غزل: نالۂِ غم سے لبِ خشک چھڑا لے دامن

[نامعلوم اول]

نالۂِ غم سے لبِ خشک چھڑا لے دامن
تو جو مِل جائے تبّسم سے سجا لے دامن​

​

خود بھی انجام کو صد پارہ نہ کیونکر ہوجائے
کب تلک چاکِ گریباں کو سنبھالے دامن​

​

میں بھی دامن کشِ ترکانِ جفا پیشہ ہوں
ہو سکے تو مری نظروں سے بچا لے دامن​

​

گلشنِ مہر میں کانٹوں سے الجھتا کیوں ہے
ناز ہے خود پہ تو چل مجھ سے چھڑا لے دامن​

​

تم جو کامل ؔ سے ملاقات کو آؤ، صحرا
صد گلِ ذوقِ تماشا سے سجا لے دامن​

 

[مہ جبین]

خود بھی انجام کو صد پارہ نہ کیونکر ہوجائے
کب تلک چاکِ گریباں کو سنبھالے دامن
بہت خوب

 

[نیرنگ خیال]

میں بھی دامن کشِ ترکانِ جفا پیشہ ہوں
ہو سکے تو مری نظروں سے بچا لے دامن

کیا کہنے جناب۔۔ بہت سی داد قبول فرمائیے

 

[شیزان]

میں بھی دامن کشِ ترکانِ جفا پیشہ ہوں
ہو سکے تو مری نظروں سے بچا لے دامن


کیا بات ہے کاشف جی۔۔ بہت اعلیٰ