حاذق الملک نہ کوئی بھی رہا میرے بعداز مجید لاہوری

[سید شہزاد ناصر]

حاذق الملک نہ کوئی بھی رہا میرے بعد
کون دیگا تجھے کھجلی کی دوا میرے بعد

مرغیاں، کوفتے، مجھلی، بھنے تیتر، انڈے
کس کے گھر جائے گا سیلابِ غذا میرے بعد

فاتحہ خوانی میں احباب اڑائیں گے پلاؤ
اور کریں گے مری بخشش کی دعا میرے بعد

اک یہی چیز ہے جو خیر سے ہے بے راشن
کون کھائے گا کلفٹن کی ہوا میرے بعد

سینکڑوں پلان بنا کر تجھے دوں گا اے دوست
جنکے پڑھنے سے ہو “بہتوں کا بھلا“ میرے بعد

اے کہ ہے “سیفٹی ریزر“ ترا ہر ہر غمزہ
اور کس کس پہ کرے گا تُو جفا میرے بعد

کل یہ اِک اونٹ سے کہتا تھا شتربان مجید
کون ہوگا ترے غمزوں پہ فِدا میرے بعد

 

[مہ جبین]

مرغیاں، کوفتے، مجھلی، بھنے تیتر، انڈے
کس کے گھر جائے گا سیلابِ غذا میرے بعد
خوب اتخابِ کلام

 

[سید شہزاد ناصر]

مرغیاں، کوفتے، مجھلی، بھنے تیتر، انڈے
کس کے گھر جائے گا سیلابِ غذا میرے بعد
خوب اتخابِ کلام

پسند کرنے کا شکریہ
شاد و آباد رہیں

 

[فرخ منظور]

مجید لاہوری کے کلام کے انتخاب کے لئے یہاں دیکھیے۔

 

[محمود احمد غزنوی]

واہ ۔۔مزہ آگیا۔۔لیکن حسرت موہانی کا ایک ہی مصرح اس سارے کلام پر بھاری ہے۔۔۔وہی بندِ قبا والا۔

 

[فرخ منظور]

واہ ۔۔مزہ آگیا۔۔لیکن حسرت موہانی کا ایک ہی مصرح اس سارے کلام پر بھاری ہے۔۔۔ وہی بندِ قبا والا۔

حسرت موہانی کا وہ کونسا مصرع ہے جناب؟

 

[محمود احمد غزنوی]

حسرت موہانی کا وہ کونسا مصرع ہے جناب؟

میر تقی میر کا ہے۔۔۔ابھی تلاش سے معلوم ہوا۔

 

[شوکت پرویز]

حاذق الملک نہ کوئی بھی رہا میرے بعد
کون دیگا تجھے کھجلی کی دوا میرے بعد

جناب آپ ہمارے ساتھی ہیں، اگر آپ کو کبھی ضرورت پڑے تو بتا دیجئے گا، بندہ کہیں سے بھی دھونڈ کر لائے گا دوا۔۔۔

 

[فاتح]

میر تقی میر کا ہے۔۔۔ ابھی تلاش سے معلوم ہوا۔

دراصل وہ میر تقی میر کا بھی اتنا ہی ہے جتنا حسرت موہانی کا یعنی دونوں کا ہی نہیں ہے لیکن کون پوچھے ان میریوں کو جنھوں نے نہ صرف وہ غزل میر کے نام سے منسوب کر رکھی ہے بلکہ میر کی کلیات میں اس کا نام و نشان تک نہ ملنے کے باوجود اڑے ہوئے ہیں کہ نہیں جی میر ہی کی ہے۔۔۔

 

[فاتح]

مجید امجد کی خوبصورت نمکین غزل ارسال کی ہے سید شہزاد ناصر صاحب۔

 

[محمد بلال اعظم]

واہ ۔۔مزہ آگیا۔۔لیکن حسرت موہانی کا ایک ہی مصرح اس سارے کلام پر بھاری ہے۔۔۔ وہی بندِ قبا والا۔

وہ کونسا مصرع ہے؟

 

[محمد بلال اعظم]

حسرت موہانی کا تو پتہ نہیں لیکن وصی شاہ صاحب کے کچھ اشعار اچھے خاصے بھاری ہیں۔

 

[سید شہزاد ناصر]

واہ ۔۔مزہ آگیا۔۔لیکن حسرت موہانی کا ایک ہی مصرح اس سارے کلام پر بھاری ہے۔۔۔ وہی بندِ قبا والا۔

پسند کرنے کا شکریہ
کون سا مصرع ذرا کان میں بتایں

 

[سید شہزاد ناصر]

جناب آپ ہمارے ساتھی ہیں، اگر آپ کو کبھی ضرورت پڑے تو بتا دیجئے گا، بندہ کہیں سے بھی دھونڈ کر لائے گا دوا۔۔۔

ویسے آپ کی حکمت کا تجربہ خاصا مہنگا رہا

 

[سید شہزاد ناصر]

دراصل وہ میر تقی میر کا بھی اتنا ہی ہے جتنا حسرت موہانی کا یعنی دونوں کا ہی نہیں ہے لیکن کون پوچھے ان میریوں کو جنھوں نے نہ صرف وہ غزل میر کے نام سے منسوب کر رکھی ہے بلکہ میر کی کلیات میں اس کا نام و نشان تک نہ ملنے کے باوجود اڑے ہوئے ہیں کہ نہیں جی میر ہی کی ہے۔۔۔

کون سی غزل؟
ذرا ہمیں بھی بتائیں

 

[سید شہزاد ناصر]

مجید امجد کی خوبصورت نمکین غزل ارسال کی ہے سید شہزاد ناصر صاحب۔

پسند کرنے کا شکریہ جناب
شاد و آباد رہیں

 

[سید شہزاد ناصر]

حسرت موہانی کا تو پتہ نہیں لیکن وصی شاہ صاحب کے کچھ اشعار اچھے خاصے بھاری ہیں۔

کس لحاظ سے بھاری ہیں
برداشت کے لحاظ سے یا وزن کے لحاظ سے

 

[فاتح]

کون سی غزل؟
ذرا ہمیں بھی بتائیں

کون کھولے گا ترے بندِ قبا میرے بعد

 

[شوکت پرویز]

کون سی غزل؟
ذرا ہمیں بھی بتائیں

محترم فاتح بھائی غالبا استاد غالب کی غزل "حسن غمزے کی کشاکش سے چھٹا میرے بعد" کی بات کر رہے ہیں۔

 

[سید شہزاد ناصر]

ذرا غمِ روزگار کے جھنجٹ سے فارغ ہو جاؤں پھر بات کرتے ہیں