انڈیزائن اسباق قسط پنجم (پیج نمبر، ماسٹر پیج، ٹیبل آف کنٹنٹ)

[arifkarim]

پچھلی قسط میں ہم نے انڈیزائن کے اندر شاعری کی درست فارمیٹنگ کرنا سیکھا تھا۔ اس قسط میں ہم کتب کیلئے پیج نمبر، ماسٹرپیج اور ٹیبل آف کنٹنٹ بنانا سیکھیں گے۔ اس ٹیوٹوریل کو بالکل درست کر لینے کے بعد آپ گھر بیٹھے اپنی من پسند کُتب کمپوز کر کے چھپائی کیلئے بھیج سکتے ہیں۔ یہ سبق سابقہ اسباق کے مقابلہ میں تھوڑا مشکل ہو سکتا ہے۔ اسلئے اسپر عمل کرنے سے قبل بار بار پڑھیں۔

1. انڈیزائن کھولیں اور نئی ڈاکومنٹ منتخب کرتے وقت فیسنگ پیجز سلیکٹ کر لیں:
   
   
2. اب اردو لائبریری سے چار کہانیاں نئی ڈاکومنٹ کے صفحہ نمبر دو پر کاپی پیسٹ کر لیں۔ آسانی کیلئے ہم ہر کہانی کے پہلے دو صفحات ہی استعمال کریں گے۔
3. ٹیبل آف کنٹنٹ بنانے کیلئے کہانیوں کے ٹائیٹل کا ہیڈ نگ اسٹائل میں ہونا ضروری ہے۔ اسکے لئے پہلے ٹائیٹل ”بے وقوف بادشاہ“ سلیکٹ کریں اور اسکا سائز تھوڑا بڑا کر کے رنگ بدل دیں:
   
   
4. اب پیراگراف اسٹائل مینو سے نیا اسٹائل بنائیں اور اس پر ڈبل کلک کر کے اسکا نام ہیڈنگ رکھ دیں:
   
   
   
   
   
5. یوں باقی تمام کہانیوں کے ٹائیٹل کو باری باری سلیکٹ کر یں اور ہیڈنگ اسٹائل اپلائی کر دیں۔
6. اسی طرح سادھے متن کو بھی سلیکٹ کر کے ایک نیا پیراگراف اسٹائل بنا لیں اوراسکا نام نارمل رکھ دیں:
   
   
7. اب اے ماسٹر نامی ماسٹر پیج پر ڈبل کریں اور اسکے صفحات کے بائیں ترین اور دائیں ترین سمت میں ایک جتنے سائز کے دو عدد ٹیکسٹ باکس بنا لیں:
   
   
8. ان دونوں ٹیکسٹ باکسز کی فارمیٹنگ نارمل کر دیں۔ اور پھر ٹائپ مینو سے کرنٹ پیج نمبر ڈبل کلک کر کے ایڈ کر لیں:
   
   
9. صفحہ نمبر دو اور تین پر واپس جانے پر یہ پیج نمبر نظر آئیں گے:
   
   
10. چونکہ ہمیں صفحہ نمبر 2 کو صفحہ نمبر 1 سیٹ کرنا ہے، اسلئے اس پر رائٹ کلک کر کے نمبرنگ اینڈ سیکشن منتخب کریں اور اسٹارٹ پیج نمبرنگ 1 کر دیں:
    
    
    
    
    
11. پیج نمبرنگ درست کر لینے کے بعد پہلے صفحہ پر جائیں اور لے آؤٹ مینو سے ٹیبل آف کنٹنٹ منتخب کر لیں:
    
    
12. یہاں درج ذیل سیٹنگ دے کر اوکے دبادیں۔ باآسانی ٹیبل آف کنٹنٹ بن جائے گا:
    
    
    
    
    
13. ٹیبل آف کنٹنٹ بنانے کے بعد ماسٹر پیج پر جائیں اور ٹاپ ٹیکسٹ میں کتاب کا نام اور باٹم ٹیکسٹ میں پہلی کہانی کا نام لکھ دیں:
    
    
14. ماسٹر پیج پر رائٹ کلک کریں اور آپشنز میں جاکر اس کا نام چپٹرایک رکھ دیں:
    
    
    
    
    
15. اب اسپر دوبارہ رائٹ کلک کریں اور ڈپلیکیٹ کر کے 4 چپٹرز اور ایک ٹیبل آف کنٹنٹ کیلئے ماسٹر پیجز بنا لیں:
    
    
    
    
    
16. ان ماسٹرپیجز میں باٹم ٹیکسٹ کہانی کے حساب سے سیٹ کر یں اور مطلوبہ صفحات پر اپلائی کر دیں۔ ماسٹر پیج اپلائی کرنے کیلئے اسے ماؤس سے پکڑ کر صفحہ پر ڈریگ اینڈ ڈراپ کریں۔ ٹیبل آف کنٹنٹ والے ماسٹر پیج کی بھی اسی طرح صفائی کر کے پہلے صفحہ پر اپلائی کر دیں۔
17. تمام اسٹیپ درست کر لینے کے بعد درج ذیل نتیجہ آئے گا:
    
    

اگلی قسط

 

[محمد خلیل الرحمٰن]

ہیٹس آف ٹو عارف بھائی

بلکہ اسٹینڈنگ اوویشن بنتا ہے

 

[ناظم رضا مصباحی]

شکریہ عارف بھائی۔ آپ کی پوسٹ کا انتظار تھا۔ اسے ذرا غور سے پڑھنا پڑے گا۔

 

[محمد تابش صدیقی]

شکریہ جناب۔ آج کوشش کرتا ہوں۔
پیج نمبر تو ڈال لیے تھے۔ ٹیبل آف کنٹینٹ سمجھ نہیں آ رہا تھا۔ جزاک اللہ

 

[زہیر عبّاس]

بہترین ۔۔۔ شاندار ۔۔۔۔ امید ہے کہ آپ انڈکس بنانا بھی سکھا دیں گے ۔۔۔ ۔بہت شکریہ۔۔۔۔۔

 

[arifkarim]

بہترین ۔۔۔ شاندار ۔۔۔۔ امید ہے کہ آپ انڈکس بنانا بھی سکھا دیں گے ۔۔۔ ۔بہت شکریہ۔۔۔۔۔

ٹیبل آف کنٹینٹ انڈیکس نہیں ہے؟ یا انڈیکس کتاب کے آخر میں ہوتا ہے؟

 

[محمد تابش صدیقی]

ٹیبل آف کنٹینٹ انڈیکس نہیں ہے؟ یا انڈیکس کتاب کے آخر میں ہوتا ہے؟

جی وہی۔ ورڈ میں بھی یہ آپشن موجود ہے

 

[زہیر عبّاس]

انڈیکس کتاب کے آخر میں ہوتا ہے؟

جی انڈکس عام طور پر تو کتاب کے آخر میں ہی ہوتا ہے ۔ جس کی مدد سے آپ کسی لفظ یا موضوع کو کتاب میں تلاش کرتے ہیں ۔

 

[arifkarim]

جی انڈکس عام طور پر تو کتاب کے آخر میں ہی ہوتا ہے ۔ جس کی مدد سے آپ کسی لفظ یا موضوع کو کتاب میں تلاش کرتے ہیں ۔

اچھا ویسے اسکی ہمیں کبھی ضرورت نہیں پڑی کیونکہ زیادہ کی ورڈز پر مبنی کتب پر کام نہیں کیا۔ انڈیزائن والوں نے یہاں کافی تفصیل سے انڈیکس بنانا سکھایا ہے۔ اگر مشکل ہو تو اردو میں ٹیوٹوریل بنایا جا سکتا ہے۔ البتہ اسکے لئے زیادہ کی ورڈز والی کوئی فائل درکار ہو گی جیسے اردو لغت کے کچھ صفحات۔

 

[arifkarim]

شکریہ جناب۔ آج کوشش کرتا ہوں۔
پیج نمبر تو ڈال لیے تھے۔ ٹیبل آف کنٹینٹ سمجھ نہیں آ رہا تھا۔ جزاک اللہ

اگر ورڈ پر بنایا تھا تو زیادہ مشکل نہیں ہونا چاہیے۔ اسمیں بھی پیراگراف اسٹائل بیسڈ کنٹینٹ ٹیبل بنتا ہے۔

 

[arifkarim]

شکریہ عارف بھائی۔ آپ کی پوسٹ کا انتظار تھا۔ اسے ذرا غور سے پڑھنا پڑے گا۔

میرے خیال میں آپنے میرے سے اتنے سارے ٹیوٹوریلز صرف غور سے پڑھنے کیلئے بنوائے تھے۔ ان پر عمل بھی کیا یا کوئی نہیں

 

[ناظم رضا مصباحی]

میرے خیال میں آپنے میرے سے اتنے سارے ٹیوٹوریلز صرف غور سے پڑھنے کیلئے بنوائے تھے۔ ان پر عمل بھی کیا یا کوئی نہیں

ابھی تھیوری چل رہی ہے. پریکٹیکل کی باری آنے پر اسے بھی کرکے دکھاؤں گا.



مذاق بر طرف عارف بھائی! عمل بھی کر رہا ہوں. اگرچہ سو فی صد نہ سہی.

 

[زہیر عبّاس]

ان پر عمل بھی کیا یا کوئی نہیں

عارف بھائی اس سلسلے میں آپ اپنا کام جاری رکھیں ۔ کیونکہ وہ عمل کریں یا نہ کریں دوسروں کا کافی فائدہ ہوجائے گا ۔

 

[arifkarim]

عارف بھائی اس سلسلے میں آپ اپنا کام جاری رکھیں ۔ کیونکہ وہ عمل کریں یا نہ کریں دوسروں کا کافی فائدہ ہوجائے گا ۔

جی ابتدائی اسباق تو مکمل ہو چکے ہیں۔ اسکے بعد صارف کی مرضی ہے کہ اسے کتنے ایڈوانس لیول تک لیجانا چاہتا ہے۔ جب بنیاد مضبوط ہو تو اسپر کچھ بھی کھڑا کیا جا سکتا ہے۔
نیز جب تک کوئی علم عمل میں نہ لایا جائے یہ بیکار ہوتا ہے۔ میں اسی لئے خالی معلوماتی اسباق کی بجائے عملی اسباق پر یقین رکھتا ہوں۔

 

[محمد تابش صدیقی]

اب پیراگراف اسٹائل مینو سے نیا اسٹائل بنائیں اور اس پر ڈبل کلک کر کے اسکا نام ہیڈنگ رکھ دیں:

ٹیبل کی صورت میں کیا کرنا ہو گا؟

 

[arifkarim]

ٹیبل کی صورت میں کیا کرنا ہو گا؟

ٹیبل کے اندر بھی پیراگراف اسٹائل بن سکتا ہے۔ نہیں تو ٹیبل اسٹائل بنا لیں۔

 

[محمد تابش صدیقی]

ٹیبل کے اندر بھی پیراگراف اسٹائل بن سکتا ہے۔ نہیں تو ٹیبل اسٹائل بنا لیں۔

جی، ابھی بنا لیا ہے۔
ایک اور ذرا ہٹ کر سوال یہ ہے کہ، نارمل بک سائز کون سا استعمال ہوتا ہے زیادہ؟
c5؟

 

[arifkarim]

جی، ابھی بنا لیا ہے۔
ایک اور ذرا ہٹ کر سوال یہ ہے کہ، نارمل بک سائز کون سا استعمال ہوتا ہے زیادہ؟
c5؟

گوگل کر لیں۔ علاقے علاقے میں فرق ہے۔ نیز کتاب کتاب کا فرق بھی ہوتا ہے۔

 

[افضل حسین]

لگتا ہے گھر والے ڈیسک ٹاپ پہ انڈیزائن انسٹال کرنا ہوگا.

 

[زہیر عبّاس]

جی ابتدائی اسباق تو مکمل ہو چکے ہیں۔

کیا اگلے سبق میں ٹیکسٹ کے ساتھ تصویر کو ڈالنا سیکھا سکتے ہیں یعنی کہ ٹیکسٹ کے درمیان تصویر کس طرح سے داخل کی جائے۔