فونٹ جمیل نوری نستعلیق 3 آٹو کشیدہ ریلیز!

[arifkarim]

حسب وعدہ جمیل نوری نستعلیق 3 کا آٹو کشیدہ ورژن اردو محفل پر جاری کیا جا رہا ہے۔ یہ فانٹ کئی لحاظ سے بہت اہمیت کا حامل ہے۔کیونکہ تاریخ میں پہلی بار ان پیج سے باہر صارفین کو اردو متن میں آٹو کشیدہ لگانے کی سہولت حاصل ہو گئی ہے۔ یہی نہیں بلکہ آٹو کشیدہ کیساتھ ساتھ آٹو کرننگ کا دلچسپ ملاپ اردو پبلشنگ انڈسٹری میں ایک نیا سنگ میل ثابت ہوا ہے۔ اس کامیابی پر ہم خصوصاً مکرمی سید ذیشان اور عبدالمجید کے شکرگزار ہیں جنہوں نے اپنی روز مرہ کی مصروفیت کے باوجود اردو پبلشرز کیلئے اس اہم کام میں اپنا حصہ ڈالا۔
ساتھ ہی میں ہم اپنے 5 سالہ ایچ پی ایلیٹ بک لیپ ٹاپ کو بھی خراج تحسین پیش کرتے ہیں جو لاتعداد بار فانٹ کو کمپائل اور ٹیسٹ کرنے کے بعد بھی جوں کا توں ہے۔ یوں ہم امید کرتے ہیں کہ یہ آئندہ بھی اسی طرح مزید نئے فانٹس کی تکمیل کے دوران کام آتا رہے گا۔
اس ریلیز میں کشیدہ فانٹ کے دو ورژنز جاری کئے جا رہے ہیں۔ ایک تو سادہ کشیدہ ورژن ہے جو متن کو اٹالکس کرنے پر ظاہر ہوگا۔ دوسرا آٹو کشیدہ ورژن ہے جو صرف اڈوبی انڈیزائن یا لیٹکس جیسے جدید ڈیسک ٹاپ پبلشنگ سافٹوئیرز پر کام کرتا ہے:

سادہ کشیدہ (اٹالکس)

آٹو کشیدہ(انڈیزائن)

نوٹس:

• انڈیزائن میں آٹو کشیدہ درست دکھانے کیلئے Justification (Ctrl+Alt+Shift+J) Menu میں جائیں۔ اور وہاں درج ذیل سیٹنگ دے دیں:

• اڈوبی انڈیزائن میں مینول کشیدہ اٹالکس کے علاوہ Justification Alternate سے نظر آتا ہے۔ یہ طریقہ متن میں کرننگ کے اعتبار سےزیادہ موذوں ہے:

جمیل نوری نستعلیق 3 کشیدہ (اٹالکس)
جمیل نوری نستعلیق 3 آٹو کشیدہ​

 

[فاتح]

زبردست! ایک اور کمال پر مبارک باد
ویسے یہ اٹالک کے ساتھ کشیدہ والا جمیل نوری نستعلیق ورژن 2 تو ہم کئی سالوں سے استعمال کر رہے ہیں۔ اب اس کا کرننگ والا وررژن 3 بھی دیکھتے ہیں۔

 

[سید ذیشان]

سب کو مبارک ہو۔ آٹو کشیدہ فانٹ امید ہے اچھا فانٹ ثابت ہو گا۔

 

[محمد تابش صدیقی]

شاباش اور دعائیں، آپ لوگوں کے لیے.

 

[حسیب]

زبردست
بہت بہت مبارک ہو

 

[زہیر عبّاس]

بہترین ! بہت مبارک ہو !

 

[محمد تابش صدیقی]

اب ان ڈیزائن انسٹال کرنا پڑے گا اس کے لیے.
میرا لیپ ٹاپ پہلے ہی آخری سانسیں لے رہا ہے.
چلو جہاں اتنے ظلم، وہاں ایک اور سہی.

 

[فاتح]

اب ان ڈیزائن انسٹال کرنا پڑے گا اس کے لیے.
میرا لیپ ٹاپ پہلے ہی آخری سانسیں لے رہا ہے.
چلو جہاں اتنے ظلم، وہاں ایک اور سہی.

اک ستم اور مری جاں، ابھی جاں باقی ہے

 

[سید ذیشان]

اب ان ڈیزائن انسٹال کرنا پڑے گا اس کے لیے.

 

[محمد تابش صدیقی]

میں نا سمجھ آپ کا اشارہ نہیں سمجھ سکا.

 

[سید ذیشان]

میں نا سمجھ آپ کا اشارہ نہیں سمجھ سکا.

آپ نے غالباً کشیدہ فانٹ انسٹال نہیں کیا ابھی۔ اس طرح نظر آنا چاہیے۔

 

[محمد تابش صدیقی]

آپ نے غالباً کشیدہ فانٹ انسٹال نہیں کیا ابھی۔ اس طرح نظر آنا چاہیے۔

جی، ابھی موبائل پر ہوں.
گھر جا کر ہی چیک کر سکوں گا.

 

[محمد تابش صدیقی]

ویسے اس کے بھی سو، دو سو، تین سو والے ورژن ریلیز ہوں گے؟

 

[عبدالحفیظ]

بہت شاندار عارف بھائی
بہت بہت مبارک ہو

 

[متلاشی]

یقینا ایک اچھی اچیومینٹ ہے ۔جمیل نوری نستعلیق ٹیم کو بہت مبارک ہو !
کشیدہ اشکال پر کام کرنے کی سخت ضرورت ہے ۔۔ اشکال کی خوبصورتی بہت متاثر ہو رہی ہے

 

[arifkarim]

کشیدہ اشکال پر کام کرنے کی سخت ضرورت ہے ۔۔ اشکال کی خوبصورتی بہت متاثر ہو رہی ہے

فانٹ آپکے پاس موجود ہے۔ پیامی صاحب کی طرح اسے کھول کر اشکال درست کریں اور متلاشی نستعلیق کے نام سے ریلیز کر دیں۔ اللہ اللہ خیر سلا!

 

[arifkarim]

اب ان ڈیزائن انسٹال کرنا پڑے گا اس کے لیے.

پاکستانیوں کے بکھیڑوں میں ایک اور کا اضافہ

 

[متلاشی]

فانٹ آپکے پاس موجود ہے۔ پیامی صاحب کی طرح اسے کھول کر اشکال درست کریں اور متلاشی نستعلیق کے نام سے ریلیز کر دیں۔ اللہ اللہ خیر سلا!

عارف ! پیامی صاحب سے کیا آپ کی کوئی پرانی چپقلش ہے جس کا اظہار آپ ہر مراسلے میں کر رہے ہیں ؟؟؟؟
اور دوسرا میں خطاط نہیں ہوں اور تیسرا میرے پاس الحمدللہ اپنا فونٹ ہے جس میں کشیدہ کی سہولت موجود ہے ۔۔ باقی میں نے اس فونٹ پر تعمیری تنقید کی تھی مگر آپ تو میری ہر بات کو نیگٹیو لے کر طنز کرنے لگے ہیں ۔۔

 

[arifkarim]

عارف ! پیامی صاحب سے کیا آپ کی کوئی پرانی چپقلش ہے جس کا اظہار آپ ہر مراسلے میں کر رہے ہیں ؟؟؟؟
اور دوسرا میں خطاط نہیں ہوں اور تیسرا میرے پاس الحمدللہ اپنا فونٹ ہے جس میں کشیدہ کی سہولت موجود ہے ۔۔ باقی میں نے اس فونٹ پر تعمیری تنقید کی تھی مگر آپ تو میری ہر بات کو نیگٹیو لے کر طنز کرنے لگے ہیں ۔۔

آپ کو اچھی طرح معلوم ہے کہ ہم لوگ خطاط نہیں ہیں، صرف فانٹ ساز ہیں۔ ہم پہلے سے موجود ترسیموں کو بنیاد بنا کر فانٹس کی تعمیر نو تو کر سکتے ہیں۔ البتہ خود سے ترسیمے نہ تو لکھ سکتے ہیں اور نہ ہی انہیں بہتر کر سکتے ہیں۔
پیمامی صاحب نوری نستعلیق کے ترسیمے بہتر کر رہے ہیں کیونکہ انہیں خطاطی کی سمجھ بوجھ ہے۔ آپ کے والد صاحب بھی ماشاءاللہ خطاط ہیں اور اس حوالہ سے آپ نے بھی انسے کافی کچھ سیکھا ہوا ہے۔ میں تو محض اس ضمن میں بات کی تھی آپ دونوں کو جہاں کشیدہ میں خطاطی کی اغلاط نظر آئیں، انہیں بہتر کر تے جائیں۔ اور پھر پیامی نستعلیق کی طرح متلاشی نستعلیق یا کسی اور نام سے شائع کر دیں۔ یوں خطاطی سے شغف رکھنے والوں کی تشنگی بھی پوری ہو جائے گی۔

 

[عبدالمجید]

محبان اردو کو مبارک ہو، ساتھ میں عارف آپکا بھی شکریہ جو اِسبار ہمیں بھولے نہیں۔