تم مجھے بھول جاؤ گے صاحب؟

[راحیل فاروق]

آداب!
کچھ روز پہلے ایک غزل پوسٹ کی تھی۔ بڑا مزا آیا۔ شاید آپ کو بھی آیا ہو۔ تکلیف یہ ہوئی ہے کہ اپنے کلام کو جلی حروف میں دیکھنے کی عادت سی پڑ گئی ہے۔ لہٰذا ایک قدیمی غزل آپ سب کی سابقہ، حالیہ، آئندہ محبتوں کے نام!

تم مجھے بھول جاؤ گے صاحب؟​

تم مجھے بھول پاؤ گے صاحب؟​

​

میں شریف آدمی، مجھے چھوڑو​

خود کو کیا منہ دکھاؤ گے صاحب؟​

​

تم نہیں مانتے، مناتا ہوں​

میں نہ مانوں، مناؤ گے صاحب؟​

​

تم تو خود شعلہءِ فروزاں ہو​

آگ کیسے بجھاؤ گے صاحب؟​

​

دل تو زندہ نہ ہو سکے گا اب​

کتنے محشر اٹھاؤ گے صاحب؟​

​

میری حالت ہے دیکھنے والی​

دیکھنے بھی نہ آؤ گے صاحب؟​

​

خود سے بھی بڑھ کے جانتا ہوں تمھیں​

مجھے کیا کیا بتاؤ گے صاحب؟​

​

کتنی پیاری ہیں یہ گہر آنکھیں​

انھیں کب تک چراؤ گے صاحب؟​

​

مان جاؤ کہ عشق ہے راحیلؔ​

کتنی باتیں بناؤ گے صاحب؟​

​

(12 دسمبر 2010)​

 

[محمد خلیل الرحمٰن]

خوبصورت خوبصورت۔ داد قبول فرمائیے جناب

 

[راحیل فاروق]

خوبصورت خوبصورت۔ داد قبول فرمائیے جناب

آپ کا بہت شکریہ۔ اللہ مالک آپ کو من چاہی خوشیاں دے! آمین۔

 

[زبیر مرزا]

واہ بہت خُوب صاحب

 

[راحیل فاروق]

واہ بہت خُوب صاحب

مرزا صاحب، کیا بات ہے آپ کی۔ کچھ باتیں ہیں جو آپ سے کرنی ہیں۔ آپ کچھ زیادہ ہی اپنے اپنے لگتے ہیں!

 

[زبیر مرزا]

شکریہ جناب - بصد شوق

 

[الف عین]

واہ اچھی غزل کہی صاحب
داغ کی یاد آ گئی صاحب

 

[محمد وارث]

خوب غزل ہے راحیل صاحب

 

[راحیل فاروق]

واہ اچھی غزل کہی صاحب
داغ کی یاد آ گئی صاحب

عنایت ہے مکرمی!

 

[راحیل فاروق]

خوب غزل ہے راحیل صاحب

بندہ پرور۔ آپ کی محبت کا بے حد ممنون ہوں۔ اللہ آپ پر مہربانی فرمائے۔

 

[شمشاد]

راحیل صاحب اردو محفل میں خوش آمدید

اپنا تعارف تو دیں۔

 

[راحیل فاروق]

راحیل صاحب اردو محفل میں خوش آمدید

اپنا تعارف تو دیں۔

شکریہ شمشاد صاحب۔ جہاں تک تعارف "دینے" کا تعلق ہے، سوچتا ہوں کیا کہوں۔۔۔!
قبلہ، خانیوال کے ایک نواحی قصبے عبدالحکیم سے تعلق ہے۔ چندے ریڈیو پاکستان پہ براڈ کاسٹر رہا۔ مدتے عشق کا بیمار رہا۔ کچھ عرصہ قبل مسیحا سے شادی کر لی۔ اور اب۔۔۔۔۔۔۔۔۔۔
ہم وہاں ہیں، جہاں سے ہم کو بھی
کچھ ہماری خبر نہیں آتی ! ! !
لوحِ محفوظ پہ میرے نام کے ساتھ خرابِ غزلِ ناب لکھا تھا۔ سو ایک صحیفہ غزلیات کا بھی شائع کرانا پڑا۔ آج کل بے روزگاری کی حالت میں گھر (اپنے) کی دہلیز پر پایا جاتا ہوں۔ نہ جائے رفتن، نہ پائے ماندن!

 

[زبیر مرزا]

راحیل فاروق آپ کے بارے میں جان کراچھا لگا
اگر آپ مناسب سمجھیں تو اسے آپ تعارف کے زُمرے میں پوسٹ کردیں تو باقاعدہ رسم تعارف ادا ہوجائے گی
ربط درج ذیل ہے
http://www.urduweb.org/mehfil/forums/تعارف-و-انٹرویو.39/

 

[راحیل فاروق]

راحیل فاروق آپ کے بارے میں جان کراچھا لگا
اگر آپ مناسب سمجھیں تو اسے آپ تعارف کے زُمرے میں پوسٹ کردیں تو باقاعدہ رسم تعارف ادا ہوجائے گی
ربط درج ذیل ہے
http://www.urduweb.org/mehfil/forums/تعارف-و-انٹرویو.39/

ضرور۔ محبت کا اگر شکریہ ہوتا ہے تو قبول فرمائیے!

 

[ابن سعید]

شام سے تنگ کر کے رکھا ہے
کتنی غزلیں سناؤ گے صاحب؟

خیر یہ تو مذاق کی ذیل میں تھا۔ بہت خوبصورت کلام ہے، بے حد داد قبول فرمائیں۔ اتنی چھوٹی بحروں میں اتنی ساری باتیں سمیٹنے کا ہنر ہر کسی کو نہیں آتا۔ امید ہے کہ اردو محفل کو باقاعدہ رونق بخشتے رہیں گے۔ آپ سے آپ کے تعارف کے دھاگے میں ملاقات رہے گی، ان شاء اللہ۔

 

[راحیل فاروق]

شام سے تنگ کر کے رکھا ہے
کتنی غزلیں سناؤ گے صاحب؟

خیر یہ تو مذاق کی ذیل میں تھا۔ بہت خوبصورت کلام ہے، بے حد داد قبول فرمائیں۔ اتنی چھوٹی بحروں میں اتنی ساری باتیں سمیٹنے کا ہنر ہر کسی کو نہیں آتا۔ امید ہے کہ اردو محفل کو باقاعدہ رونق بخشتے رہیں گے۔ آپ سے آپ کے تعارف کے دھاگے میں ملاقات رہے گی، ان شاء اللہ۔

عنایت ہے حضور۔

 

[محمود احمد غزنوی]

مان جاؤ کہ عشق ہے راحیلؔ​

کتنی باتیں بناؤ گے صاحب؟​

واہ جی واہ​

​

 

[راحیل فاروق]

مان جاؤ کہ عشق ہے راحیلؔ​

کتنی باتیں بناؤ گے صاحب؟​

واہ جی واہ​

​

شکریہ جناب۔

 

[صبیح الدین شعیبی]

خوبصورت غزل۔۔۔زبردست اشعار۔۔ہر شعر پڑھ کر بے اختیار داد دینے کو جی چاہا اور ہر خیال دل کو چھولینےوالا۔۔۔۔۔مگر اس ایک شعر کے مضمون نے ذہن کو کہیں الجھادیا۔۔​

میں شریف آدمی، مجھے چھوڑو​

خود کو کیا منہ دکھاؤ گے صاحب؟​

​

۔۔شریف آدمی ؟؟؟؟؟؟ اور آپ؟؟؟؟؟؟ بہر حال مذاق ایک طرف۔۔۔۔یہ شعر مجھے سمجھ نہیں آیا خاص طورپر یہی شریف آدمی والی بات۔۔۔۔۔۔۔۔شریف آدمی مجھے موزوں نہیں لگ رہا یہاں۔۔۔۔۔۔شاید آپ کے پاس کوئی شان ِ نزول ہو اس کی۔۔۔بتائیےگا۔۔​

​

 

[عندلیب]

بہت خوب