بے الف اذان
محفلین
اُس سروِ خراماں کا ، دراصل ہے گھر دل میں
پھرتا ہے وہ آنکھوں میں ، رہتاہے مگر دل میں
ہر گام پہ ہوتی ہے سیاحیِ صد عالم
ہم گوشہ نشینوں کا ، ہے سیرو سفر دل میں
تن تن تننا ھاھو ، دم دم ہمہ دم یاھو
مہمان ہے تو ہی تو، ہر سینہ و ہر دل میں
اُس خرمنِ خوبی سے ، ہنگامِ چمن گردی
جو دانہ بھی گرتا ہے ، بنتا ہے شجر دل میں
ہر لمحہ ازل قامت ، ہر آن ابد پیکر
ہم نے بھی گزارے ہیں ، دو چار پہر دل میں
گلشن سے گلستاں تر، صحرا سے بیاباں تر
اور وقت سے دوراں تر، اک شے ہے ادھر دل میں
جس دشتِ بلا میں ہے ، عمرِ خضر اک ذرّہ
اُس دشت کو سو سو بار ، ہم کرتے ہیں سر دل میں
بیٹے نے جو کل پوچھا ، رہتا ہے کہاں سیمرغ
بابا نے یہ فرمایا ، اے جانِ پدر دل میں
گریے نے مری دولت ، پانی میں بہائی ہے
جو بوند ہے آنکھوں میں ، تھی لعل و گہر دل میں
شاعر: احمد جاوید صاحب
پھرتا ہے وہ آنکھوں میں ، رہتاہے مگر دل میں
ہر گام پہ ہوتی ہے سیاحیِ صد عالم
ہم گوشہ نشینوں کا ، ہے سیرو سفر دل میں
تن تن تننا ھاھو ، دم دم ہمہ دم یاھو
مہمان ہے تو ہی تو، ہر سینہ و ہر دل میں
اُس خرمنِ خوبی سے ، ہنگامِ چمن گردی
جو دانہ بھی گرتا ہے ، بنتا ہے شجر دل میں
ہر لمحہ ازل قامت ، ہر آن ابد پیکر
ہم نے بھی گزارے ہیں ، دو چار پہر دل میں
گلشن سے گلستاں تر، صحرا سے بیاباں تر
اور وقت سے دوراں تر، اک شے ہے ادھر دل میں
جس دشتِ بلا میں ہے ، عمرِ خضر اک ذرّہ
اُس دشت کو سو سو بار ، ہم کرتے ہیں سر دل میں
بیٹے نے جو کل پوچھا ، رہتا ہے کہاں سیمرغ
بابا نے یہ فرمایا ، اے جانِ پدر دل میں
گریے نے مری دولت ، پانی میں بہائی ہے
جو بوند ہے آنکھوں میں ، تھی لعل و گہر دل میں
شاعر: احمد جاوید صاحب
پسند فرمانے کا شکریہ۔