حسان خان
لائبریرین
(لسان الغیب خواجہ حافظ شیرازی کی غزل یاری اندر کس نمی بینیم یاراں را چہ شد کا منظوم ترجمہ)
کیا ہوئی یاری تمہاری؟ تم کو یارو کیا ہوا
دوستی کیوں مٹ گئی؟ اے دوستدارو کیا ہوا
آبِ حیواں میں سیاہی، ماجرا کیا ہے یہ خضر
خون شاخِ گل سے ٹپکا، نوبہارو کیا ہوا
گُل ہزاروں کھل گئے بولی نہ ہرگز عندلیب
کیا ہوا اے عندلیبو! اے ہزارو کیا ہوا
لعل ایک کانِ مروت سے نہ نکلا ان دنوں
مہر و مہ، اے لعل کے خدمت گزارو کیا ہوا
زہرہ کیوں بے ساز ہے کیا جل گیا اُس کا سِتار؟
ذوقِ مستی کیوں فنا ہے مے گسارو کیا ہوا
کر نہیں سکتی زباں اقرارِ حقِّ دوستی
حق شناسی پر پڑی کیا حال یارو کیا ہوا
گوئے توفیق و کرامت ہے پڑی میدان میں
مردِ میداں ہو نہ کوئی، شہسوارو کیا ہوا
حافظ اسرارِ الٰہی سے کوئی واقف نہیں
حالِ عالم کچھ نہ پوچھو، دم نہ مارو کیا ہوا!
(مولوی محمد احتشام الدین دہلوی)
کیا ہوئی یاری تمہاری؟ تم کو یارو کیا ہوا
دوستی کیوں مٹ گئی؟ اے دوستدارو کیا ہوا
آبِ حیواں میں سیاہی، ماجرا کیا ہے یہ خضر
خون شاخِ گل سے ٹپکا، نوبہارو کیا ہوا
گُل ہزاروں کھل گئے بولی نہ ہرگز عندلیب
کیا ہوا اے عندلیبو! اے ہزارو کیا ہوا
لعل ایک کانِ مروت سے نہ نکلا ان دنوں
مہر و مہ، اے لعل کے خدمت گزارو کیا ہوا
زہرہ کیوں بے ساز ہے کیا جل گیا اُس کا سِتار؟
ذوقِ مستی کیوں فنا ہے مے گسارو کیا ہوا
کر نہیں سکتی زباں اقرارِ حقِّ دوستی
حق شناسی پر پڑی کیا حال یارو کیا ہوا
گوئے توفیق و کرامت ہے پڑی میدان میں
مردِ میداں ہو نہ کوئی، شہسوارو کیا ہوا
حافظ اسرارِ الٰہی سے کوئی واقف نہیں
حالِ عالم کچھ نہ پوچھو، دم نہ مارو کیا ہوا!
(مولوی محمد احتشام الدین دہلوی)
آخری تدوین:
