فاتح
لائبریرین
کافی تلاش بسیار کے باوجود محفل میں کوئی معذرت کا زمرہ نظر نہیں آ سکا۔۔۔ شاید آج سے پہلے کسی کو معذرت طلب کرنے کی ضرورت ہی نہیں پڑی اور اگر ایسا موقع آیا بھی تب بھی شاید ذاتی پیغامات کے ذریعے ہی کام چلا لیا گیا ہو گا اور میں نے بھی آج یہی ذاتی پیغام کا طریق ہی اختیار کرنا چاہا لیکن پھر خیال آیا کہ چونکہ میں نے زیادتی پبلک فورم میں کی تھی لہٰذا معذرت بھی پبلک فورم میں ہی طلب کرنی چاہیے اور جس دھاگے میں مجھ سے یہ زیادتی سرزد ہوئی تھی وہ مقفل ہو چکا ہے لہٰذا ایک نیا دھاگا کھولنا پڑ رہا ہے۔۔۔
میں اس دھاگے کے توسط سے اعلانیہ طور پر محفل کی ایک معزز رکن قرۃالعین اعوان صاحبہ سے دلی طور پر شرمندہ ہوں اور معذرت طلب کرتا ہوں کہ غصے میں ان سے بات کرتے ہوئے میرا لہجہ ترش ہو گیا جس کا مجھے فی الواقعہ افسوس ہے۔ گو کہ عذرِ گناہ بد تر از گناہ ہوتا ہے لیکن یہ ضرور کہنا چاہوں گا کہ اس وقت کسی اور وجہ سے میں اپ سیٹ تھا اور وہی ترشی میرے مراسلے میں در آئی۔
میں اس دھاگے کے توسط سے اعلانیہ طور پر محفل کی ایک معزز رکن قرۃالعین اعوان صاحبہ سے دلی طور پر شرمندہ ہوں اور معذرت طلب کرتا ہوں کہ غصے میں ان سے بات کرتے ہوئے میرا لہجہ ترش ہو گیا جس کا مجھے فی الواقعہ افسوس ہے۔ گو کہ عذرِ گناہ بد تر از گناہ ہوتا ہے لیکن یہ ضرور کہنا چاہوں گا کہ اس وقت کسی اور وجہ سے میں اپ سیٹ تھا اور وہی ترشی میرے مراسلے میں در آئی۔
