دوسری سالگرہ بھگوڑا رکن کا ایوارڈ

[شمشاد]

ایک ایوارڈ ایسا بھی ہونا چاہیے جو کسی بھگوڑے رکن کے نام ہو۔

میں رضوان کا نام تجویز کرتا ہوں۔

 

[پاکستانی]

قدیر احمد رانا صاحب بھی تو ہیں جو اب اجنبی کے نام سے جانے پہچانے جا رہے ہیں

 

[فہیم]

ارے میرے ٹمبکٹو کو بھول گئے آپ لوگ

 

[نبیل]

فیصل عظیم۔۔ منہاجین۔۔ ڈاکٹر افتخار راجہ

 

[شمشاد]

ظفری اور تفسیر کے نام بھی لکھ لیں۔

 

[دوست]

میرا خیال ہے میں اس کے لیے بہترین ہوں۔ چونکہ جتنا میں اس سال پراجیکٹس سے بھگوڑا رہا ہوں اور کوئی نہیں رہا۔

 

[ظفری]

ظفری اور تفسیر کے نام بھی لکھ لیں۔

شمشاد بھائی ۔۔۔ تفسیر صاحب کے بارے میں تو کچھ کہنے کی میں جسارت نہیں کرسکتا لیکن میں اپنے بارے میں اتنا ضرور کہوں گا کہ میں ایک موسمی بھگوڑا ہوں جو کچھ عرصے بعد پلٹ کر پھر آجاتا ہے ۔

ہاں ۔۔ رضوان کے بارے میں آپ سے میں متفق ہوں ۔

 

[محب علوی]

میرا ووٹ بھی رضوان کے حق میں ہے۔

 

[ماوراء]

یہ تو لسٹ میں شامل نہیں تھا۔

 

[شمشاد]

تو اب شامل کر لو۔

بلکہ کچھ اراکین کے نام بھی لکھو۔

 

[ماوراء]

میں تو نہیں کر رہی۔ آپ نے کرنا ہے تو کر لیں۔ میں ویسے بھی اتنے زیادہ ایوارڈز کے حق میں نہیں ہوں۔ اور “بھگوڑا رکن“ کو ایوارڈ کس خوشی میں دینا ہے؟؟؟

 

[محب علوی]

بھگوڑے ہونے کی خوشی میں۔

 

[ماوراء]

آپ ہی جانو کہ بھگوڑا ہونے میں کیا خوشی ہوتی ہے۔

 

[شمشاد]

تمہیں کیا معلوم سکول کالج سے بھگوڑا ہونے کا کتنا مزہ آتا تھا۔
وہ کہتے ہیں ناں چوری کا گُڑ زیادہ میٹھا ہوتا ہے، تو بس یہی بات ہے۔

 

[ماوراء]

یہ تو آپ نے شمشاد بھائی ایسے ہی کہہ دیا کہ بچہ اگر سکول سے بھاگ جاتا ہے۔ اور اس کے ٹیچرز اسے بھاگنے پر سال کے آخر میں ایوارڈ دیں۔ کہ یہ لو میرے بچے ۔۔۔ تمھیں سکول سے بھاگنے کے چکر میں یہ ایوارڈ دیا جاتا ہے۔

پھر بھی اگر اس ایوارڈ کو آپ لوگ شامل کرنا چاہتے ہیں تو میں معصوم کیا کہہ سکتی ہوں۔

 

[شمشاد]

میں سکول سے بھاگ کر ایوارڈ لینے کی بات نہیں کی بلکہ اس مزے کی کی ہے جو سکول سے بھاگنے میں آتا تھا۔

تمہیں واقعی اس کا مزہ نہیں معلوم ہو گا۔

 

[ماوراء]

مجھے بھاگنے کا موقع ہی کہاں ملتا تھا شمشاد بھائی۔ مجھے سکول والے خود ہی نکال دیتے تھے۔

اب یہ سچ نہ سمجھ لینا۔ میرا تو کتابوں میں اتنا دل لگتا تھا کہ چھٹی کے بعد بھی دل نہیں کرتا تھا بھاگنے کا۔




یہ ایوارڈ ۔۔۔ایوارڈ لسٹ میں شامل نہیں کیا جائے گا۔

 

[شمشاد]

نہ کرو شامل، ہم باہر باہر سے ہی دے دیں گے۔

 

[تفسیر]

ظفری اور تفسیر کے نام بھی لکھ لیں۔

شمشاد بھائی ۔ شیر بھی میدان چھوڑ کر بھاگتے ہیں۔

 

[شمشاد]

بھاگتے ہیں تفسیر بھائی جب ڈاہڈی قسم کی شیرنی سے واسطہ پڑ جائے تو شیر بھی بھاگ جاتے ہیں۔

مجھے خوشی ہے کہ آپ آئے تو سہی۔