جب سے میں تجھ سے ملا ہوں تنانا ہا یا ھو

[الف نظامی]

جب سے میں تجھ سے ملا ہوں تنانا ہا یا ھو
ہو بہو تو ہی ہوا ہوں تنا نا ہا یا ھو

اہل معنی میرے مطلب کو پہنچتے کب ہیں
میں فنا ہوں نہ بقا ہوں تنا نا ہا یا ھو

سوچ میں غافل و عاقل ہیں میری سرگرداں
میں نہ ظاہر نہ چھپا ہوں تنا نا ہا یا ھو

کفر اور دیں سے مجھے عشق نے آزاد کیا
میں نہ بت نہ ہی خدا ہوں تنا نا ہا یا ھو

روبرو رہ کے ترے تجھکو تجھے دکھلایا
آئینہ تیرا بنا ہوں تنا نا ہا یا ھو

سیر ہے گلشن مطلق کی مجھے آٹھ پہر
قید ہستی سے رہا ہوں تنا نا ہا یا ھو

غیر آئے نہ مرے روبرو جز حسن کبھی
صورت عشق بنا ہوں تنا نا ہا یا ھو

بیخودی کہتی ہے یوں مجھ سے خود آ کے ہمدم
میں خودی ہوں نہ خدا ہوں تنا نا ہا یا ھو

ہر نفس میں ہویدا ہے نیا اک عالم
میں نہ عالم سے بنا ہوں تنا نا ہا یا ھو

غیر حق دم سے مرے کیوں نہ نفرد ہو وطن
چشمہ بحر صفا ہوں تنا نا ہا یا ھو

بستان تصوف معروف بہ دیوان وطن ، ص43-44
(بشکریہ ریحان گیلانی)​