشق
دیکھیں گے لحد میں شہ ابرار کا چہرہ

لو ہوگئے ، سر گرمِ شفاعت وہ سرِ حشر
نظروں میں ہے ، ایک ایک گنہگار کا چہرہ

امت کے لیے مرحلہء حشر ہے آساں
ہے سامنے امت کے نگہدار کا چہرہ

آقا ٖ نے کیا حشر میں مجھ پر کرمِ خاص
نیکوں میں نمایاں تھا گنہگار کا چہرہ

کیا شانِ عطا ہے کہ ثناخوانوں میں ان کے
لکھا گیا طارق سے گنہگار کا چہرہ

(طارق سلطانپوری)
​

 

[الشفاء]

واہ۔ سبحان اللہ۔۔۔
نظروں میں سمایا شہ ابرار کا چہرہ
محبوب خدا احمد مختار کا چہرہ۔

 

[ابو المیزاب اویس]

فروغِ نعت کے نویں شمارے میں یہ کلام ابھی چند دن قبل ہی پڑھا، یہاں دوبارہ پڑھ کر خوشی ہوئی۔ جزاک اللہ آمین

 

[اکمل زیدی]

سبحان اللہ

 

[الف نظامی]

متعلقہ:
بے مثل ہے کونین میں سرکار کا چہرہ

 

[پراچہ]

سبحان اللہ کیا خوبصورت کلام ہے

 

[الف نظامی]

بازگشت!

 

[رومانہ چوہدری]

سبحان اللہ۔ شاندار کلام ہے

خالی رہا دامانِ طلب عمر بھر اُن کا
تکتے رہے نادان جو اغیار کا چہرہ

فکر انگیز

 

[الف نظامی]

کیا خوب گھڑی ہوگی ، پسِ مرگ جب عاشق
دیکھیں گے لحد میں شہ ابرار کا چہرہ​

 

[سیما علی]

سبحان اللّہ
سبحان اللّہ