فرحت کیانی
لائبریرین
اس سال جولائی میں کچھ مہمانوں کو پاکستان مانیومنٹ کی سیر کے لئے لیکر گئے۔ وقت کم تھا سو بس سرسری سی سیر کروائی۔ یہ مغرب سے کچھ دیر پہلے کی تصویر ہے۔ احاطے میں داخل ہوں تو سامنے سیڑھیاں ہیں جو یادگار کی طرف لیکر جاتی ہیں۔ سیڑھیوں سے اوپر چبوترے پر پاکستان کا پرچم لہراتا ہے اور سیڑھیاں چڑھتے ہوئے دائیں طرف سنگِ بنیاد کی تختی موجود ہے۔ اوپر جاتے ہوئے دائیں اور بائیں طرف دیواروں پر ان لاتعداد مزدوروں کے ہاتھوں کے نشان ہیں جنہوں نے اس یادگار کی تعمیر میں حصہ لیا۔ میں کوشش کرتی ہوں کہ ایک ایک کر کے کچھ تصاویر اپلوڈ کر سکوں کہ وعدہ کر چکی تھی اس لئے یہ کام کرنا ضروری ہے ورنہ یہ کام بھی میرے کئی سالہ منصوبوں میں سے ایک ہوتا۔
