انٹرویو انٹرویو وِد رضوان

[امن ایمان]

انٹرویو ود رضوان​

رضوان صاحب اردو محفل پر کسی تعارف کے محتاج نہیں ہیں۔آپ جناب زکریا،نبیل، آصف صاحب سے لےکر محب،ظفری،شمشاد چاء،قیصرانی تک سب کی گڈ بکس میں ہیں۔ رضوان صاحب اردو محفل پر“تاریخی قسم “کی اہمیت رکھتے ہیں۔ تاریخی قسم کی اہمیت وہ ہوتی ہے جو انسان کو اس کی غیر موجودگی میں بھی اتنے ہی عزت و احترام سے ملتی رہتی ہے جتنی اس کے ہونے پر بھی شاید نہ ملتی (یہ سراسر میری اپنی اصطلاح ہے) لیکن ہے سچ بات

رضوان صاحب کی پوسٹس کے حوالے سے اگر بات کی جائے تووہ بہت بذلہ سنج،ہنسنے ہنسانے والے، خوش گفتار سے لگے ہیں لیکن پتہ نہیں کیوں مجھے جیسا وہ لکھتے ہیں ویسے لگتے نہیں ہیں۔مجھے بہت دبنگ سے بہت سیرئس سے لگتے ہیں۔

رضوان صاحب ویسے تو یہاں سب کے دوست ہیں لیکن محب اور ظفری کے ساتھ تعلقات کچھ زیادہ دوستانہ ہے اور اسی وجہ سے انہیں اردو محفل کی تکون کہا جاتا ہے جو جہاں جس رکن کے خلاف بن جائے پھر اس کی خیر باقی نہیں رہتی۔ مجھے یاد ہے کہ جب میں نے محفل جائن کی تو میرے نک امن اور ایمان اور پھر میری سدا بہار اردوکو لے کر انہوں نے مجھے اچھا خاصا تپا دیا تھا

انٹرویو ود رضوان میں یہ جاننے کی کوشش کرتے ہیں کہ وہ واقعی میں سنجیدہ قسم کی شخصیت ہیں یا صرف تاثر دیتے ہیں۔

سوالات کا آغاز۔۔!

ہ آپ کا پورا نام؟

ہ اردو محفل کا کب اور کیسے پتہ چلا؟

ہ کچھ یاد ہے محفل پر پہلا دن کیسا گزرا؟

ہ اس فورم کے علاوہ انٹرنیٹ پر آپ کے مشاغل؟

ہ کسی اور فورم کے رکن بھی ہیں یا نہیں؟

ہ اردو محفل پر کتنے لائبریری پراجیکٹس میں حصہ لیا؟

ہ آپ کے کریڈیٹ پر کوئی خاص پراجیکٹ جس کی تکمیل سے بے پناہ خوشی ملی ہو؟

ہ آپ کی ماشاءاللہ دوہزار سے زیادہ پوسٹس ہیں لیکن بظاہر دیکھنے میں آپ بہت کم کم لکھتے ہیں۔یہ بتائیں کہ فورم کا کوئی خاص سیکشن اور کوئی خاص موضوع جس پر آپ نے دل کھول کرپوسٹ اور اظہار خیال کیا ہو؟

ہ اردو ٹائپنگ پہلے سے آتی تھی یا محفل پر آنے کے بعد سیکھی؟

ہ آپ نے بلاگنگ بھی شروع کردی،یہ بتائیں کہ بلاگ کا نام سراب کیوں رکھا؟

 

[محب علوی]

امن تم نے بہت دلچسپ مگر بار بار غچہ دے جانے والی شخصیت کا انتخاب کیا ہے انٹر ویو کے لیے ، یقینا بہت لطف رہے گا گو رضوان اپنی عادت اور مصروفیت کی بنا پر جھلک دکھا کر چھپ جایا کرے گا۔ آجکل موڈیم خراب ہے اور نیٹ کیفے سے میل بھیجی جا رہی ہیں ، امید ہے کہ جلد ہی محفل پر ہوں گے ویسے حقیقت میں بھی رضوان بہت خوش مزاج اور ہنس مکھ شخصیت ہیں ۔

رضوان نے پہلے پہل مجھے بھی چھیڑا تھا اور آتے جاتے جملے لگا جایا کرتے تھے جس کا لطف آتا رہتا تھا۔ بہت حقیقت شناس ہیں اسی وجہ سے اپنے بلاگ کا نام سراب رکھا ہے

 

[سیدہ شگفتہ]

ہاں واقعی رضوان بھائی کے جملے بہت دلچسپ ہوتے ہیں اور بے ساختہ ۔

 

[رضوان]

(امن بہت معذرت تاخیر کی! اول تو محب نے مطلع کردیا کہ کنکشن ہی نہیں تھا پھر صبح سے ایسا کنکشن تھا گویا فالج کا مریض سب کو دیکھ رہا ہے باتیں سُن رہا ہے مگر خود کچھ کہنے سے معذور یعنی اپ لوڈ کچھ نہیں ہورہا تھا۔ اب امید ہے کہ سلسلہ چلتا رہے گا بشرطِ زندگی و صحت)

رضوان صاحب اردو محفل پر کسی تعارف کے محتاج نہیں ہیں۔آپ جناب زکریا،نبیل، آصف صاحب سے لےکر محب،ظفری،شمشاد چاء،قیصرانی تک سب کی گڈ بکس میں ہیں۔ رضوان صاحب اردو محفل پر“تاریخی قسم “کی اہمیت رکھتے ہیں۔ تاریخی قسم کی اہمیت وہ ہوتی ہے جو انسان کو اس کی غیر موجودگی میں بھی اتنے ہی عزت و احترام سے ملتی رہتی ہے جتنی اس کے ہونے پر بھی شاید نہ ملتی (یہ سراسر میری اپنی اصطلاح ہے) لیکن ہے سچ بات

رضوان صاحب کی پوسٹس کے حوالے سے اگر بات کی جائے تووہ بہت بذلہ سنج،ہنسنے ہنسانے والے، خوش گفتار سے لگے ہیں لیکن پتہ نہیں کیوں مجھے جیسا وہ لکھتے ہیں ویسے لگتے نہیں ہیں۔مجھے بہت دبنگ سے بہت سیرئس سے لگتے ہیں۔

رضوان صاحب ویسے تو یہاں سب کے دوست ہیں لیکن محب اور ظفری کے ساتھ تعلقات کچھ زیادہ دوستانہ ہے اور اسی وجہ سے انہیں اردو محفل کی تکون کہا جاتا ہے جو جہاں جس رکن کے خلاف بن جائے پھر اس کی خیر باقی نہیں رہتی۔ مجھے یاد ہے کہ جب میں نے محفل جائن کی تو میرے نک امن اور ایمان اور پھر میری سدا بہار اردوکو لے کر انہوں نے مجھے اچھا خاصا تپا دیا تھا

انٹرویو ود رضوان میں یہ جاننے کی کوشش کرتے ہیں کہ وہ واقعی میں سنجیدہ قسم کی شخصیت ہیں یا صرف تاثر دیتے ہیں۔
امن آپکی تمہید سے ایک بات بڑی عیاں ہوگئی، اس سے قبل میں یہ سمجھتا تھا کہ جس کی تعریف ہورہی ہے واقعی یہ سب اوصاف اسکی شخصیت میں موجود ہوں گے لیکن ساتھ ہی شبہ سا رہتا تھا اب یقین ہوگیا ہے کہ یہ خالی پھونکیں مار کر غبارہ پھُلایا جاتا ہے تاکہ نقش و نگار واضح ہو جائیں۔ اب جن جن کی تعریف میں آپ نے زمین و آسمان کے قلابے ملائے تھے ( خصوصًا دو) ان کی قلعی بھی مجھ پر تو کھُل ہی گئی ہے کہ مَن آنم و من دانم

سوالات کا آغاز۔۔!

ہ آپ کا پورا نام؟
رضوان نور
ہ اردو محفل کا کب اور کیسے پتہ چلا؟

گوگل سے ہی شاید اردو سائیٹس کی تلاش کے دوران اس پڑاؤ اور یہاں سے چلتے کاروان کا علم ہوا بس تب سے اپنی بے سری ڈفلی بجاتے ساتھ ساتھ چلے جارہے ہیں۔

ہ کچھ یاد ہے محفل پر پہلا دن کیسا گزرا؟

پرانے پیغامات پڑھتے ہوئے ان پیغامات سے شخصیات کا خاکہ تراشتے ہوئے پہلا دن گزرا۔ اُن دنوں ڈاکٹر افتخار راجہ۔۔۔۔ اور شارق مستقیم فورم پر بھی خاصے فعال تھے اور نبیل بھی گپ شپ میں موجود رہتے تھے شمشاد بھائی، بوچھی اور ماوراء نے چھانا شروع کردیا تھا۔ پہلا پیغام لکھنے سے پہلے کئی دفعہ سوچا کیونکہ یہ فورم مجھے سنجیدہ اور ذمہ دار لوگوں کی نٹ کھٹ سی محفل لگی۔ بالکل ویسے ہی جیسے کوئی اہم سنجیدہ امور انجام دینے والے دوست جب ٹی بریک، ریکریشن روم یا کلب میں اکٹھے ہوں اور باہمی ہنسی مزاق سے کام کا تناؤ (برڈن) کم کریں اور ساتھ ہی نئے آئیڈیاز بھی شیئر کریں۔
پہلا پیغام مجھے یاد پڑتا ہے کہ ابن صفی کے متعلق کسی دھاگے پر لکھا تھا شاید!
ہ اس فورم کے علاوہ انٹرنیٹ پر آپ کے مشاغل؟
اپنے شعبے کے متعلق یعنی آئل و گیس کے متعلق معلومات شیئر کرنا۔ نئی جابس تلاش کرنا، بچوں کی تعلیم کے حوالے سے تلاش بسیار، سیر و سیاحت کی سائٹس اور ای میلز لیکن بہت ہی کم۔
ہ کسی اور فورم کے رکن بھی ہیں یا نہیں؟
ممبر بنا تھا مگر اب نہیں ہوں بلکہ اب تو وہ سائٹس بھی یاد نہیں ہیں۔
محفل ہی کافی وشافی ہے۔

ہ اردو محفل پر کتنے لائبریری پراجیکٹس میں حصہ لیا؟
بولتا زیادہ رہا (محب کی طرح) اس وجہ سے محسوس یہ ہوا کہ شاید میں کئی ایک جگہ پر تیر اندازی کر رہا ہوں لیکن تیر کوئی نہیں مارا!

ہ آپ کے کریڈیٹ پر کوئی خاص پراجیکٹ جس کی تکمیل سے بے پناہ خوشی ملی ہو؟
کریڈٹ کا کیا سوال ؟ یہاں تو سب ڈیبیٹ ہی ڈیبیٹ ہے سارا بہی کھاتہ میرے ذمے یاروں کا بیاج ثابت کرتا ہے۔ ایسے میں یہی خوشی ہے کہ نیا قرضہ مِل جاتا ہے( آج کل پروف ریڈنگ کی قسطیں ادا کرنے کی کوشش ہے)

ہ آپ کی ماشاءاللہ دوہزار سے زیادہ پوسٹس ہیں لیکن بظاہر دیکھنے میں آپ بہت کم کم لکھتے ہیں۔یہ بتائیں کہ فورم کا کوئی خاص سیکشن اور کوئی خاص موضوع جس پر آپ نے دل کھول کرپوسٹ اور اظہار خیال کیا ہو؟
گپ شپ۔ کون آنیوالا ہے کب آنیوالا ہے( ڈاکٹرافتخار راجہ نے بھی لیڈی ڈاکٹروں والے دھاگے شروع کیے تھے)، باقی شعرو سخن میں کیونکہ یاداشت چشم بد دور ایسی پائی ہے کہ بیوی نے اگر دھنیا لینے بھیجا (جو وہ خود بھول آئی تھیں) تو ٹماٹر لیکر آگئے۔

ہ اردو ٹائپنگ پہلے سے آتی تھی یا محفل پر آنے کے بعد سیکھی؟
میری یہ نا اہلی ہی ہے کہ محفل پر آکر بھی نہیں سیکھ پایا پہلے کا تو سوال ہی پیدا نہیں ہوتا۔

ہ آپ نے بلاگنگ بھی شروع کردی،یہ بتائیں کہ بلاگ کا نام سراب کیوں رکھا؟
اس کے لیے خاصا فلسفہ بھِگارنا پڑیگا جب آنچ ذرا تیز ہوگی تو بِگھار لیں گے اسوقت کُر کُرا پن (کرسپ) نہیں آئیگا بس سارا فلسفہ لجلجا سا ہوجائیگا اس لیے اس کا جواب مناسب وقت کے لیے اُٹھا رکھتے ہیں۔

 

[رضوان]

ہاں واقعی رضوان بھائی کے جملے بہت دلچسپ ہوتے ہیں اور بے ساختہ ۔

شکریہ سیدہ شگفتہ باوجود اس تیقن کے کہ آپ کسی بھی بات کو سرسری نہیں دیکھتیں پھر بھی آپ کی جانب سے دھڑکا ہی لگا رہتا تھا۔

 

[امن ایمان]

امن آپکی تمہید سے ایک بات بڑی عیاں ہوگئی، اس سے قبل میں یہ سمجھتا تھا کہ جس کی تعریف ہورہی ہے واقعی یہ سب اوصاف اسکی شخصیت میں موجود ہوں گے لیکن ساتھ ہی شبہ سا رہتا تھا اب یقین ہوگیا ہے کہ یہ خالی پھونکیں مار کر غبارہ پھُلایا جاتا ہے تاکہ نقش و نگار واضح ہو جائیں۔ اب جن جن کی تعریف میں آپ نے زمین و آسمان کے قلابے ملائے تھے ( خصوصًا دو) ان کی قلعی بھی مجھ پر تو کھُل ہی گئی ہے کہ مَن آنم و من دانم

خوش آمدید رضوان صاحب!
آپ کی اس بات پر میرا دل تو چاہ رہا تھا کہ انتہائی غصہ والا، برا سا جواب لکھوں لیکن بس۔۔۔خیر چھوڑیں۔میں نے جس ممبر سے بات کرنی ہوتی ہے۔۔ان کی کچھ پوسٹ نظر میں رکھتی ہوں۔۔جرنلی ان کا بے ہیو نوٹ کرتی ہوں۔۔باقی لوگوں کا ان سے برتاؤ دیکھتی ہوں اور پھر مجھے جو محسوس ہوتا ہے ۔۔لکھ دیتی ہوں۔یہ سب جو میں لکھتی ہوں extempore ہوتا ہے۔۔اور پوری سچائی سے کیا گیا تجزیہ بھی۔ آپ اگر نہیں مان رہے تو کوئی بات نہیں۔۔۔مجھے باقی اراکین کا فیڈ بیک چاہیے ہوتا ہے۔۔جیسے شکفتے نے میری بات کی تصدیق کی۔۔آپ نہیں مان رہے نا سہی۔۔۔۔

پہلے آپ کے جوابات پر ایک نظر۔۔۔

پرانے پیغامات پڑھتے ہوئے ان پیغامات سے شخصیات کا خاکہ تراشتے ہوئے پہلا دن گزرا۔

واوؤؤوو بہت خوب۔۔تو آپ بھی یہ کام کرتے ہیں۔ (اس بارے میں بات بعد میں کروں گی)

کریڈٹ کا کیا سوال ؟ یہاں تو سب ڈیبیٹ ہی ڈیبیٹ ہے سارا بہی کھاتہ میرے ذمے یاروں کا بیاج ثابت کرتا ہے۔ ایسے میں یہی خوشی ہے کہ نیا قرضہ مِل جاتا ہے( آج کل پروف ریڈنگ کی قسطیں ادا کرنے کی کوشش ہے)

چلیں آپ یہ بتا دیں کہ کچھ یاد ہے اردو لائبریری کے کن کن پراجیکٹس میں حصہ لیا۔


گپ شپ۔ کون آنیوالا ہے کب آنیوالا ہے( ڈاکٹرافتخار راجہ نے بھی لیڈی ڈاکٹروں والے دھاگے شروع کیے تھے)، باقی شعرو سخن میں کیونکہ یاداشت چشم بد دور ایسی پائی ہے کہ بیوی نے اگر دھنیا لینے بھیجا (جو وہ خود بھول آئی تھیں) تو ٹماٹر لیکر آگئے۔


یاداشت کا یہ عالم ہے ۔۔پھر تویہ انٹرویو آپ کے لیے بہت معاون اور مددگار ثابت ہوگا۔۔۔مستقبل بعید میں اسے پڑھ کر اپنے بارے میں جانا کریں گے۔

میری یہ نا اہلی ہی ہے کہ محفل پر آکر بھی نہیں سیکھ پایا پہلے کا تو سوال ہی پیدا نہیں ہوتا۔
جی۔۔۔کیا مطلب۔۔؟؟؟؟ آپ پھر اردو کیسے لکھتے ہیں۔۔؟ میرا مطلب ہے کہ ٹائپنگ کیسے کرتے ہیں؟


اس کے لیے خاصا فلسفہ بھِگارنا پڑیگا جب آنچ ذرا تیز ہوگی تو بِگھار لیں گے اسوقت کُر کُرا پن (کرسپ) نہیں آئیگا بس سارا فلسفہ لجلجا سا ہوجائیگا اس لیے اس کا جواب مناسب وقت کے لیے اُٹھا رکھتے ہیں۔

اس بار تو آپ کی بات مان رہی ہوں۔۔لیکن آئندہ آپ کو سارے فلیورز کے ساتھ آنا پڑے گا۔۔کیونکہ مجھے خود پتہ نہیں ہوتا کہ میں کب کیا سوال لکھ دوں۔۔اس لیے ابھی سے میٹھا نمکین مکس کرکے کھانے کی عادت ڈال لیں۔۔باقی اسے ُ کرکرا یا کِرکرا آپ کا یا میرا موڈ خود ہی بنا دے گا۔

اچھا جی مزید کچھ سوالات۔۔

ہ آپ نے تعلیم کہاں تک حاصل کی؟

ہ کن کن اداروں میں زیرتعلیم رہے؟

ہ پاکستان کے کس شہر سے آپ کا تعلق ہے اور مستقلا کہاں رہائش پذیر ہیں؟

ہ آپ نے آئل اینڈ گیس کے شبعے کی بات کی۔۔آپ کی جاب نیچر کیا ہے؟

ہ کچھ اپنے فیملی بیک گراؤنڈ کے بارے میں بتائیں؟

 

[رضوان]

خوش آمدید رضوان صاحب!
آپ کی اس بات پر میرا دل تو چاہ رہا تھا کہ انتہائی غصہ والا، برا سا جواب لکھوں لیکن بس۔۔۔خیر چھوڑیں۔میں نے جس ممبر سے بات کرنی ہوتی ہے۔۔ان کی کچھ پوسٹ نظر میں رکھتی ہوں۔۔جرنلی ان کا بے ہیو نوٹ کرتی ہوں۔۔باقی لوگوں کا ان سے برتاؤ دیکھتی ہوں اور پھر مجھے جو محسوس ہوتا ہے ۔۔لکھ دیتی ہوں۔یہ سب جو میں لکھتی ہوں extempore ہوتا ہے۔۔اور پوری سچائی سے کیا گیا تجزیہ بھی۔ آپ اگر نہیں مان رہے تو کوئی بات نہیں۔۔۔مجھے باقی اراکین کا فیڈ بیک چاہیے ہوتا ہے۔۔جیسے شکفتے نے میری بات کی تصدیق کی۔۔آپ نہیں مان رہے نا سہی۔۔۔۔

ابھی سے ہمت چھوڑ بیٹھی ہو امن آگے جاکر کیا ہوگا؟
مجھے جو محسوس ہوا میں نے اظہار کردیا۔ آپ نے غصہ پی لیا جو حرام ہوتا ہے چلو اللہ بڑا رحیم و کریم ہے۔

 

[تیشہ]

ویلکم،

 

[الف عین]

کیا رضوان۔ ہماری ہی لائن کے آدمی ہو، میرا مطلب جیالوجی سے ہے!! یہاں تیل اور گیس کو تو ہم لوگ دوسرے شعبے آئل انڈ نیچرل گیس کمیشن کے سپرد کر چکے ہیں، معدنی پانی کو سنٹرل گراؤنڈ واٹر بورڈ میں اور محض دوسرے معدنیات اور بنیادی ارضیات پر کام کرتے ہیں پمارے جیولوجیکل سروے آف انڈیا میں۔

 

[رضوان]

شکریہ بوچھی

 

[رضوان]

کیا رضوان۔ ہماری ہی لائن کے آدمی ہو، میرا مطلب جیالوجی سے ہے!! یہاں تیل اور گیس کو تو ہم لوگ دوسرے شعبے آئل انڈ نیچرل گیس کمیشن کے سپرد کر چکے ہیں، معدنی پانی کو سنٹرل گراؤنڈ واٹر بورڈ میں اور محض دوسرے معدنیات اور بنیادی ارضیات پر کام کرتے ہیں پمارے جیولوجیکل سروے آف انڈیا میں۔

جی اعجاز صاحب محبت ہے آپ کی
میرا تعلق ڈاؤن اسٹریم پراسسنگ یعنی ریفائنری اور گیس پلانٹ سے ہے۔
یہاں پاکستان میں بھی تمام شعبے الگ الگ اور خودمختار ہیں۔ ویسے بھی وزیر اتنے زیادہ ہیں کہ انکے لیے نئے نئے محکمے نکالنے ہی پڑتے ہیں۔

 

[امن ایمان]

یہ آپ اتنے دنوں کے بعد آئے ہیں اور پھر بھی صرف دو جوابات لکھ کر چلے گئے ہیں۔۔

جی نہیں۔۔میں نے کوئی ہمت نہیں ہاری ہے۔ غصہ اس لیے پی لیا کہ پھر آپ نے ہی کہنا تھا افففف کتنی بدتمیز لڑکی ہے۔ m غصہ حرام ہوتا ہے لیکن پی جانے پر ثواب ملتا ہے۔

 

[رضوان]

اپنے بلاگ کا نام "سراب" کیوں رکھا؟ بلاگ کا نام سراب سے بہتر سوجھ ہی نہیں رہا تھا (جتنی بندے کی سوجھ بوجھ ہوگی اتنی ہی سوچے گا)۔
دور دیس میں جا بسنے والے لوگ جب محنت مشقت کر کے تھوڑے سکھی ہو جاتے ہیں تو انہیں پلٹ کر دیکھنے کا خیال آتا ہے اس سمے انہیں اپنی ساری مشقتیں اور کلفتیں بھول جاتیں ہیں وہ دکھ اور مصیبتیں جو ماضی میں اپنے دیس میں اٹھائی ہوتی ہیں وہ سب ہیچ ہوجاتی ہیں میڈیا اور اخبارات اس اگنی پر مزید تیل چھڑکتے ہیں کہ وطن میں اب سب ہرا ہرا ہی ہے ساون کے اندھے کو گھر لوٹ آنا چاہیے۔ یہ پردیسی اپنے وطن کو سال دو سال بعد کی تعطیلات میں اسی طرح سے دیکھتے ہیں جیسے جون جولائی کی جلتی بلتی دوپہر میں صحرا کو ایرکنڈیشنڈ گاڑی کے شیشوں سے دیکھا جائے تو ہر منظر سہانا سا لگتا ہے اور بندہ اپنے آپ کو “میکناز گولڈ“ کے لینڈ سکیپ میں محسوس کرتا ہے۔ وطن میں اپنی تعطیلات کے دوران دوستوں رشتہ داروں سے بھی کسی نا کسی تقریب کے حوالے سے ملاقات ہوتی ہے اس لیے سبکو سٹار پلس کے ڈراموں کی طرح ہر وقت ہنستا گاتا محسوس کرتے ہیں۔ پردیسی کو یوں لگتا ہے گویا میرے یہاں سے جانے کی دیر تھی اور جیسے میرے دِن پھرے ہیں اسی طرح یہاں بھی سب کی موج ہورہی ہے۔
پردیس میں واپس جاکر اسی ناسٹلجیا کا دورہ وقتًا فوقتًا پڑتا ہی رہتا ہے۔ پردیس میں کانٹا بھی چبھے تو وطن کی سُنبل شدت سے یاد آنے لگتی ہے۔ پردیس میں بسنے والے رفتہ رفتہ اس نشے کے عادی ہوجاتے ہیں ٹھنڈے سانس کھینچتے ہیں اور گزرے سمے میں لوٹنے کی سعی کرتے ہیں اور بقول مشتاق احمد یوسفی
“ ان کا اصل مرض ناسٹلجیاء ہے- زمانی اور مکانی، انفرادی اور اجتماعی- جب انسان کو ماضی، حال سے زیادہ پُرکشش نظر آنے لگے اور مُستقبل نظر آنا ہی بند ہوجائے تو باور کرنا چاہیے کہ وہ بوڑھا ہوگیا ہے- یہ بھی یاد رہے کہ بُڑھاپے کا یہ جوانی لیوا حملہ کسی بھی عمر میں ----- بالخصوص بھری جوانی میں ----- ہوسکتا ہے- اگر افیم یا ہیروئن دستیاب نہ ہو تو پھر اسے یادِماضی اور فینٹسی میں، جو تھکے ہاروں کی آخری پناہ گاہ ہے، ایک گونہ سر خوشی محسوس ہوتی ہے۔ جیسے کچھ حوصلہ مند اور جفا کش لوگ اپنے زورِ بازو سے اپنا مستقبل بناتے ہیں، اسی طرح وہ زورِتخیل سے اپنا ماضی آپ بنا لیتا ہے۔ یادوں کا سِر شور دریا دشتِ امروز میں بہتے بہتے خواب سراب کے آبِ گم میں اتر جاتا ہے۔“
وطن سے دور جابسنے والوں کو بھی اسی سراب پر حقیقت کا دھوکہ ہوتا رہتا ہے جسکے زیرِ اثر بجائے یکسوئی سے آگے بڑھنے کے وہ ہر لمحے واپس لوٹنے کی سعئ میں لگ جاتے ہیں۔ اُن چھوٹے چھوٹے مسائل کو واپسی کا بہانہ بناتے ہیں جن پر کسی نہ کسی صورت قابو پایا جاسکتا ہے- واپس آجائیں تو اپنے آپ کو پھر دلدل میں گھِرا ہوا پاتے ہیں۔
میرا ارادہ تھا کہ مجھےجو حالات در پیش رہے انکا احوال لکھتا رہوں اسی لیے بلاگ کا نام “ سراب “ رکھا۔ ہاں یہ ضرور ہے کہ ہر شخص کے تجربات مختلف ہوتے ہیں اور اس حوالے سے نقطہ نظر بھی اپنا اپنا ہوتا ہے۔
ع ----------------- ضروری تو نہیں کہ سبکو ملے ایک سا جواب

 

[رضوان]

آپ نے تعلیم کہاں تک حاصل کی؟
ایف ایس سی میں ہی تھا کہ اپرینٹس شپ جوائن کر لی جو کہ تھیوری پریکٹیکل ملا کر تین سال کی تھی- اسی دوران ایف ایس سی اور پھر بعد میں بی -اے کیا۔

ہ کن کن اداروں میں زیرتعلیم رہے؟
میٹرک میں نے گورنمنٹ ہائی اسکول پےاےایف کورنگی کریک کراچی سے کیا۔ پہلی جس کلاس روم سے پڑھی گھومتے گھماتے دسویں کی کلاس بھی اسی کمرے میں ہوتی تھی ہمارے بعد وہ کمرہ ہی گرا دیا گیا۔
ایف ایس سی کراچی کے دوسرے کونے(اُسوقت) میں واقع اردو سائنس کالج سے کیا۔
بی اے پرائیویٹ کیا کراچی یونیورسٹی سے وہ بھی اکنامکس میں بری طرح رگڑا کھا کر۔

ہ پاکستان کے کس شہر سے آپ کا تعلق ہے اور مستقلا کہاں رہائش پذیر ہیں؟
یہ مشکل سوال ہے مستقل رہائش والی تو کوئی بات میری زندگی میں ہے نہیں- دادا پڑ دادا خوشاب (اب ضلع پہلے سرگودھا کی ایک تحصیل) سے تعلق رکھتے تھے۔ میں نے ہوش کراچی میں سنبھالا اور میرے ننھیال کراچی ہی میں رہتے ہیں اب والد صاحب اور بھائی بہن کراچی میں ہیں اور میری رہائش اسلام آباد میں ہے۔

ہ آپ نے آئل اینڈ گیس کے شبعے کی بات کی۔۔آپ کی جاب نیچر کیا ہے؟
ایک نیچرل گیس کے پلانٹ میں اسپیشلسٹ کم سپروائزر۔



ہ کچھ اپنے فیملی بیک گراؤنڈ کے بارے میں بتائیں؟
کچھ اوپر بتایا ہے جس سے “ کھُرا“ نکالا جاسکتا ہے۔ اس کے علاوہ میری فیملی میں پُشتوں سے کوئی بڑا آدمی پیدا نہیں ہوا سب بچے ہی پیدا ہوتے رہے۔
انتہائی غریب خاندان سے تعلق ہے لیکن قسمت کی دیوی کو رام کرنے کی کوششیں سب نے کیں سَن پینسٹھ تک میرے والد صاحب کا کاروبار نسبتًا اچھا تھا کچھ ٹرک وغیرہ بھی تھے پھر اللہ نے انہیں حافظ بنانا تھا اور ہم بہن بھائیوں کو تعلیم دلوانی تھی اس لیے انہوں نے اس زمانے کے کارپوریٹ بنک سے قرضہ لیا جسے وقت پر چکا نا پائے سب قیمتی چیزیں بِک جانے کے باوجود کچھ قرض باقی رہا جسے چکانے کے لیے کراچی آئے دن رات (محاورتًا نہیں حقیقتًا) محنت مزدوری کی اور 73 میں جب میں دوسری تیسری کلاس میں پڑھتا تھا اسوقت یہ تمام قرض بیباق کر کے بہی کھاتوں کو باقاعدہ آگ لگائی اور گاؤں میں مٹھائی بانٹی کہ اس سودی لعنت سے چھُٹکارہ مِلا۔
ننھیال والے مسجد و منبر سے متعلق ہیں دارالعلوم بنوری ٹاؤن سے گہرا تعلق ہے اور درس و تدریس سے وابستہ ہیں۔

 

[تیشہ]

اس کے علاوہ میری فیملی میں پُشتوں سے کوئی بڑا آدمی پیدا نہیں ہوا سب بچے ہی پیدا ہوتے رہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[امن ایمان]

اپنے بلاگ کا نام "سراب" کیوں رکھا؟]بلاگ کا نام سراب سے بہتر سوجھ ہی نہیں رہا تھا (جتنی بندے کی سوجھ بوجھ ہوگی اتنی ہی سوچے گا)۔

رضوان صاحب اتنا مفصل جواب پرھنے کے بعد کم سے کم میں تو آپ کی سمجھ بوجھ پر شک نہیں کرسکتی۔ :goods اس سے ہی اندازہ ہوگیا کہ آپ ماشاءاللہ سے کتنے سمجھدار ہیں۔ اچھا آپ کے جواب میں دو باتوں کی طرف میرا دھیان گیا۔۔۔ایک تو یہ کہ آپ اسٹار پلس کے ڈرامے کافی غور سے دیکھتے ہیں،،ہیں نا؟؟؟ :c اور دوسری بات یہ کہ آپ میں نثر لکھنے کی صلاحیت بہت شاندار ہے۔ کیا آپ نے بلاگ پوسٹس سے پہلے کبھی کچھ لکھا؟


میٹرک میں نے گورنمنٹ ہائی اسکول پےاےایف کورنگی کریک کراچی سے کیا۔ پہلی جس کلاس روم سے پڑھی گھومتے گھماتے دسویں کی کلاس بھی اسی کمرے میں ہوتی تھی ہمارے بعد وہ کمرہ ہی گرا دیا گیا۔

آپ جو کافی تخریبی باقیات چھوڑ کر آئے ہوں گے۔ aas


یہ مشکل سوال ہے مستقل رہائش والی تو کوئی بات میری زندگی میں ہے نہیں-

آپ کو رہائشی اعتبار سے کون سا شہر اچھا لگا؟

کچھ اوپر بتایا ہے جس سے “ کھُرا“ نکالا جاسکتا ہے۔ اس کے علاوہ میری فیملی میں پُشتوں سے کوئی بڑا آدمی پیدا نہیں ہوا سب بچے ہی پیدا ہوتے رہے۔
aas یہ کھرا کیسے لگاتے ہیں۔۔مجھے بھی بتائیں۔میں نے بھی سیکھنا ہے۔ :s


رضوان صاحب آپ کے بارے میں پڑھ کر اچھا لگا۔۔۔سلیف میڈ انسان جوناصرف اپنی محنت سے زندگی بناتے ہیں بلکہ اس پر فخربھی کرتے ہیں۔آج کل کے دور میں بہت نایاب ہیں۔

 

[امن ایمان]

اوپس یہ میری کسٹم سمائیلز کو پتہ نہیں کیا ہورہا ہے۔۔رضوان یہ تھپڑ والا آئیکون نہیں ہے بلکہ یہ والا ہے۔۔۔‌> :goods

یہ پتہ نہیں کیوں بن جاتا ہے۔ :g

:s

میرا کمپیوٹر یا اردو محفل دونوں میں سے ایک پاگل ہوگیا ہے۔

 

[رضوان]

۔۔۔ایک تو یہ کہ آپ اسٹار پلس کے ڈرامے کافی غور سے دیکھتے ہیں،،ہیں نا؟؟؟
آپکا یہ اندازہ ففٹی پرسنٹ درست ہے۔
مجھے اسٹار پلس مارکہ ڈرامے زبردستی سُنوائے جاتے ہیں۔

:c اور دوسری بات یہ کہ آپ میں نثر لکھنے کی صلاحیت بہت شاندار ہے۔ کیا آپ نے بلاگ پوسٹس سے پہلے کبھی کچھ لکھا؟
جی ہاں کافی سارے خطوط لکھے مگر ہر طرف سے جواب ہی ملا




آپ کو رہائشی اعتبار سے کون سا شہر اچھا لگا؟
قطر کا ایک شہر ہے الخور جہاں تقریبًا پانچ سال گزارے ۔

aas یہ کھرا کیسے لگاتے ہیں۔۔مجھے بھی بتائیں۔میں نے بھی سیکھنا ہے۔ :s
کھُرا نکالنے کے لیے ایک عدد کھوجی ڈھونڈھنا پڑے گا۔ محفل میں کئی کھوجی اور کھوجنیں بھی مشہور ہیں۔ ( عقلمند کو اشارہ کافی ہے )

 

[قیصرانی]

کھوجی کو جاسوس کے معنوں میں‌لے لیں

کُھرا لگانا یعنی پیروں کے نشانات سے کسی کو تلاش کرنا۔ پرانے زمانے میں (کسی حد تک آج کل بھی) مجرموں کا پیچھا ان کے کُھرے سے کیا جاتا ہے

 

[قیصرانی]

رضوان بھائی، جب کبھی فرصت ملے تو ہر رکنِ محفل کا یک سطری تعارف تو لکھیں