ساحر :::: ہم جو اِنسانوں کی تہذیب لیے پھرتے ہیں -- Sahir Ludhianvi

[طارق شاہ]

لوگ عورت کو فقط جسم سمجھ لیتے ہیں
ساحر لدھیانوی

لوگ عورت کو فقط جسم سمجھ لیتے ہیں
رُوح بھی ہوتی ہے اُس میں یہ کہاں سوچتے ہیں

رُوح کیا ہوتی ہے اِس سے اُنہیں مطلب ہی نہیں
وہ تو بس تن کے تقاضوں کا کہا مانتے ہیں

رُوح مرجائے، تو ہر جسم ہے چلتی ہوئی لاش
اِس حقیقت کو سمجھتے ہیں نہ پہچانتے ہیں

کئی صدیو ں سے یہ وحشت کا چلن جاری ہے
کئی صدیوں سے ہے قائم یہ گناہوں کا رواج

لوگ عورت کی ہر اِک چیخ کو نغمہ سمجھیں
وہ قبیلوں کا زمانہ ہو، کہ شہروں کا سماج

جبر سے نسل بڑھے، ظلم سے تن میل کرے
یہ عمل ہم میں ہے، بے علم پرندوں میں نہیں

ہم جو اِنسانوں کی تہذیب لیے پھرتے ہیں
ہم سا وحشی کوئی جنگل کے درندوں میں نہیں

ساحر لدھیانوی ​

 

[مدیحہ گیلانی]

ہم جو اِنسانوں کی تہذیب لیے پھرتے ہیں
ہم سا وحشی کوئی جنگل کے درندوں میں نہیں
بےشک بےشک ۔۔۔اس سے زیادہ سچی اور کھری بات تو ہو ہی نہیں سکتی ۔
کیا خوب نوحہ انتخاب کیا ہے آپ نے شاہ صاحب ۔

 

[غدیر زھرا]

واہ کیا کہنے---
لاجواب---

 

[عمراعظم]

جبر سے نسل بڑھے، ظلم سے تن میل کرے
یہ عمل ہم میں ہے، بے علم پرندوں میں نہیں

ہم جو اِنسانوں کی تہذیب لیے پھرتے ہیں
ہم سا وحشی کوئی جنگل کے درندوں میں نہیں
لاجواب کلام، بہترین انتخاب،حقیقت کو بے پردہ کرتی سوچ۔۔۔ شراکت کے لیئے بہت شکریہ طارق شاہ صاحب

 

[طارق شاہ]

ہم جو اِنسانوں کی تہذیب لیے پھرتے ہیں
ہم سا وحشی کوئی جنگل کے درندوں میں نہیں
بےشک بےشک ۔۔۔ اس سے زیادہ سچی اور کھری بات تو ہو ہی نہیں سکتی ۔
کیا خوب نوحہ انتخاب کیا ہے آپ نے شاہ صاحب ۔

واہ کیا کہنے---
لاجواب---

جبر سے نسل بڑھے، ظلم سے تن میل کرے
یہ عمل ہم میں ہے، بے علم پرندوں میں نہیں

ہم جو اِنسانوں کی تہذیب لیے پھرتے ہیں
ہم سا وحشی کوئی جنگل کے درندوں میں نہیں
لاجواب کلام، بہترین انتخاب،حقیقت کو بے پردہ کرتی سوچ۔۔۔ شراکت کے لیئے بہت شکریہ طارق شاہ صاحب

تشکّر آپ سب کے اظہار خیال کے لئے !
اللہ تعالیٰ ظلم و بربریت اور جہالت کا خاتمہ کرے
اور سب کو انسانی قدروں کی عزت اور تکریم کی توفیق اور سعادت نصیب کرے

 

[باباجی]

واہ شاہ صاحب واہ
تلخ سچائی کی تاثیر ہی الگ ہوتی ہے

ہم سا وحشی کوئی جنگل کے درندوں میں نہیں

 

[صائمہ شاہ]

اس وقت اس سے بڑی سچائی اور کوئی نہیں

ہم جو اِنسانوں کی تہذیب لیے پھرتے ہیں
ہم سا وحشی کوئی جنگل کے درندوں میں نہیں

 

[شیزان]

اعلیٰ انتخاب شاہ جی
سدا خوش رہیئے

 

[طارق شاہ]

واہ شاہ صاحب واہ
تلخ سچائی کی تاثیر ہی الگ ہوتی ہے

ہم سا وحشی کوئی جنگل کے درندوں میں نہیں

اس وقت اس سے بڑی سچائی اور کوئی نہیں

ہم جو اِنسانوں کی تہذیب لیے پھرتے ہیں
ہم سا وحشی کوئی جنگل کے درندوں میں نہیں

اعلیٰ انتخاب شاہ جی
سدا خوش رہیئے

سرفراز صاحب ، شیزان صاحب اور صائمہ شاہ صاحبہ !
آپ سب کے اظہار خیال کے لئے تشکّر
بہت افسوس کے ساتھ ساحر صاحب کی سچائی براہ راست دل اور دماغ پر اثر کرتی ہے
اور طبیعت رنجیدہ کرتی ہے
بہت خوش رہیں

 

[شاہد شاہنواز]

بے شک ۔۔۔ حق بات ہے۔۔

 

[x boy]

اچھی باتوں کا مجموعہ ہے
لیکن"
رُوح مرجائے، تو ہر جسم ہے چلتی ہوئی لاش
اِس حقیقت کو سمجھتے ہیں نہ پہچانتے ہیں"
روح کبھی مرتی نہیں ہے پرواز کرجاتی ہے ایک جہاں سے دوسرے جہاں۔

 

[شاہد شاہنواز]

بے شک۔۔۔ روح مرتی نہیں ، لیکن ایک وقت تو آئے گا، جب یہ بھی مرے گی۔۔۔

 

[x boy]

بے شک۔۔۔ روح مرتی نہیں ، لیکن ایک وقت تو آئے گا، جب یہ بھی مرے گی۔۔۔

الحمدللہ، الصلواۃ السلام علی رسول اللہ۔
ہم مسلمانوں کا ایمان
اللہ پر
رسولوں اور رسول صلی اللہ علیہ وسلم پر
کتابوں اور آخری کتاب پر۔
آخری کتاب میں ہے جس کا مفہوم ہے کہ جنتی ہمیشہ آرام میں رہیں گے اور جہنمی جنہوں نے اللہ کے ساتھ شرک کیا ہے وہ جہنم میں ہمیشہ رہیں گے، موت کو لایا جائیگا اور سب کے سامنے ذبح کردیا جائے گا پھر انسان اور جن پر کبھی موت نہیں آئے گی۔
انتھی۔
آپکی بات یہ والی دل کو لگی کہ فخر کرتے ہیں شاعر

 

[یوسف-2]

اچھی باتوں کا مجموعہ ہے
لیکن"
رُوح مرجائے، تو ہر جسم ہے چلتی ہوئی لاش
اِس حقیقت کو سمجھتے ہیں نہ پہچانتے ہیں"
روح کبھی مرتی نہیں ہے پرواز کرجاتی ہے ایک جہاں سے دوسرے جہاں۔

برادر آپ کی بات سو فیصد درست ہے۔
لیکن آپ شعراء کی باتوں کو اتنی ”سنجیدگی” سے نہ لیا کریں یہ تو نہ جانے کن کن وادیوں میں بھٹکتے پھرتے ہیں۔
ویسے یہاں “روح نکل جائے” لکھنا چاہئے تھا، شاعر کو۔۔۔ شاید وہ اسی مفہوم کو “ضرورت شعری“ کے تحت “روح مرجائے” لکھ گیا ہے، جو اسلامی عقیدہ کے مطابق یقیناً غلط ہے۔

 

[شاہد شاہنواز]

دیکھئے "کل نفس ذائٖقۃ الموت " بھی قرآن میں لکھا ہے اور "بے شک تیرے پروردگار کی ذات ہی باقی رہنے والی ہے" ۔۔ (سورہ رحمٰن )یہ بھی قرآن ہی میں لکھا ہے ۔۔۔ میرا ذاتی خیال اس پر یہ ہے کہ جب صور پھونکا جائے گا تو روح ہر شے کی فنا ہوجائے گی۔۔۔ کچھ باقی نہیں بچے گا۔۔۔ موت کو ذبح کرنے والی جو بات آپ نے لکھی، وہ درست ہے کہ جنتی او ر دوزخی ہمیشہ رہیں گے، لیکن یہ قیام قیامت کے بعد کی بات ہے۔۔

 

[کاشفی]

بہت ہی خوب۔ عمدہ شراکت کے لیئے بیحد شکریہ۔۔طارق شاہ صاحب!

 

[x boy]

دیکھئے "کل نفس ذائٖقۃ الموت " بھی قرآن میں لکھا ہے اور "بے شک تیرے پروردگار کی ذات ہی باقی رہنے والی ہے" ۔۔ (سورہ رحمٰن )یہ بھی قرآن ہی میں لکھا ہے ۔۔۔ میرا ذاتی خیال اس پر یہ ہے کہ جب صور پھونکا جائے گا تو روح ہر شے کی فنا ہوجائے گی۔۔۔ کچھ باقی نہیں بچے گا۔۔۔ موت کو ذبح کرنے والی جو بات آپ نے لکھی، وہ درست ہے کہ جنتی او ر دوزخی ہمیشہ رہیں گے، لیکن یہ قیام قیامت کے بعد کی بات ہے۔۔

اچھی طرح قرآن و حدیث پڑھیں گے تو آپ کو علم ہوجائے گا۔
روح شفٹ کیا جاتا، کل نفس ذائقہ الموت۔ یعنی ہم جو بھی ہیں جوکاننات ہے اس کو لپیٹ لی جائے گی پھر سزا و جزا کا دن بھی ہے
اللہ کا عدل و انصاف زبردست ہے وہ کسی کے ساتھ بے انصافی نہیں کرے گا۔
کیا یہ بدمعاش، قاتل، بھتہ خور، کھال چور، اللہ کے ساتھ مخلوق کی آمیزش کرنے والا، اللہ کو چھوڑ کرپکارنے والے کا معاملہ ایسا ہوگا کہ موت کے بعد اٹھایا نہ جائے
اور سب کے سب ختم ہو، جبکہ متعدد جگہہ قرآن الکریم میں آیا ہے جسکا مفہوم ہے کہ یہ جہنمی لوگوں اور جنتی لوگوں کے سامنے موت کو ذبح کردیا جائیگا۔
پھر جہنمی کہیں گے کہ کاش ہم مٹی میں مل جاتے اور دوبارہ اٹھائے نہیں جاتے۔
انتھی۔

 

[طارق شاہ]

ہم جو اِنسانوں کی تہذیب لیے پھرتے ہیں
ہم سا وحشی کوئی جنگل کے درندوں میں نہیں

ساحر لدھیانوی

 

[طارق شاہ]

ہم جو اِنسانوں کی تہذیب لیے پھرتے ہیں
ہم سا وحشی کوئی جنگل کے درندوں میں نہیں

ساحر لدھیانوی

کیا کہیں حال تِرا، اے مُتَمدّن دُنیا
جانور بھی نہیں کرتے جو بشر کرتے ہیں

باقر زیدی

 

[عبد الرحمن]

آپ کے انتخاب پر جتنی داد دی جائے، کم ہے۔
جزاکم اللہ خیرا طارق بھائی!