عبد الرحمن
لائبریرین
ابھی ابھی ساقی۔ بھائی کا میسج آیا۔ سچ پوچھیں تو مجھے تو رلا ہی دیا۔ صدمے سے زبان گنگ ہے اب تک۔ ایسے میں تسلی کے دو بول بولوں بھی تو کیسے؟ لیکن حیرت اس بات پر ہے کہ اتنی ٹینس سچویشن میں بھی اللہ کا یہ نیک بندہ مار دھاڑ کرنے کے بجائے ایک نہیں تین تین مسکراہٹیں میری طرف اچھال رہا ہے۔ (مار دھاڑ کی ترکیب اس لیے استعمال کی کہ برادر کبیر کا شمار مایہ ناز مارشل آرٹسٹوں میں ہوتا ہے) اب آپ بھی اگر اپنی جان کی امان چاہتے ہیں تو بغیر وقت ضائع کیے فردا فردا تشریف لائیے اور اظہار ہمدردی و یکجہتی میں کسی بھی قسم کی غفلت سے پرہیز فرمائیے۔ جب تک میں ذرا ایک کونے میں کھڑا ہوکر جی بھر کے رولوں۔ 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گئی بھینس پانی میں۔
Samsung Galaxy Note 1
کو معلوم نہیں کون سا کیڑا لڑ گیا ہے ۔ رات کو اچھا بھلا الارم لگا کر سویا ۔ صبح جب آنکھ کھلی محسوس ہوا کہ ٹائم کچھ زیادہ ہو گیا ہے ۔ وال کلاک پر نظر ڈالی تو 9 بجنے والے تھے ۔ بڑی حیرانی ہوئی کہ الارم تو صبح 6 بجے کا لگایا تھا ۔موبائل پر نظر ڈالی تو تاریک تاریک سا لگا۔ چھو کر دیکھا تو بھی بالکل نہ کسمسایا۔ ہائے اللہ اسے کیا ہوا ؟۔ ادھر ادھر سے ٹٹولا ۔بٹن دبائے، ایک دو جھٹکے دیئے، ہاتھ پر دو تین بار مارا، بیٹری نکال کر دوبارہ ڈالی مگر۔۔۔۔ یہ نہ تھی ہماری قسمت کہ وصال ِیار ہوتا۔۔۔۔۔خیر موبائل والے بھائی کو دکھایا تو فرمانے لگے کہ اس پر فاتحہ پڑھ لیں ۔ دباؤ آنے کی وجہ سے ٹچ پیڈ بیکار ہو گیا ہے اور ایل سی ڈی سے اس کی روح نکل گئی ہے ۔ ۔۔ پوچھا کوئی حلِ۔۔۔؟۔۔۔۔ فرمانے لگے 2500 تک کا ناشتہ کرے گا آپ کا سیل فون ۔۔تب آنکھ کھولے گا ۔۔۔۔ ورنہ اسے بچوں کو بطور تخفہ دے دیجیئے۔
"اور خود کسی اور پر نظر رکھیے۔"
حد ہو گئی یار ۔۔۔ سوتے ہوئے ٹیکہ لگ گیا مجھے تو ۔
اب پریشان ہونے سے تو فائدہ نہیں ۔
(ایک صابر عورت کے گھر کو آگ لگ گئی ۔ جس نے اس کے گھر کو جلا کر راکھ کر دیا ۔ لوگوں نے کہا ہائے افسوس ۔۔ بیچاری کا مکان جل گیا ۔۔ وہ کہنے لگی اس میں پریشان ہونے والی کون سے بات ہے ۔ میں کافی عرصے سے سوچ رہی تھی مکان بدل لوں۔ مگر بات ٹل رہی تھی۔ چلو اسی بہانے مکان بدل جائے گا)
میں بھی یہی کہوں گا ۔ چلو اسی بہانے نیا موبائل خرید لیں گے ۔ کیسا؟
آخری تدوین:
