انبر سانجھا، دھرتی سانجھی ۔ غزل ۔ اللہ دتہ جوگی جہلمی

[اوشو]

غزل

انبر سانجھا، دھرتی سانجھی ، سانجھے نے ایہہ سارے لوک
کیوں نئیں گل گلوکڑی پاندے، کیڈے نے مت مارے لوک

نہ اُہ آپوں، نہ سنیہا، نہ کوئی چٹھی گھلدے نیں
جیہڑے چپ چپیتے ایتھوں ٹر گئے پار کنارے لوک

لہندا، چڑھدا، دکھن، پربت، انبر، دھرتی تیرے نیں
خود مختاری رہ گئی کاہدی پنجرے وچ نے سارے لوک

اج توڑیں تھانہہ تھلا اوہدا نہ لبھا نہ لبھنا اے
بڑے بڑے ایس شوہ دے اندر ٹُبیاں لا لا ہارے لوک

موت فرشتے دے متھے تے مفت لگی بدنامی اے
اس شوہدے دے نالوں جوگی لوکاں بہتے مارے لوک

مُندراں۔ اللہ دتہ جوگی جہلمی

-×-×-×-×-×-×-×-×-×-×-×-×-×-×-×-×-×-×-×-×-×-×-

​

 

[اوشو]

انتظامیہ اگے بینتی اے بئی پنجابی شعراء کرام دی لسٹ وچ "اللہ دتہ جوگی جہلمی" دا نام وی شامل کیتا جائے۔ میں کوشش کراں گا ایہناں دا مزید کلام وی ایتھے لکھن دی۔
شکریہ

 

[الف نظامی]

لاجواب!

 

[نایاب]

بہوں سچا کلام
اج توڑیں تھانہہ تھلا اوہدا نہ لبھا نہ لبھنا اے
بڑے بڑے ایس شوہ دے اندر ٹُبیاں لا لا ہارے لوک
ڈھیردعاواں

 

[تلمیذ]

نہ اُہ آپوں، نہ سنیہا، نہ کوئی چٹھی گھلدے نیں
جیہڑے چپ چپیتے ایتھوں ٹر گئے پار کنارے لوک

بڑا ای سُچا کلام اے جوگی ہوراں دا۔ شکریہ ملک صاحب۔
ایہہ تے ساہڈے پیر فضل گجراتی مرحوم ہوری دونویں پوٹھوہار دے مشہور شاعر احمد علی سائیں ہوراں دے شگرد ساہن۔ میرے کول سائیں ہوراں دے بیتاں دا اک نکا جیہا مجموعہ کدھرے پیا ہویا اے۔ میں لبھ کے اونہاں دے کچھ بیت ایتھے لکھا ں گا۔

 

[اوشو]

نہ اُہ آپوں، نہ سنیہا، نہ کوئی چٹھی گھلدے نیں
جیہڑے چپ چپیتے ایتھوں ٹر گئے پار کنارے لوک

بڑا ای سُچا کلام اے جوگی ہوراں دا۔ شکریہ ملک صاحب۔
ایہہ تے ساہڈے پیر فضل گجراتی مرحوم ہوری دونویں پوٹھوہار دے مشہور شاعر احمد علی سائیں ہوراں دے شگرد ساہن۔ میرے کول سائیں ہوراں دے بیتاں دا اک نکا جیہا مجموعہ کدھرے پیا ہویا اے۔ میں لبھ کے اونہاں دے کچھ بیت ایتھے لکھا ں گا۔

ساہنوں اڈیک رہوے گی جناب

 

[شمشاد]

بڑا ہی سوہنا تے سچا کلام ہے۔
شریک محفل کرنے کا شکریہ۔

 

[سید شہزاد ناصر]

بہت ودہیا کلام
ہسدے وسدے رہو

 

[الشفاء]

پنجرے وچ نے سارے لوک۔۔۔واہ۔

عمدہ انتخاب۔۔۔

 

[سید زبیر]

 

[x boy]

زبردست

 

[نیرنگ خیال]

اج توڑیں تھانہہ تھلا اوہدا نہ لبھا نہ لبھنا اے
بڑے بڑے ایس شوہ دے اندر ٹُبیاں لا لا ہارے لوک

موت فرشتے دے متھے تے مفت لگی بدنامی اے
اس شوہدے دے نالوں جوگی لوکاں بہتے مارے لوک

واہ ملک صاب۔۔۔ کیڈا سوہنا تے سچا کلام اے۔۔۔۔ شکریہ تہاڈا۔۔۔ مزا آگیا قسمیں۔۔۔

 

[نجم نظامی]

کیوں کعبے تے بت خانے دی پابندی جوگی گل پا لاں
میں جس تھاں متھا ٹیک دیاں اوہ تیرا دوارا ہو جاندا

 

[ابو ہاشم]

ودھیا کلام
سطر بہ سطر اردو ترجمہ ہو جاوے تاں بہوں فیدہ ہووے

 

[جاسمن]

نہ اُہ آپوں، نہ سنیہا، نہ کوئی چٹھی گھلدے نیں
جیہڑے چپ چپیتے ایتھوں ٹر گئے پار کنارے لوک

بڑا ای سُچا کلام اے جوگی ہوراں دا۔ شکریہ ملک صاحب۔
ایہہ تے ساہڈے پیر فضل گجراتی مرحوم ہوری دونویں پوٹھوہار دے مشہور شاعر احمد علی سائیں ہوراں دے شگرد ساہن۔ میرے کول سائیں ہوراں دے بیتاں دا اک نکا جیہا مجموعہ کدھرے پیا ہویا اے۔ میں لبھ کے اونہاں دے کچھ بیت ایتھے لکھا ں گا۔

نہ اُہ آپوں، نہ سنیہا، نہ کوئی چٹھی گھلدے نیں
جیہڑے چپ چپیتے ایتھوں ٹر گئے پار کنارے لوک
ایہہ شعر تے ہن تھاڈے لئی اے سر جی!

 

[جاسمن]

ودھیا کلام۔

 

[سیما علی]

بہت اعلیٰ