نظم : ”نفرت‘‘ ۔۔ از : فاتح الدین بشیر محمود ؔ

[مغزل]

نفرت​

----------​

ارے او قاتلو!​

تم پر خدا کا قہر ہو​

تم نے جہانِ دل کے سب کوچے محلے​

سب گلی چوبارے تک ویران کر ڈالے​

گلستانِ تبسم روند ڈالے​

شہرِ جاں کی سب فصیلیں ​

ڈھا کے قبرستان کر ڈالیں​

​

تم اپنی ذات میں خود ہی خداوندان و پیغمبر​

تمہاری گفتنی و کردنی ​

جو تھی بزعمِ خود ہی یزدانی​

​

جنہیں میں خضر سمجھا تھا​

وہی شداد نکلے ہیں​

میں جن کی ذات کا حصہ​

وہی بدذات نکلے ہیں​

​

تمہاری فتح میں تسلیم کر لوں گا ۔۔۔۔۔۔۔​

۔۔۔۔۔۔ اگر تم یہ شکستِ دل ​

شکستِ عشق میں تبدیل کر پاؤ​

​

مگر اب تک​

ضمیرِ قلب کے سینے پہ گویا ایستادہ ہے​

علم اک قرمزی​

جو اک علامت ہے​

محبت جاودانی کے جلال و فتح مندی کی​

​

وہیں اک اور بھی ​

اتنا ہی اونچا اور قد آور ​

علم بھی ایستادہ ہے​

مگر اس سرخ جھنڈے سے​

سیہ رنگت جھلکتی ہے​

مگر بس فرق اتنا ہے​

کہ اس کے روئیں روئیں سے​

فقط نفرت چھلکتی ہے​

​

وہی نفرت علامت ہے​

مرے تم سے تعلق کی​

تمہارے میرے رشتے کی​

​

مگر دکھ کیا ​

ابھی الفاظ باقی ہیں​

قلم کا ساتھ باقی ہے​

مگر جب تک ​

مرے سینے میں اک بھی سانس باقی ہے​

مجھے تم سب سے نفرت ہے​

مجھے تم سب سے نفرت ہے​

---​

فاتح الدین بشیر محمود ؔ​

۔۔۔۔۔۔​

​

حاشیہ : یہ نظم پہلی بار فاتح بھائی کے دولت کدے پر کراچی میں سماعت و دل و چشم کو نصیب ہوئی تھی۔۔ (اس ملاقات کا احوال ۔۔۔)​

محفل میں ’’ ہفتہ شعر وسخن‘‘ میں فرخ منظور بھائی کی ایما پر شامل ہے یہاں الگ سے پیش کرنے کا جی چاہا سو حاضر ہے ۔۔۔​

سلامت باشید روز بخیر​

 

[سارہ خان]

افففففف۔۔۔۔۔۔۔۔۔۔۔۔۔

 

[کاشفی]

عمدہ بہت ہی عمدہ!

 

[سارہ خان]

جلالی شاعر ۔۔۔

 

[الف عین]

نظم تو اچھی ہے مگر ہم سب سے نفرت اچھی نہیں!!

 

[فاتح]

نظم تو اچھی ہے مگر ہم سب سے نفرت اچھی نہیں!!

ان "تم سب" کا ذکر نظم کی پہلی سطر میں موجود ہے:
"ارے او قاتلو!"

 

[جاسمن]

کیا کہیں!!!!!
بہت ہی خووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووب

 

[فاتح]

کیا کہیں!!!!!
بہت ہی خووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووب

مغل بھائی نے تو یہ نظم ارسال کر کے پلٹ کے اس جانب دیکھا بھی نہیں لہٰذا ن کی جانب سے ہم شکریہ کہہ دیتے ہیں۔ آپ کا بھی اور باقی پسند کرنے والے دوستوں کا بھی

 

[ظہیراحمدظہیر]

بہت اعلیٰ! فاتح بھائی ۔ نظم پسند آئی !! بہت خوب!

 

[عائشہ عزیز]

واہ بہت خوب بھیا
مجھے بھی ان سب سے نفرت ہے۔