چاہت۔۔۔۔۔۔۔

[محمود احمد غزنوی]

ایک قدرے تازہ نظم۔ ۔ ۔۔

چاہت

دُور افق پر نظر جمائے۔ ۔ ۔۔۔۔۔۔۔۔۔۔۔ ۔۔۔ ۔
جذبوں کا اک دیپ جلائے۔ ۔۔۔۔۔۔۔۔ ۔ ۔ ۔
تیری چاہ میں رسوا ہوکر۔ ۔۔۔۔۔۔۔ ۔ ۔ ۔ ۔
تنہا ہو کر۔ ۔ ۔ ۔۔۔۔۔۔۔۔۔۔۔۔۔۔۔۔ ۔ ۔ ۔ ۔ ۔ ۔۔ ۔ ۔
کب سے کھڑا ہوں سوچ میں گم صم
تیری اس پتھر نگری میں۔۔۔۔۔۔۔۔۔۔۔۔۔۔۔۔۔۔۔
کب تک باقی رہ پائے گی۔ ۔ ۔ ۔ ۔ ۔۔۔۔۔۔۔
کرچی کرچی ہوجائے گی۔ ۔ ۔ ۔ ۔۔۔۔۔۔۔۔۔
نازک سی یہ چاہت جانم۔ ۔ ۔ ۔ ۔ ۔ ۔ ۔۔۔۔
اس دل کو کیسے سمجھائیں۔ ۔ ۔ ۔ ۔۔
کتنی تلخ حقیقت ہے جو۔ ۔ ۔ ۔ ۔۔۔۔۔۔۔۔۔۔۔
دو پہروں کا سورج بن کر۔ ۔۔۔۔۔۔۔۔۔۔۔۔۔۔۔
چبھتی جاتی ہے آنکھوں میں۔ ۔ ۔۔۔۔۔۔۔۔۔
گھٹتی جاتی ہے سانسوں میں۔ ۔ ۔۔۔۔۔۔
کس کی خاطر ویرانوں میں۔ ۔ ۔۔۔۔۔۔۔۔۔۔۔۔
خوشبو بن کر پھیل رہی ہے۔ ۔۔۔۔۔۔۔۔۔۔۔۔۔
نازک سی یہ چاہت جانم۔ ۔ ۔ ۔ ۔۔۔۔۔۔۔۔۔۔۔۔
بے مایہ سی چاہت جانم۔ ۔ ۔ ۔۔۔۔۔۔۔۔۔۔۔۔۔۔​

 

[عظیم اللہ قریشی]

محمود یار تم نے کب سے محبت شروع کردی ہے کیا آپ نے سنا نہیں
کہتے عشق جس کو وہ خلل ہے دماغ

 

[محمود احمد غزنوی]

ہاہاہا۔۔۔سنا ہے کچھ روحانی بابوں کے پاس اس مرض کا علاج بالمثل ہے۔۔۔۔بابا حضور سے توجہ کی درخواست کی جاتی ہے۔

اے طبیبِ جملہ علّتہائے ما۔ ۔ ۔۔​

 

[الف عین]

ایک کاظمی بابا بھی موجود ہیں یہاں!!
نہیں کوئی عروضی غلطی نہیں، بس مجھے تمہارے لا تعداد ڈیشیز (Dashes) پر اعتراض ہے!!

 

[عظیم اللہ قریشی]

محمود بعض اوقات مرض کی کیفیت کو دیکھتے ہوئے علاج بالمثل (ہومیوپیتھی) کی بجائے علاج بالضد (یونانی حکمت) بھی بادل نخواستہ کرنا پڑتا ہے۔
مرض بڑھتا گیا جوں جوں دوا کی